完整藏文原文 · 德格版页 当前仅加载第 79 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
དང་གྲགས་པ་རྙེད་དང་དགའ། །རྒྱུ་དེས་ལོག་རྟོག་སྣ་ཚོགས་བསྐྱེད། །དེ་བས་ཧེ་རུ་ཀར་གྲགས་པའི། །དངོས་གྲུབ་འདོད་པའི་རྣལ་འབྱོར་པས། །དད་ལྡན་གུས་བཅས་ཕ་རོལ་ཕྱིན། །རྫོགས་བྱས་བླ་མ་དམ་པ་ལས། །མན་ངག་ཡང་དག་བླང་བར་བྱ། །མ་མོའི་ཚོགས་ཀྱིས་ཡང་
D407.079.0245b01.01ཞུས་པ། །ཧེ་རུ་ཀ་དཔལ་དེ་ལྟར་ན། །རྡོ་རྗེ་ཕག་མོ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་གསུམ་སྟེ་ཕག་མོ་གཉིས། །དོན་གྱི་རྡོ་རྗེ་དེ་ནས་བརྟགས། །ཐ་མ་རྫས་ཀྱི་རྡོ་རྗེ་སྟེ། །དོན་གྱི་རྡོ་རྗེ་བཞི་པ་སྟེ། །གཟུང་འཛིན་རྣམ་པར་རྟོག་པ་ཡིས། །མི་ཕྱེད་ཕྱིར་ན་
D407.079.0245b02.01རྡོ་རྗེ་སྟེ། །དབང་བཞིས་རྡོ་རྗེ་རེ་རེའོ། །རྟགས་ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་སྟེ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡིན་ཏེ། །ཁམས་གསུམ་དགུ་འཇོམས་པ་ཡི། །རྟགས་སུ་རྡོ་རྗེ་རྩེ་དགུའོ། །རྫས་ཀྱི་རྡོ་རྗེ་བཞི་ཡིན་ཏེ། །ཟླུམ་པོ་ལ་
D407.079.0245b03.01སོགས་རྣམ་པ་བཞི། །མི་ཤེས་དྲི་མས་ཆེས་གོས་པའི། །དུད་འགྲོར་སྐྱེས་པའི་ཕག་མོ་དང་། །ཤེས་རབ་ཆར་བྱུང་ཕག་མོ་སྟེ། །དེ་ཉིད་རྣམ་པ་བཞི་རུ་ངེས། །བུམ་དབང་ཞེ་སྡང་གཏི་མུག་ཕག །གསང་དབང་རླུང་གི་གཏི་མུག་ཕག །གསུམ་པ་ཆགས་དགའ་གཏི་མུག་ཕག །བཞི་
D407.079.0245b04.01པ་ཆོས་དབྱིངས་གཏི་མུག་ཕག །འདི་ཉིད་ཁྱོད་ལ་ལེགས་པར་གཏད། །ཐམས་ཅད་རྗེས་སུ་ཡི་རང་ངོ་། །དཔལ་མེའི་ཕྲེང་བའི་རྒྱུད་ཀྱི་རྒྱལ་པོ་ཤྲཱི་ཧེ་རུ་ཀའི་ངེས་པར་འབྱུང་བ་རྫོགས་སོ།། །།རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་
D407.079.0245b05.01ཀྱིས་བསྒྱུར་ཅིང་ཞུས་པའོ།།
D407.079.0245b06.01