完整藏文原文 · 德格版页 当前仅加载第 83 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ཁྱི་ཡི་ཤ་ལ་བསྒྲུབ། །རྨི་ལྟས་རིམ་པ་ལྡན་པས་བརྟག །བརྒྱད་ཁྲི་ཞབས་ནུབ་འཇིགས་པའི་ཆ། །གད་རྒྱངས་བཞད་མཛད་ཞལ་གསུམ་པ། །ནག་པོ་ཞབས་གདུག་གདུག་པ་འཛིན། །སྟོབས་ཆེན་རབ་ཏུ་གནོན་པ་པོ། །ཀླུ་ཆེན་མ་རུངས་
D455.083.0007a01.01གདུག་པ་ཅན། །ནོར་རྒྱས་དང་ནི་དུང་སྐྱོང་དང་། །དགའ་བོ་དང་ནི་འཇོག་པོ་དང་། །པད་མ་པད་མ་ཆེན་པོའོ། །སྟོབས་ཀྱི་རྒྱུ་དང་རིགས་ལྡན་རྣམས། །རྒྱ་མཚོ་དག་ལ་གནས་པ་ཡི། །ཀླུ་དང་གཉན་དང་ས་བདག་གསུམ། །སྤྲུལ་པ་ལས་ལས་གྲུབ་པ་
D455.083.0007a02.01ཡི། །གླེན་པ་ང་རྒྱལ་རྫུ་འཕྲུལ་ཅན། །སྤྲུལ་པ་འབུམ་སྡེ་འཁོར་དང་བཅས། །མ་ལུས་པ་ཡི་སྔགས་འདི་ནི། །གནད་ལ་བོར་བའི་རྩ་སྔགས་སོ། །ཧ་ར་ཧ་ར་ནཱ་ག་ཕུཿ། པྲ་ཧ་ར་པྲ་ཧ་ར་ནཱ་ག་ཕུཿ། ཙྪིནྡ་ཙྪིནྡ་ནཱ་ག་ཕུཿ། བྷིན་ད་བྷིན་ད་ནཱ་ག་ཕུཿ། བི་
D455.083.0007a03.01ཤཱིརྱནྟུ་ནཱ་ག་ཤ་རཱི་རཱ་ཎི་ཕུཿ། བི་སྥོ་ཊ་ཡ་ནཱ་ག་ནཱ་ཡ་ན་ནི་ཕུཿ། ནཱ་ག་བི་དཱ་ར་ཎ་ཡ་ཕུཿ། ནཱ་ག་ཀྲོ་དྷ་སཱ་ད་ནཱ་ཡ་ཕུཿ། བལ་པོ་སེའུ་དག་དང་ནི། །སྨག་ཤད་དག་གི་ལྕུག་མས་བྱབ། །དེ་ནི་ཀླུ་བཟློག་པར་བྱེད་པའི་ཆོ་གའོ། །ནཱ་ག་དུ་ན་དུས། ནཱ་ག་ཤོན་དུས།
D455.083.0007a04.01ཧི་ལི་ཧི་ལི་ནཱ་ག་དུས་དུས། ཀླུ་ཆེན་ནཱ་གའི་སྲོག་སྙིང་སྟེ། །གནད་ལ་བོར་བའི་སྲོག་སྙིང་ངོ་། །ལྟོ་འཕྱེ་དག་གི་ཁ་ནས་ཁར། །བཅོམ་ལྡན་སྐུ་ནི་གསལ་བས་བཟླས། །དེ་ནས་རྡོ་རྗེ་འཛིན་ལ་བཀའ་སྩལ་པ། ལས་རྣམས་བཞི་ཡིས་ལས་རྣམས་འགྲུབ། །ས་གཞི་དག་
D455.083.0007a05.01ནི་སོ་སོར་བརྟག །ཞི་བ་དཀར་ཟླུམ་པད་མ་ཅན། །རྒྱས་སེར་གྲུ་བཞི་འཁོར་ལོའོ། །དབང་དམར་ཟླ་གམ་ལྕགས་ཀྱུ་སྟེ། །དྲག་པོ་མཐིང་ནག་རྩེ་གསུམ་པའོ། །ཞི་བ་རྒྱས་པ་སོར་བཞི་དང་། །ཁྲུ་གང་ཁྲུ་དོ་མཉམ་པའོ། །དབང་དང་དྲག་པོ་སོར་གསུམ་སྟེ། །
D455.083.0007a06.01ཁྲུ་གང་ཁྲུ་དོ་ཁྲུ་གསུམ་ཁྲུ། །འོ་མ་ཅན་དང་དྲི་ཞིམ་ཤིང་། །འབྲས་བུ་དང་བཅས་ཞི་རྒྱས་ཤིང་། །ཚེར་མ་དུར་ཁྲོད་ཤིང་དག་ནི། །ཁ་དོག་དམར་ནག་དབང་དྲག་ལ། །ཀུ་ཤ་དག་ཀྱང་དགྲམ་བྱ་སྟེ། །ལས་ཀྱི་བུམ་པས་བསང་བར་བྱའོ། །ཞི་བ་ཞོ་དང་མར་དང་ནི། །
D455.083.0007a07.01