完整藏文原文 · 德格版页 当前仅加载第 88 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད། དེ་བཞིན་དུ་རིའི་རྒྱལ་པོ་རི་རབ་ནི་འཇིག་པར་འགྱུར་ཡང་སྲིད། རླུང་ནི་ཞགས་པས་བཅིང་དུ་རུང་ཡང་སྲིད། ཟླ་བ་དང་ཉི་མ་ནི་སའི་སྟེང་དུ་ལྟུང་ཡང་སྲིད། ནམ་མཁའ་ནི་ལག་པ་གཉིས་ཀྱིས་མནན་དུ་རུང་ཡང་སྲིད། མེ་ནི་ཆུར་འགྱུར་ཡང་སྲིད། འབྱུང་བ་ཆེན་པོ་
D518.088.0055b01.01བཞི་ནི་གཞན་དུ་འགྱུར་ཡང་སྲིད། སེམས་ཅན་ཐམས་ཅད་ཀྱི་སེམས་ནི་གཅིག་ཏུ་འགྱུར་ཡང་སྲིད། དེ་བཞིན་གཤེགས་པས་གསུངས་ཤིང་བྱིན་གྱིས་བརླབས་པ་ནི་གཞན་དུ་འགྱུར་མི་སྲིད་དེ། སུས་ཀྱང་བསྐྱོད་པའམ། བསྒུལ་བར་མི་ནུས་སོ། །འདི་ལ་ནི་བདུད་
D518.088.0055b02.01སྡིག་ཅན་གྱིས་གླགས་རྙེད་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་གཟུངས་འདིའི་ཆོ་ག་བཤད་པར་
D518.088.0055b03.01བགྱིའོ། །ཆོས་ཀྱི་རྒྱལ་པོའི་མཆོད་རྟེན་རིང་བསྲེལ་དང་བཅས་པའམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་ཙནྡན་དཀར་པོའི་དཀྱིལ་འཁོར་བགྱིས་ཏེ། མེ་ཏོག་སིལ་མ་གཏོར་ལ་ཙནྡན་གྱི་བདུག་པས་བདུགས་ཏེ། ཟླ་བ་ཚེས་པ་ནས་བརྩམས་ནས་ཚེས་བཅོ་ལྔའི་བར་དུ་
D518.088.0055b04.01དུས་གསུམ་དུ་ཁྲུས་བགྱི་ཞིང་གོས་ཀྱང་ལན་གསུམ་དུ་བརྗེས་ཏེ། ཁ་ཟས་བསྲེག་བྱ་འཚལ་ཞིང་། གསོ་སྦྱོང་དང་ལྡན་པ། སེམས་ཅན་ཐམས་ཅད་ལ་སེམས་སྙོམས་པས་ཟླ་བ་ཉའི་ཉིན་པར་ཞག་གཅིག་སྨྱུང་བ་བགྱིས་ཏེ། རྩྭ་བམ་གྱི་སྟེང་ན་མཆིས་ཤིང་། རྩྭ་བམ་བཏིང་
D518.088.0055b05.01བའི་སྟེང་དུ་ཉལ་ནས་སེམས་རྩེ་གཅིག་ཏུ་བཟླས་པ་བགྱིད་ཅིང་མེ་ཏོག་དྲི་ཞིམ་པོས་ལན་རྒྱ་སྟོང་དུ་གཏོར་ནས་གཡོ་བར་འགྱུར། བདག་ཉིད་ཀྱང་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དང་། སྤྱན་རས་གཟིགས་དབང་ཕྱུག་མཐོང་བར་འགྱུར། གཟུངས་ཆེན་པོ་
D518.088.0055b06.01ཐོས་མ་ཐག་ཏུ་ཅི་འདོད་པ་དེ་ཐོབ་པར་འགྱུར། །ཐོས་པ་འཛིན་པ་ཡང་འགྱུར། ལས་ཀྱི་སྒྲིབ་པ་ཐམས་ཅད་ཀྱང་བྱང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ཐམས་ཅད་དང་ལྡན་
D518.088.0055b07.01