完整藏文原文 · 德格版页 当前仅加载第 82 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རྣམ་པ་ཡིན་ལ། ལུས་ཀྱང་སེམས་ཀྱི་རྣམ་པ་ཡིན་ཞིང་སེམས་ཀྱང་ཚིག་གིས་རབ་ཏུ་བརྗོད་པ་ཡིན་ནོ། །དེ་ནས་བྱང་ཆུབ་སེམས་དཔའ་དེ་དག་གིས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྦྱོར་བ་ཐོབ་ནས་ཆེད་དུ་བརྗོད་པ་
D451.082.0044b01.01འདི་ཆེད་དུ་བརྗོད་དོ། །ཀྱེ་མ་ཀུན་དུ་བཟང་པོ་འདི། །སྐུ་གསུང་ཐུགས་ཀྱི་རྡོ་རྗེ་ཅན། །ཆོས་རྣམས་སྐྱེ་བ་མེད་པ་སྟེ། །གཡོ་བ་མེད་ཅིང་གནས་པ་མེད། །རྟོག་པའི་དྲི་མ་སྤངས་པ་ཡིན། །བསྐྱེད་པར་བྱ་ཞེས་རབ་ཏུ་གསུངས། །དེ་ནས་བཅོམ་
D451.082.0044b02.01ལྡན་འདས་མི་འཁྲུགས་པ་དེ་བཞིན་གཤེགས་པ་གསུང་སྤྲོས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །དངོས་པོ་འདི་དག་མ་སྐྱེས་ཏེ། །ཆོས་ཅན་མེད་ཅིང་ཆོས་ཉིད་མེད། །ནམ་མཁའ་
D451.082.0044b03.01བཞིན་དུ་དམིགས་མེད་པའི། །བྱང་ཆུབ་སེམས་ནི་བརྟན་པ་ཡིན། །བཅོམ་ལྡན་འདས་དེ་བཞིན་གཤེགས་པ་རྡོ་རྗེ་མི་འཁྲུགས་པས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རིན་ཆེན་འབྱུང་གནས་ཀྱིས་དེ་བཞིན་གཤེགས་པ་
D451.082.0044b04.01ཐམས་ཅད་དམིགས་སུ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །དངོས་པོ་འདི་དག་དངོས་མེད་དེ། །ཆོས་ཀྱི་མཚན་ཉིད་སྤངས་པ་ཡིན། །བདག་མེད་ཆོས་ལས་ལེགས་བྱུང་བའི། །བྱང་
D451.082.0044b05.01ཆུབ་སེམས་ནི་བརྟན་པ་ཡིན། །ཞེས་བཅོམ་ལྡན་འདས་རིན་ཆེན་ཏོག་གིས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་ཀྱིས་རྡོ་རྗེ་མེ་ལྕེ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་
D451.082.0044b06.01འདི་གསུངས་སོ། །དངོས་པོ་སྐྱེ་བ་མེད་པ་སྟེ། །དངོས་པོ་ངོ་བོ་ཡོད་མིན་པས། །ནམ་མཁའི་གོ་འཕང་འཐོབ་བོ་ཞེས། །དངོས་རྣམས་རབ་ཏུ་བརྗོད་པ་ཡིན། །ཞེས་བཅོམ་ལྡན་འདས་འོད་དཔག་མེད་ཀྱིས་གསུངས་སོ། །དེ་ནས་བཅོམ་ལྡན་
D451.082.0044b07.01