完整藏文原文 · 德格版页 当前仅加载第 83 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །བླ་མ་ལ་སྨོད་གཡོ་སྒྱུ་ཅན། །ངེས་པར་དེ་ནི་དུག་དང་ཡང་། །གདོན་ཆེན་དག་ནི་མ་ལུས་པས། །འཆི་ཞིང་བརླགས་པར་དེ་གྱུར་ནས ། །དམྱལ་བ་དག་ཏུ་ཡུན་རིང་ལྟུང་། །བསྐལ་པ་དུ་མར་སྡུག་བསྔལ་ཏེ། །རྟག་ཏུ་ཆོ་ངེས་འདེབས་པར་བྱེད། །དེ་བས་བློ་གྲོས་ཆེན་པོ་ལ། །
D473.083.0182b01.01ནམ་དུའང་མི་སྨད་གཞན་དུ་ན། །བཀུར་སྟི་ཕུ་དུད་འགྲོ་བ་ལ། །ཕན་པའི་སེམས་ཀྱིས་དེ་ལྟར་བྱ། །གཞན་ཡང་བསྒོམ་པར་བྱ་བ་ཉིད། །གང་དག་དབང་པོའི་ལམ་འགྲོ་བ། །དེ་དེའི་ངོ་བོར་བདག་གིས་བྱ། །བསམ་གཏན་མི་བྱེད་དེ་བློ་ཡིས། །ཀུན་ཏུ་བློ་ཡིས་བསྒོམ་པར་བྱ། །
D473.083.0182b02.01བཅོམ་ལྡན་བདག་པོ་ཆེན་པོ་ཡིས། །གསང་དབང་ལག་ན་རྡོ་རྗེ་ལ། །བོས་ནས་གསང་བའི་དབྱངས་འདི་གསུངས། །གཟུགས་སྒྲ་ལ་སོགས་དྲུག་པོ་རྣམས། །དངོས་མེད་མཁའ་དང་འདྲ་བ་ལས། །ལོངས་སྤྱོད་ཡུལ་དུ་དུ་མར་སྣང་། །ཤེལ་ལ་ཚོན་ནི་ཇི་བཞིན་དུ། །འདོད་པ་
D473.083.0182b03.01ལྔ་དང་ཆོས་རྣམས་ལ། །རྟག་ཏུ་རྣལ་འབྱོར་སྤྱོད་པར་ཤོག །ཨ་ལ་ལ་ཧོ། །རོལ་དུ་གསོལ། བསྣམས་པར་མཛོད། མི་འཛིན་སྒྱུ་མ་ལྟ་བུ་ལ། །གར་གྱིས་དགྱེས་པའི་རོལ་པ་མཛོད། །རིག་བྱ་དགག་པ་མེད་པ་ལ། །མི་གཡོ་བཞིན་དུ་རོལ་པར་མཛོད། །ཧོ་ཆགས་པ་མེད་པས་
D473.083.0182b04.01ཆགས་པར་མཛོད། །དེ་ནས་ཡང་དག་རབ་བཤད་པ། །སྔགས་དང་ཕྱག་རྒྱ་དབང་བསྐུར་བའི། །དེ་ཡི་མཚན་ཉིད་བཤད་པའི་ཕྱིར། །གསུང་ནི་འདི་སྐད་བཀའ་སྩལ་ཏོ། །ལྕེ་ལ་སྒོམ་པའི་རྡོ་རྗེ་ནི། །རྡོ་རྗེ་གནོད་མཛེས་ནག་པོ་སྟེ། །ཁ་ནི་ཀུན་དུ་གྱེས་པ་ཡི། །ལག་གཉིས་
D473.083.0182b05.01ཐལ་མོ་ངེས་སྦྱར་ཏེ། །གུང་མོའི་རྩ་བའི་ཚིགས་ཉིད་ལ། །མཐེ་བོང་ངེས་པར་སྦྱར་བར་བྱ། །མཛུབ་མོ་གུང་མོའི་རྒྱབ་རྩེར་སྦྱར། །འདི་ནི་དམ་ཚིག་ཕྱག་རྒྱ་སྟེ། །སྙིང་ག་དཔྲལ་བ་ལྐོག་མ་དང་། །སྤྱི་བོར་བྱིན་གྱིས་བརླབ་པར་བྱ། །ཨོཾ་ཧྲཱིཿཥྚྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་ཨ་དྷི་ཏིཥྛ་
D473.083.0182b06.01སྭ་མཱཾ། །གཞན་ཡང་རྡོ་རྗེ་སེམས་མ་སོགས། །ཕྱག་རྒྱས་དབང་བསྐུར་དབུ་རྒྱན་བརྟག །གཏི་མུག་རྡོ་རྗེ་ལ་སོགས་པ། །སོ་སོའི་བདག་པོས་དབུ་བརྒྱན་ཅིང་། །དབང་བསྐུར་ཚེ་ན་བུམ་པ་ཆེ། །ཕྱག་གིས་བསྣམས་ཏེ་དབང་བསྐུར་རོ། །འཁོར་ལོ་ལས་ཀུན་བྱེད་པ་ལ། །
D473.083.0182b07.01