完整藏文原文 · 德格版页 当前仅加载第 88 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །བརྟུལ་ཞུགས་གྲུབ་པ་རྣམས་ལ་ཕྱག་འཚལ་ལོ། །སེམས་ཅན་རྣམས་ཀྱི་སྨན་པ་རྣམས་ལ་ཕྱག་འཚལ་ལོ། །ནོར་བུ་གྲུབ་པ་རྣམས་ལ་ཕྱག་འཚལ་ལོ། །འདི་ལྟ་སྟེ། ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷ་རྨཱ་ཧེ་ཏུ་པྲ་
D519.088.0056b01.01བྷ་བཱ་ཧེ་ཏུ་ནྟེ་ཥཱཾ་ཏ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བ་དཱི་མ་ཧཱ་ཤྲ་མ་ཎཿསྭཱ་ཧཱ། ལས་རྣམས་ཀུན་གྱི་ཆོ་ག་ལ། །ཚིགས་སུ་བཅད་པ་འདི་དག་བརྗོད། །བསམ་རྒྱུད་རང་གི་ལག་མཐིལ་ལ། །སངས་རྒྱས་བཅོམ་ལྡན་འདས་ཀྱི་སྐུ། །སྐྱེས་བུ་ཆེན་པོའི་མཚན་
D519.088.0056b02.01གྱིས་བརྒྱན། །དཔེ་བྱད་བཟང་པོ་བརྒྱད་ཅུས་སྤྲས། །མེ་ཡི་ཁམས་ལ་ཞུགས་པར་བསྒོམ། །དེ་ནི་ལྷ་དག་རྗེས་སུ་དྲན། །ད་ནི་སྦྱོར་བའི་ལས་བཤད་དེ། །རིམ་པ་བཞིན་དུ་སོ་སོར་བསྟན། །རིམས་ཀྱིས་བཏབ་ནས་ན་བ་དང་། །ཀླད་པ་ན་དང་མིག་ན་དད་དང་། །ཁོང་ནད་ལ་
D519.088.0056b03.01སོགས་ནད་རྣམས་ལ། །ཚིགས་བཅད་འདི་དང་སྙིང་པོ་འདི། །མང་པོར་བཟླས་ཤིང་ལངས་ནས་ནི། །ལག་པ་གཡས་པའི་ཁུ་ཚུར་གྱིས། །དབྱུང་བའི་ཐབས་སུ་བྱབ་པར་བྱའོ། །ནད་རྣམས་ཐམས་ཅད་སོས་པར་འགྱུར། །ཉིན་གཅིག་ཉིན་གཉིས་ཉིན་གསུམ་དང་། །ཉིན་བཞི་
D519.088.0056b04.01རྟག་པའི་རིམས་རྣམས་ལ། །བུ་མོ་གཞོན་ནུས་བཀལ་བ་ཡི། །སྐུད་པ་དཀར་པོ་སུམ་སྒྲིལ་ལ། །བཟླས་བརྗོད་ཉི་ཤུ་བརྒྱད་བརྒྱད་བཟླས་ནས། །མགུལ་དུ་བཏགས་ན་བདེ་བར་འཚོ། །ནད་ལ་ཕན་པའི་སྨན་རྣམས་ལ། །གཟུངས་སྔགས་འདི་དག་བཟླས་ཤིང་བཏང་། །སྙིང་ནད་རྩིབ་
D519.088.0056b05.01ལོགས་ན་བ་དང་། །ཁོང་ན་ནད་རྣམས་ཅི་ཡོད་ལ། །ཆུ་ལ་སྔགས་འདི་མང་བཟླས་ནས། །བླུད་ན་ཕན་ཞིང་བདེ་བར་འགྱུར། །ནད་ལ་ཕན་པའི་སྨན་རྣམས་ལ། །བཟླས་ཤིང་བཏང་ན་འཚོ་བར་འགྱུར། །གཡན་པ་དང་ནི་འབྲུམ་བུ་དང་། །ཕོལ་མིག་དང་ནི་རྨ་རེད་ལ། །གྲོག་
D519.088.0056b06.01ཚངས་ལ་སྙིང་པོ་འདི། །མང་དུ་བཟླས་ཤིང་བཏབ་ན་འཚོ། །གཞང་འབྲུམ་གཞང་ནད་ཟ་གུ་དང་། །ཕོ་མཚན་སྐྲང་ཞིང་ན་བ་ལ། །སྐྱེར་པའི་ཁཎྜའི་རིལ་བུ་འམ། །བྱང་ཆུབ་སེམས་དཔའི་རིལ་བུ་ལ། །ཉི་ཤུ་བཟླས་ཤིང་བསྐུས་ན་ཕན། །ནད་ཀྱི་རྣམ་པ་གང་ན་ཡང་། །ནད་
D519.088.0056b07.01