完整藏文原文 · 德格版页 当前仅加载第 81 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
སྔོ་སངས་ཡིད་ཙམ་ཁྲོ་བ་སྟེ། །སྒྲུབ་པོས་མདུན་དུ་བཞག་ནས་ནི། །མཚན་བརྒྱད་པོ་ནི་བརྗོད་པར་བྱ། །ནག་པོ་མི་སྡུག་རྡོ་རྗེ་ཅན། །བརླ་གཉིས་བར་དུ་མཁའ་ལྡིང་ནི། །དུག་ཅན་ཨེ་ཛག་ག་ར་འཇོམས། །སྡིགས་བྱེད་ལག་ན་རྡོ་རྗེ་
D449.081.0298a01.01བསྒོམ། །མདོག་བཟང་ཀཱ་མ་དྷེ་ནུའི་བ། །པི་ཅུ་ར་འབྲས་སྙེ་མ་འཛིན། །བུམ་པ་ལ་གནས་གནོན་སྦྱིན་མོ། །མ་རྐ་ཊ་བཅས་བསམ་པར་བྱ། །པདྨ་རཱ་གའི་འོད་དང་མཉམ། །ཀྱོ་བ་ནེའུ་ལེའི་རྐྱལ་བ་ཅན། །ནོར་རྒྱུན་མ་ནི་རྣམ་པར་བསྒོམས། །ངེས་པར་དབང་དུ་བྱེད་པ་ཡིན། །
D449.081.0298a02.01ཁྲོ་བོའི་རྒྱལ་པོ་རྟ་མགྲིན་ནི། །ཁྱི་གདོང་རྡོ་རྗེ་ལྷ་མོ་བཞི། །བསྒོམས་ན་གདུག་པ་ཀུན་འདུལ་བའི། །གཟི་བརྗིད་རྟ་མཆོག་མཚུངས་པར་འགྱུར། །ཡང་ན་ནག་པོ་དམར་དང་དཀར། །རྡོ་རྗེ་དབྱུག་ཏོ་བཅས་རལ་གྲི། །ཐོད་པ་ཞགས་པ་ཐལ་མོར་བཅས། །
D449.081.0298a03.01མཁའ་ལྡིང་རྒྱལ་པོ་རྣམ་པར་སྤྲོ། །ཕྱག་གཡོན་དབྱིག་ཐོ་འཛིན་བྱས་ནས། །ནོར་རྒྱས་ཚངས་པ་བཅས་གཟིར་བ། །བསྒོམས་ན་དུག་རྣམས་སྐྱོད་པ་དང་། །སྣ་ཚོགས་ལས་རྣམས་འགྲུབ་པར་འགྱུར། །མུན་པའི་སྐུ་ལུས་ཁྲག་འཛག་ཞལ། །གྲ་གྲི་
D449.081.0298a04.01ཐོད་བཅས་ཤ་ཟ་བ། །ཁ་ཊྭཱཾ་མགོ་བོའི་ཕྲེང་བས་བརྒྱན། །དུག་ཤིང་ལས་བྱས་མཆོད་པར་བྱ། །ཛཾ་བྷ་ལ་ནི་ནོར་སྒྲུབ་པ། །སེར་པོ་བི་ཛ་པུ་ར་འཛིན། །ནེའུ་ལེ་གཡོན་བསྣམས་བསྒོམས་བྱས་ནས། །ཆུ་སྦྱིན་དབང་པོ་བསྒྲུབ་པར་བྱ། །རབ་དམར་ཐོད་
D449.081.0298a05.01པོའི་གདན་ལ་གནས། །ཅང་ཏེའུ་ཐོད་པ་ཤས་གང་འཛིན། །རལ་བ་ཅན་ལ་བསྒོམས་བྱས་ནས། །ཤ་ཟ་མོ་རྣམས་མངག་གཞུག་འགྱུར། །གླང་པོ་སྤྲེའུ་རྒྱལ་བྱི་བའི་གཟུགས། །དགྲ་སྟ་ལ་ཕུག་ཕྱག་ན་བསྣམས། །ལྕགས་ཀྱུ་ཆང་སྣོད་བསྣམས་པ་
D449.081.0298a06.01ཡི། །ཕྱག་དྲུག་ཞབས་ནི་བཞི་བ་ལ། །ཆུང་མར་གཡོག་མོ་བཅས་བསྒོམ་ནས། །བགེགས་ཀྱི་རྒྱལ་པོ་མཆོད་པར་བྱ། །རབ་དམར་མཆེ་བ་གཙིགས་པ་ནི། །ཞགས་པ་ལྕགས་ཀྱུའི་རབ་སྦྱོར་བ། །འདི་ཡིས་བགེགས་རྣམས་འཇོམས་པ་དང་། །
D449.081.0298a07.01