完整藏文原文 · 德格版页 当前仅加载第 79 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲིན་ལས་ནི། །ལྷ་སྦྱིན་དང་ནི་མཆོད་སྦྱིན་སོགས། །བསྒྲལ་བའི་ཞིང་དེ་གང་ཡིན་པ། །དེ་ཡི་ཟག་པའི་རྫས་རྣམས་དང་། །ཕུང་ཤུལ་ས་དང་གཡུལ་སྤྲད་ས། །གྲོག་མཁར་ས་ལ་སོགས་པ་རྣམས། །བསྡུད་ཆད་ས་ལ་བོང་བུའི་ཆུས། །སྤྲུས་ཏེ་ལིང་ག་སྟ་གོན་བྱ། །དེ་ནས་དབེན་
D416.079.0274b01.01པར་སོང་ནས་ནི། །མར་ངོ་ཡི་ནི་ཚེས་བརྒྱད་དམ། །བཅུ་བཞི་ལ་སོགས་སྒྲུབ་དུས་ལ། །གཟའ་སྐར་ཤིན་ཏུ་དྲག་པོ་ལ། །དེ་ནས་འཁོར་ལོ་བྲི་བར་བྱ། །རྒྱུ་ནི་རོ་རས་ཤིང་ཤུན་དང་། །ཞིང་ལྤགས་དག་ལ་དུག་སྣ་དང་། །ཁྲག་དང་དུག་གི་མེ་ཏོག་གི། །དུ་བ་མཚན་ངན་ཐོད་ཆགས་
D416.079.0274b02.01ལ། །མཆོག་ཕུར་བསྟོད་པའི་སྣག་ཚས་བྲི། །རྒྱ་སྐྱེགས་དག་གིས་བསྲེས་ལ་བྲི། །ཚད་དང་ལྡན་པའི་མུ་ཁྱུད་ནི། །རིམ་པ་བཞི་དང་ལྡན་པ་ལ། །ནང་དུ་ལིང་ཚེ་དགུ་པ་བྱ། །ཕྱོགས་བཞི་དབུས་དང་ལྔ་པོར་ནི། །གྲུ་གསུམ་ནག་པོ་ས་བོན་བཅས། །ལས་རྣམས་བྱེད་པ་རླུང་ཡིག་དང་། །
D416.079.0274b03.01མ་ཧཱ་ཀཱ་ལ་འབྲུ་བཞི་དང་། །སྟེང་ནོན་ཨོྃ་དང་བཛྲ་སྟེ། །དེ་ཡི་ཕྱི་རིམ་རྩིབས་བརྒྱད་ལ། །ཨ་མུ་ཀྃ་དང་བ་ཡི་ནི། །ཡི་གེ་བཅུ་གསུམ་གཉིས་གཉིས་པ། །གཡས་སྐོར་དག་ཏུ་དགོད་པར་བྱ། །དེ་ཡི་ཕྱི་རིམ་པད་འདབ་བརྒྱད། །སྒོ་མཚམས་ལྷ་མོའི་འཁོར་ལོའི་སྔགས། །མིང་སྤེལ་
D416.079.0274b04.01བཅས་པ་དགོད་པར་བྱ། །དེ་ཡི་ནང་གི་གྲུ་ཆད་བཞིར། །ཧཱུྃ་གཉིས་ཕཊ་དང་བཅས་པ་ལ། །མིང་སྤེལ་བཅུག་ལ་བྲི་བར་བྱ། །ཁྱད་པར་སྦས་པའི་འཁོར་ལོ་ནི། །དབུས་སུ་རླུང་གི་ས་བོན་ཉིད། །ཕྱོགས་བཞིར་མཁའ་འགྲོ་མ་བཞི་གནས། །ཕྱོགས་བཞིར་སྔགས་ཀྱི་ཕྲེང་བ་ལས། །
D416.079.0274b05.01ཕྱི་རོལ་རྩིབས་ལ་གཅོད་པའི་སྔགས། །འདབ་བརྒྱད་ཆ་ལ་ཙཎྜི་ཀ། །མཐའ་རྟེན་སྔ་མ་དག་དང་མཚུངས། །ཡང་ན་རིམ་པ་གསུམ་པ་ཡི། །གསང་སྔགས་མ་ཧཱ་ཀཱ་ལ་ཡི། །ཕྲིན་ལས་ཁྱད་པར་དགོད་པར་བྱ། །འདིས་ནི་ཤིན་ཏུ་མངོན་སྤྱོད་མྱུར། །ཐབས་དང་ཤེས་རབ་ཁྱད་པར་དང་། །
D416.079.0274b06.01སྟེང་འོག་བར་གྱི་དབྱེ་བ་ཡིས། །ཟངས་དང་ལྕགས་ཀྱི་གྲི་གུག་གིས། །བླ་དང་ཚེ་སྲོག་དོན་སྙིང་ལ། །མྱུར་དུ་འཁོར་བས་གཅོད་པར་བྱེད། །སྡུད་བྱེད་འཕྲོག་ཅིང་ལེན་པའི་སྲོག །བསྒྲལ་བ་རྡོ་རྗེ་རིགས་ཀྱི་ལས། །ཐུན་མོང་དུ་ནི་བྱ་བ་ཡིན། །ཁྱད་པར་འཁོར་ལོ་དྲིལ་བྱ་སྟེ། །དུས་ཀྱི་རིམ་
D416.079.0274b07.01