完整藏文原文 · 德格版页 当前仅加载第 80 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
མོའི་གཟུགས་སུ་གྲགས། །རྣམ་པ་དང་བྲལ་བདེ་སྦྱིན་མ། །རེག་བྱ་མེད་པའི་རེག་སྐྱེད་མ། །དེ་ལྟའི་ཤེས་རབ་དང་ལྷན་ཅིག །རྡོ་རྗེ་སྐྱིལ་ཀྲུང་སེམས་ཀྱིས་ནི། །སེམས་ནི་གཡོ་བ་མེད་པར་བྱ། །ཐིག་ཚུལ་ཆར་ཡང་ངང་བྲལ་བ། །ཐིག་ཚུལ་ཆར་ཡང་དག་
D420.080.0088b01.01ཉིད་དང་། །ཐིག་ལེ་ཚུལ་དང་ཆར་ཡང་ནང་། །རྣལ་འབྱོར་གྱིས་ནི་དེར་སེམས་བྱ། །ཆར་ཡང་གི་ནི་ནང་དུ་སེམས། །ཡང་ནི་ཚུལ་གྱི་ནང་དུ་སེམས། །ཚུལ་ནི་ཐིག་ལེར་འགྲོ་བར་བསྒོམ། །ཐིག་ལེ་ཡང་ནི་སྟོང་པར་འགྲོ། །སྟོང་པ་རང་བཞིན་ཞེས་སུ་བསྟན། །
D420.080.0088b02.01གསུམ་དང་བྲལ་བ་མ་སྐྱེས་མཆོག །དེ་ལྟ་བུ་ཡི་ཆོ་ག་ཡིས། །འདི་ཡི་ཆོ་གའི་ཐབས་ཀྱིས་ནི། །གང་ཞིག་རྩེ་གཅིག་གིས་ནི་བཟླས། །དེས་ནི་དངོས་གྲུབ་ཆེན་པོ་འཐོབ། །ཟླ་བ་གཅིག་གིས་གདོན་མི་ཟ། །དཔལ་ཕྱག་རྒྱ་ཆེན་པོའི་ཐིག་ལེ་ལས་རང་བཞིན་གྱི་
D420.080.0088b03.01བཟླས་པ་ཞེས་བྱ་བའི་ལེའུ་སྟེ་ཉི་ཤུ་རྩ་ལྔ་པའོ།། །།བཅོམ་ལྡན་དཔའ་བོ་དཔའ་དབང་ཕྱུག །སྔར་ནི་ཁྱོད་ཀྱིས་དུས་བཀའ་སྩལ། །ཐམས་ཅད་མཁྱེན་པ་མཆོག་དབང་ཕྱུག །དེ་ཡི་དོན་ནི་བཤད་དུ་གསོལ། །དེ་ཡི་དུས་ཀྱི་དོན་འདི་ནི། །སྤྱན་རིང་ལྷ་
D420.080.0088b04.01མོ་ཁྱོད་ཉོན་ཅིག །དུས་ནི་ཆར་ཡང་ཞེས་སུ་བཤད། །དེ་རྣམས་ཀྱི་ནི་སྦྱོར་བའི་དོན། །སྦྱོར་བ་བཞི་ཡང་བཞི་བཞིར་གྱིས། །ཡན་ལག་གཅིག་ནི་སྤངས་པའོ། །རྒྱལ་བ་རྣམས་ཀྱིས་རྙེད་དཀའ་བ། །དེ་ཡི་སྐྱེ་བ་བདག་གིས་བཤད། །རྟེན་གྱི་སྲོག་གི་དབྱུག་པ་ལ། །
D420.080.0088b05.01དེ་རུ་སྦྱོར་བ་བསྟན་པའོ། །སྲོག་གི་དབྱུག་པ་དབུས་ན་གནས། །ཕྲ་བའི་ཕྲ་བ་ཡང་དག་མཆོག །སུམ་ཅུ་རྩ་གཉིས་མདུད་དང་ལྡན། །དེ་ནི་ཕྱི་རོལ་ནང་དུ་མིན། །མདུད་པ་ཡི་ནི་གནས་སུ་སྦྱོར། །དེ་ནི་ཆར་ཡང་རྣམས་ཀྱི་དོན། །ཆར་ཡང་སྦྱོར་བ་ནང་དུ་མིན། །ནང་དུ་དེ་ནི་
D420.080.0088b06.01རྟོག་མེད་མ། །མདུད་པའི་ནང་དུ་གཡས་དང་གཡོན། །རོ་མ་དང་ནི་{བརྐྱང་མ་,རྐྱང་མ་}གནས། །མདུད་པ་གཉིས་དབུས་གཅིག་གཅིག་སྟེ། །སུམ་ཅུ་གཉིས་ཀྱིས་བཅུ་དྲུག་དྲན། །བདེ་ཆེན་འཁོར་ལོ་མགྲིན་པ་གནས། །ལྟེ་བའི་སྟེང་ནི་ཡན་ཆད་དོ། །སོར་བཅུ་གཉིས་ཀྱི་སྐུད་པ་ནི། །
D420.080.0088b07.01