完整藏文原文 · 德格版页 当前仅加载第 79 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྐད་གསུངས་ནས་མི་སྣང་གྱུར། །འདྲི་བའི་རྟོག་པ་དང་པོ་ཆོད། །འཆད་པའི་སྐྱེས་བུས་ཡང་གསོལ་པ། །འགྲོ་བའི་བླ་མ་གཉེན་གཅིག་པུ། །དམ་ཕོག་པ་ནི་ཇི་ལྟར་ལགས། །དབང་གི་རང་བཞིན་ཇི་ལྟར་ལགས། །རྟོག་པ་གཉིས་པ་དྲིས་པ་ལས། །ལྟ་བའི་
D412.079.0253a01.01ལེའུ་སྟེ་གཉིས་པའོ།། །།ལྷན་ཅིག་སྐྱེས་པའི་བདེ་བ་ཡི། །གང་ལ་མིང་དེ་སྐད་བྱ་ཡི། །ཏིང་ངེ་འཛིན་ལ་སྙོམས་པར་ཞུགས། །མཚོན་པའི་དཔེ་ནི་འདི་སྐད་གསུངས། །ནག་པོ་བརྩེགས་པ་པད་པ་ཏི། །གྲི་ཏ་དང་ནི་ཀང་ཀ་དང་། །ཕག་དང་གླང་པོ་གཞོན་ནུ་མ། །
D412.079.0253a02.01ཟླ་བ་ཆུ་ཤེལ་གླང་སེང་དང་། །ཨོ་ད་ཆུ་བོ་གསུམ་འདྲེས་དང་། །གསེར་དང་ནམ་མཁའི་རི་བོ་མེ། །གསུམ་པ་བཅུ་བཞིར་ཤེས་པར་གྱིས། །དེ་བཞིན་ཉིད་ལྡན་དམ་པ་སྟེ། །དེ་ལས་གང་ཞིག་འདའ་བྱེད་པ། །དམྱལ་བར་ཡང་དག་འཚེད་པར་བཤད། །ཨེ་མའོ་རང་རིག་སྐལ་ཆེན་པོ། །
D412.079.0253a03.01ནམ་མཁའི་སྤྲིན་ལ་འབུད་པར་བྱེད། །བྱིས་པ་རང་བཞིན་མི་ཤེས་པས། །བཅོས་མེད་རང་བཞིན་སྤྲོ་བསྡུ་བྱེད། །རྣམ་དག་འོད་གསལ་སྒྲིབ་པ་མེད། །ཡེ་ཤེས་རྒྱ་མཚོར་ཞུགས་རྨོངས་པས། །ཀུན་ཏུ་འཆིང་བའི་མདུད་པ་ཉིད། །ཀུན་ཏུ་འཆིང་བ་རྒྱུན་མི་འཆད། །ལྷན་ཅིག་སྐྱེས་པའི་
D412.079.0253a04.01མདའ་འཕངས་ཀྱང་། །བསྣུན་པའི་བློ་གྲོས་ལོག་པ་ཡིས། །གཅིག་དང་དུ་མས་སེམས་བསླད་པས། །རྨོངས་པ་ང་རྒྱལ་སྤེལ་བར་བྱེད། །རླུང་གི་རྒྱུ་བ་དྲིལ་བའི་ལྷ། །ཡིག་འབྲུ་ཁ་དོག་གོ་བར་བྱེད། །ཡིད་དང་རླུང་ནི་རྒྱུ་བ་ན། །སྣང་བ་འགགས་པ་ཡེ་ཤེས་སོ། །དེ་ཉིད་ལོག་པས་འཆིང་
D412.079.0253a05.01བའི་རྒྱུ། །ཚངས་པ་ཡི་ནི་ཙཎྜ་ལཱི། །སྦར་བས་ལྷ་ཉིད་འོད་དུ་ཞུ། །ཀ་སོགས་གཡས་དང་གཡོན་དུ་ཨ། །ཡིག་མགོ་ཚིག་དང་གསོས་པ་དང་། །སྟོང་ཕྲག་བདུན་ཅུའི་རྩ་ལམ་ནས། །བབ་པ་བདེ་བ་སྐྱེད་པར་བྱེད། །དོན་དམ་པའོ་ཞེས་སུ་སྨྲ། །རྨོངས་པ་བསྡོམས་པས་མདུད་པ་གྲོལ། །
D412.079.0253a06.01ཟག་པ་སྐྱེས་པས་འཆིང་བར་འགྱུར། །ལྷན་ཅིག་སྐྱེས་པས་རིགས་པ་ཡིས། །ཅི་རིགས་པ་རུ་གཞན་ལ་སྟོན། །གྲོལ་བར་འགྱུར་ཞེས་ང་མི་སྨྲ། །ཨེ་མའོ་བློ་ནི་གཉིས་སུ་སྣང་། །ཇི་ལྟར་སྤྱད་ཀྱང་གྲོལ་མི་འགྱུར། །དབང་གི་ལེའུ་སྟེ་གསུམ་པའོ།། །།གང་ལ་མིང་དེ་སྐད་
D412.079.0253a07.01