完整藏文原文 · 德格版页 当前仅加载第 79 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
ཞོན་ནས་དེ་ཉིད་བྱུང་བ་ཡིན། །གྲངས་ནི་སྔ་མ་ལྟར་ཤེས་བྱ། །ངོ་བོ་ཐིག་ལེ་ཉིད་ཡིན་ཏེ། །ཐིག་ལེ་མདུད་པའི་གྲངས་སུ་ཤེས། །དེ་ཡི་ཕན་ཡོན་གང་ཡིན་པ། །གཟུང་འཛིན་རྣམ་པར་རྟོག་པ་ཡིས། །ཕྱིན་ཅི་ལོག་ཏུ་བརྟགས་པ་ཡི། །རྣམ་པར་རྟོག་པ་སྤོང་བ་ཡིན། །འབྲས་བུ་རྡོ་རྗེ་
D411.079.0250b01.01འཆང་ཆེན་པོའི། །ས་ནི་ངེས་པར་ཐོབ་པའོ། །དཔལ་རྡོ་རྗེ་དྲ་བའི་སྡོམ་པའི་རྒྱུད་ལས་ཡེ་ཤེས་ཀྱི་རྒྱུ་དང་གནས་ལ་སོགས་པའི་ལེའུ་སྟེ་གཉིས་པའོ།། །།དེ་ནས་གཞན་ཡང་བཤད་བྱ་བ། །འཁོར་ལོ་རྣམས་ཀྱི་དབྱེ་བ་ནི། །བདེ་ཆེན་འཁོར་ལོའི་འདབ་མ་ནི། །སུམ་
D411.079.0250b02.01ཅུ་རྩ་གཉིས་གྲངས་ཡིན་ནོ། །དེ་ནས་ལོངས་སྤྱོད་འཁོར་ལོ་ནི། །འདབ་མ་བཅུ་དྲུག་དག་ཏུ་བསྟན། །ཆོས་ཀྱི་འཁོར་ལོ་འདབ་མ་བརྒྱད། །སྤྲུལ་པའི་འཁོར་ལོའི་འདབ་མ་ནི། །དྲུག་ཅུ་རྩ་བཞི་དག་ཡིན་ནོ། །བདེ་ཆེན་འཁོར་ལོ་སོར་བཞི་སྟེ། །ལོངས་སྤྱོད་འཁོར་ལོ་སོར་བཅུ་དྲུག །
D411.079.0250b03.01ཆོས་ཀྱི་འཁོར་ལོ་སོར་བཅུ་གཉིས། །སྤྲུལ་པའི་འཁོར་ལོ་སོར་བཅུ་དྲུག །བདེ་ཆེན་འཁོར་ལོའི་ལྟེ་བ་རུ། །ཧྃ་ནི་དཀར་པོ་ཐུར་བལྟས་བསམ། །ལོངས་སྤྱོད་འཁོར་ལོའི་ལྟེ་དབུས་སུ། །ཨོཾ་ནི་དམར་པོ་གྱེན་བལྟས་བསམ། །ཆོས་ཀྱི་འཁོར་ལོའི་ལྟེ་དབུས་སུ། །ཧཱུྃ་ནི་སྔོན་པོ་ཐུར་བལྟས་
D411.079.0250b04.01བསམ། །སྤྲུལ་པའི་འཁོར་ལོའི་ལྟེ་དབུས་སུ། །ཨཱཿནི་དམར་བོ་གྱེན་བལྟས་བསམ། །དང་པོའི་འཁོར་ལོའི་འདབ་མ་ལ། །དབྱངས་ཀྱི་ཡི་གེ་བཅུ་དྲུག་ནི། །ལུགས་འབྱུང་ལུགས་མིན་དགོད་པར་བྱ། །ལོངས་སྤྱོད་འཁོར་ལོའི་འདབ་མ་ལ། །དབྱངས་ཡིག་བཅུ་དྲུག་རིམ་བཞིན་
D411.079.0250b05.01དགོད། །ཆོས་ཀྱི་འཁོར་ལོའི་འདབ་མ་ལ། །ལཱྃ་མཱྃ་པཱྃ་ཏཱྃ། །ཡི་གེ་འདི་རྣམས་གཡོན་ནས་དགོད། །ཨོྃ་ཏྲཱི་ཧྲཱི་ཨ། །མཚམས་ནས་གཡས་སུ་དགོད་པར་བྱ། །སྤྲུལ་པའི་འདབ་མ་བཞི་རྩིབས་ལ། །གསལ་བྱེད་ཡི་གེ་སུམ་ཅུ་གཉིས། །ལུགས་འབྱུང་ལུགས་ལས་བཟློག་ཚུལ་དགོད། །
D411.079.0250b06.01སྐུ་གསུང་ཐུགས་ཀྱི་རྩ་གསུམ་ནི། །དབུས་ནས་དྲང་པོར་གནས་པ་སྟེ། །ཧཱུྃ་ནི་དཀར་པོ་ཐུར་བལྟས་པ། །མར་གྱི་རྩེ་ལ་ཐུག་པར་དགོད། །གཡས་ན་ཐབས་ཀྱི་རྩ་གནས་ཏེ། །ཀཱ་ལི་སུམ་ཅུ་རྩ་གཉིས་ནི། །ཐབས་ལ་ལན་གསུམ་བསྐོར་བྱས་ན། །ལུགས་འབྱུང་འོག་ཏུ་ཁ་བལྟས་དགོད། །
D411.079.0250b07.01