完整藏文原文 · 德格版页 当前仅加载第 81 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
འདིས་ནོར་གྱི་དབང་ཕྱུག་ཆེན་པོར་འགྱུར་རོ། །འགྲོན་བུ་དེ་སྣོད་དུ་བཅུག་པའི་ནང་དུ་སྦ་བར་བྱས་ན་ཉིན་རེར་ཀཱར་ཥཱ་པ་ཎ་རེ་རེ་རྙེད་པར་འགྱུར་རོ། །དོན་བསྒྲུབ་པ་དང་། རྒྱལ་སྲིད་བསྒྲུབ་པ་དང་། རྒྱལ་པོ་རྙེད་པ་དང་། འབྲས་བུ་བསྒྲུབ་པའི་རྒྱུད་དོ། །རྟོག་པ་གསུམ་
D437.081.0037a01.01པ་རྫོགས་སོ།། །།གང་གིས་རྡུལ་ཚོན་མཐོང་ཙམ་གྱིས། །སངས་རྒྱས་མྱུར་དུ་ཐོབ་པར་བྱེད། །དཀྱིལ་འཁོར་མཐོང་བའི་རིམ་པ་བཞིན། །དེ་ནས་ཡང་དག་བཤད་བྱ་བ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་ཉེ་བར་བརྒྱན། །དེ་ཡི་དཀྱིལ་དུ་ལྷ་མོ་བཀོད། །
D437.081.0037a02.01བྷ་གའི་རྣམ་པ་ཁ་དོག་ལེགས། །མདའ་ནི་ཤར་དུ་བྲི་བྱ་བ། །གཞུ་ནི་ལྷོ་ཡི་ཕྱོགས་སུའོ། །མི་འཇིགས་ལག་པ་ནུབ་ཏུ་སྟེ། །བྱང་དུ་དེ་བཞིན་ཨུཏྤ་ལའོ། །མཚམས་ཀྱི་ཆ་ནི་ཐམས་ཅད་དུའོ། །རྡོ་རྗེ་འཁོར་ལོ་སོགས་དེ་བཞིན། །གོས་དམར་པོ་ཡི་སྟོད་གཡོགས་བགོས། །དར་
D437.081.0037a03.01དམར་པོས་གདོང་བཀབ་པ་ཡི། །སློབ་མ་དེར་ནི་གཞུག་པར་བྱའོ། །འདིས་སེམས་མ་རྡོ་རྗེ་མའི་ཕྱག་རྒྱ་བཅིངས་ལ་འཁོར་ལོར་མེ་ཏོག་དབུལ་བར་བྱ་སྟེ། པྲ་ཏཱིཙྪ་བཛྲ་ཧོཿ ཞེས་བྱའོ། །གཡོགས་པ་བཀྲོལ་ལ་དཀྱིལ་འཁོར་བསྟན་པར་བྱའོ། །དཀྱིལ་དུ་བབ་ན་ནི་མཆོག་གོ། །མདའ་ལ་
D437.081.0037a04.01བབ་ན་ནི་དབང་དུ་བྱས་པའི་ལས་ལ་དབང་བར་འགྱུར་རོ། །མི་འཇིགས་པ་སྦྱིན་པ་ལ་བབ་ན་ནི་དུག་འགུགས་པ་ལ་བསླབ་པར་བྱའོ། །ཨུཏྤལ་ལ་བབ་ན་ཤེས་རབ་འཕེལ་བ་ལ་བསླབ་པར་བྱའོ། །གཞུ་ལ་བབ་ན་ནི་ཐམས་ཅད་མཁྱེན་པའི་ཡེ་ཤེས་ལ་བསླབ་པར་བྱའོ། །འཇུག་པའི་
D437.081.0037a05.01དུས་སུ་འདི་སྐད་སྨྲ་བར་བྱའོ། །ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་འདི་དཀྱིལ་འཁོར་དུ་མ་ཞུགས་པ་གང་གི་ཡང་མདུན་དུ་བརྗོད་པར་བྱ་བ་མ་ཡིན་ནོ། །དམ་ཚིག་ཉམས་པར་གྱུར་ཏ་རེ། ཡང་བ་མ་སྤངས་པར་འཆི་བའི་དུས་བྱས་ནས་དམྱལ་བར་ལྟུང་བར་
D437.081.0037a06.01གྱུར་ཏ་རེ། ཞེས་པ་བརྗོད་ནས། དེའི་རྗེས་ལ་དམ་ཚིག་སྦྱིན་པར་བྱ་སྟེ། དཀོན་མཆོག་གསུམ་ནི་ཡོངས་མི་སྤངས། །ཞེས་བྱ་བ་ལ་སོགས་པ་རྒྱས་པར་རྒྱུད་ལས་གྲུབ་པ་ཡིན་ནོ། །མནའ་བསྒག་པར་ཡང་བྱ་སྟེ། ཆོས་ཀྱིས་རྒྱལ་པོ་དམ་ཚིག་ཆེ། །ང་ལས་བླངས་ནས་
D437.081.0037a07.01