完整藏文原文 · 德格版页 当前仅加载第 80 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིའང་འདི་ནི་རབ་ཏུ་སྦས། །རྩོད་པའི་དུས་ལ་དེ་ཉིད་འདི། །སེམས་ཅན་རེ་རེར་བགྲངས་པ་ཡི། །བྱེ་བའི་ནང་ན་འགའ་ཞིག་ཀྱང་། །དད་དང་བརྩོན་པའི་དཔུང་གཉེན་ཅན། །ཀུན་ནས་དེ་ཕྱིར་གསུངས་པ་ནི། །བྱང་ཆུབ་མྱུར་དུ་རབ་བསྒྲུབ་ཕྱིར། །ཞེས་
D431.080.0320a01.01པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོ་ཆེན་པོའི་རྒྱུད་ལས་མི་མོ་རབ་ཏུ་བསྔགས་པའི་རིམ་པར་ཕྱེ་བ་སྟེ་བཅུ་པའོ།། །།དེ་ནས་བཅོམ་ལྡན་འདས་མས་གསོལ་པ། བཅོམ་ལྡན་འདས་ཁྱོད་ཅི་སྟེ་ཆགས་པ་དང་བཅས་པའམ། ཆགས་པ་དང་
D431.080.0320a02.01བྲལ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། །བདག་ནི་ཀུན་ཏེ་ཀུན་ལའང་ཁྱབ། །ཀུན་བྱེད་ཀུན་གྱི་འཇིག་པ་པོ། །ཀུན་གྱི་གཟུགས་འཛིན་སངས་རྒྱས་ཏེ། །བྱེད་པོ་འཇོམས་པོ་ཁྱབ་བདག་བདེ། །གང་དང་གང་གི་གཟུགས་ཀྱིས་ནི། །སེམས་ཅན་འདུལ་བྱར་འདི་
D431.080.0320a03.01ཉིད་འཇུག །དེ་དང་དེ་ཉིད་ཚུལ་གྱིས་ནི། །འཇིག་རྟེན་དོན་རྒྱུར་བདག་གནས་སོ། །འགའ་ཞིག་སངས་རྒྱས་གྲུབ་ཐོབ་འགའ། །ལ་ལར་ཆོས་དང་དགེ་འདུན་ནོ། །ལ་ལར་{ཡི་དགས་,ཡི་དྭགས་}ལ་ལར་ཕྱུགས། །ལ་ལར་དམྱལ་བའི་གཟུགས་ཅན་ནོ། །ལ་ལར་ལྷ་དང་ལྷ་མ་ཡིན། །
D431.080.0320a04.01ལ་ལར་མི་ཡི་གཟུགས་ཅན་ནོ། །ལ་ལར་བརྟན་པའི་གཟུགས་ཅན་དང་། །སྣ་ཚོགས་གཟུགས་ཅན་ཐེ་ཚོམ་མེད། །བདག་ནི་སྐྱེས་པ་བུད་མེད་དང་། །མ་ནིང་གཟུགས་སུའང་ལ་ལར་རོ། །ལ་ལར་ཆགས་ཅན་ལ་ལར་སྡང་། །ལ་ལར་རྨོངས་ཤིང་ལ་ལར་གཙང་། །ལ་ལར་མི
D431.080.0320a05.01གཙང་གཟུགས་སུ་ང་། །སེམས་ཀྱི་གཟུགས་ཀྱིས་བདག་གནས་སོ། །བདག་ནི་སེམས་སུ་བལྟ་བར་བྱ། །གཞན་དུ་ཅུང་ཟད་ཡོད་ཡིན་ཏེ། །དངོས་པོ་དངོས་མེད་རབ་དབྱེ་ང་། །ང་ནི་བསྐྱེད་བྱ་སྐྱེད་བྱེད་པ། །བདག་ནི་བགེགས་དང་གྲུབ་པ་ང་། །ཀུན་གྱི་གཟུགས་ཀྱིས་ཡང་
D431.080.0320a06.01དག་གནས། །ང་ནི་སྐྱེ་དང་འཆི་བའང་ང་། །ང་ནི་ནད་དང་རྒས་པའང་ང་། །ང་ནི་བསོད་ནམས་སྡིག་པའང་ང་། །དེ་ཡི་ལས་ཀྱི་འབྲས་ཉིད་ང་། །འགྲོ་ཀུན་རང་བཞིན་སངས་རྒྱས་ཉིད། །ཀུན་དུ་བདག་གི་གཟུགས་ཉིད་འདི། །རྣལ་འབྱོར་དེ་ཉིད་སེམས་དཔའ་བོས། །
D431.080.0320a07.01