完整藏文原文 · 德格版页 当前仅加载第 87 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
སརྦྦ་དུ་ཋྚཱ་ན་ཕཊ། ཀཱི་ལ་ཡ་ཀཱི་ལ་ཡ། ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ། བཛྲ་དཾ་ཤྚྲོད་ཨཱ་ཛྙཱ་པ་ཡ་ཏི་ནཱ་ག་ཀཱ་ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཕཊ། ནཱ་ག་བི་དཱ་རཱ་ཡ་ཕཊ། ནཱ་ག་ཨུཏྶཱ་ད་ནཱ་ཡ་ཕཊ། ནཱི་ལཱཾ་བ་ས་ནཱ་ཡ་ཕཊ། སྔགས་འདི་གསུངས་པ་ཙམ་གྱིས་ཁམས་གསུམ་ན་གནས་པའི་སེམས་
D499.087.0172a01.01ཅན་རྣམས་འདར་ཞིང་བརྒྱལ་བར་གྱུར་ཏོ། །དེ་ནས་བཅོམ་ལྡན་འདས་བརྒྱལ་བ་སེལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཨཱ་བེ་ཤ་གསུངས་པས་ཐམས་ཅད་ཀྱང་དབུགས་འབྱུང་ཞིང་བརྒྱལ་བ་སངས་ནས་འདར་ཞིང་ཐལ་མོ་སྦྱར་ནས་ཆེད་དུ་བརྗོད་པ། སངས་རྒྱས་ཀུན་
D499.087.0172a02.01གྱིས་དབང་བསྐུར་ཞིང་། །གདུག་པ་ཐམས་ཅད་འཇོམས་མཛད་པའི། །སྔགས་དང་ཏིང་འཛིན་ནུས་པ་ཡིས། །སངས་རྒྱས་ཀྱིས་ཀྱང་གཞལ་མི་ནུས། །རྡོ་རྗེ་ས་འོག་གི་རྒྱུད་ལས་ཀླུ་སྒྲུབ་པའི་ལེའུ་སྟེ་དྲུག་པའོ།། །།དེ་ནས་གཏམ་རྒྱུད་བཤད་པར་བྱ་སྟེ། བཅོམ་ལྡན་འདས་
D499.087.0172a03.01རྡོ་རྗེ་འཆང་ཆེན་པོས་ལྷ་གནས་རྣམ་པ་བརྒྱད་དུ་རྒྱུད་ཐམས་ཅད་བསྡུས་ནས་རི་རབ་ཀྱི་བྱང་ཕྱོགས་སུ་འཇིག་རྟེན་གསུམ་འདུལ་བའི་རྒྱུད་གསུངས་སོ། །དེ་ནས་ཞལ་གསུམ་ཕྱག་དྲུག་པའི་སྔགས་གསུངས་པས་ལྷ་དང་ལྷ་མ་ཡིན་གྱི་རྣ་བར་སོང་ངོ་། །རིག་སྔགས་འཆང་དེ་རྣམས་ངོ་མཚར་ནས་
D499.087.0172a04.01བསྟོད་པ་བྱས་སོ། །དེ་ནས་གླིང་གི་སྙིང་པོར་འཁོར་གྱི་སྙིང་པོ་གནོད་སྦྱིན་གྱི་ཆ་འཛིན་པ། བྱང་ཆུབ་སེམས་དཔའ་ཕྱག་ན་རྡོ་རྗེ་བྱོན་ནས་མར་གྱི་སྙིང་པོ་དང་འདྲ་བ་དམ་པའི་ཆོས་རྒྱུད་ཐམས་ཅད་བསྡུས་སོ། །ཉིད་ཀྱི་ལས་གཉིས་ཀྱི་བདག་ཉིད་ཅན་རྒྱུད་སྡེ་སྟོང་ཕྲག་བརྒྱད་ཅུ་ཡང་གསུངས་སོ། །
D499.087.0172a05.01དེ་ནས་འཇིག་རྟེན་དུ་གནོད་སྦྱིན་རྣམས་ཀྱིས་མཆོད་དེ། སྒྲོན་མ་ཟ་བ་རྡོ་རྗེས་མགོ་ལུས་ཕྲལ་ཏེ་ཉམས་པར་བྱས་སོ། །དེ་ནས་ཀླུ་འདུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ས་འོག་རིམ་པ་བདུན་དུ་བྱོན་ནས་རྡོ་རྗེ་ས་འོག་གི་རྒྱུད་གསུངས་སོ། །རྡོ་རྗེ་ས་འོག་
D499.087.0172a06.01གི་རྒྱུད་ལས་གཏམ་རྒྱུད་ཀྱི་ལེའུ་སྟེ་བདུན་པའོ།། །།རྡོ་རྗེ་ས་འོག་གི་རྒྱུད་རྫོགས་སོ།། །།རྒྱ་གར་གྱི་མཁན་པོ་དཱི་པཾ་ཀ་ར་དང་། སྒྲ་བསྒྱུར་གྱི་ལོ་ཙྪ་བ་དགེ་སློང་བྱའི་གདོང་པ་ཅན་གྱིས་བསྒྱུར་བའོ།། །།
D499.087.0172a07.01