完整藏文原文 · 德格版页 当前仅加载第 79 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
གསུང་ཐུགས་ཀྱི་ངོ་བོར་བཅས། །བཙུན་མོ་ཞེས་བྱ་ཆོས་ཀྱི་དབྱིངས། །དེ་ལས་བྱུང་ཕྱིར་བྷ་ག་སྟེ། །དབྱེར་མི་ཕྱེད་པས་བཞུགས་པར་བཤད། །རྡོ་རྗེ་ཆོས་རྣམས་འཇིགས་པ་ཆེ། །སྙིང་པོ་ཡེ་ཤེས་ཆེན་པོ་སྟེ། །སོགས་པ་མང་པོའི་དོན་ཡིན་ཏེ། །དཔའ་བོ་ཞེས་པ་རྣམ་པ་ལྔ། །ཕྱི་ནང་
D403.079.0238b01.01གསང་བ་ལ་སོགས་ཀྱི། །རྣམ་པར་རྟོག་པ་འཇོམས་ཕྱིར་ཡིན། །མཁའ་ལ་འགྲོ་བས་མཁའ་འགྲོ་སྟེ། །རྩ་སོགས་ལ་ཡང་ཤེས་པར་བྱ། །ཐམས་ཅད་དེ་ལས་བྱུང་བའི་ཕྱིར། །མ་ཞེས་ང་ཡིས་གསུངས་པ་ཡིན། །དེ་ཡི་དོན་ལ་མི་དཔོགས་པས། །དེ་ཡི་ཕྱིར་ན་དཔག་ཏུ་མེད། །ཐབས་
D403.079.0238b02.01ཅིག་བཞུགས་ཞེས་བྱ་བ་འདི། །དེ་ཉིད་དོན་དང་དབྱེར་མེད་ཕྱིར། །གཅིག་གི་དོན་དུ་བཤད་པའོ། །གཉིས་པ་མ་ཡིན་དེ་དུས་སུ། །ཕྱི་ནང་མ་ཡིན་མཆོད་པ་ནི། །ཕྱི་ཡི་མཆོད་པ་བཤད་པར་བྱ། །མེ་ཏོག་བདུག་པ་མར་མེ་དང་། །དྲི་དང་ལྷ་བཤོས་བཏུང་བ་དང་། །རོལ་མོ་སིལ་
D403.079.0238b03.01སྙན་དབྱངས་ཉིད་དང་། །སྒེག་དང་རྒོད་དང་གར་ཉིད་དང་། །རྟ་དང་གླང་པོ་རིན་ཆེན་སོགས། །དེ་ནས་ནང་གི་མཆོད་པ་ནི། །བྷ་ག་བཙུམས་ལ་ཀུ་ཙ་བཙིར། །བདུད་རྩི་ལྔ་དང་བཏུང་བ་ལྔ། །བྱང་ཆུབ་སེམས་དང་ལྡན་བྱས་ཏེ། །ཕུང་པོ་ཁམས་དང་སྐྱེ་མཆེད་རྣམས། །དེ་ལ་
D403.079.0238b04.01སོགས་པས་མཆོད་པར་བྱ། །དེ་ནས་གསང་བའི་མཆོད་པ་ནི། །རྩ་དང་རླུང་དང་ཐིག་ལེ་སྟེ། །དེ་ཉིད་གཉིས་མེད་བདེ་བ་ཡིས། །རྩ་དང་རླུང་སོགས་ཐིག་ལེས་མཆོད། །དེ་ནས་རབ་གསང་མཆོད་པ་ནི། །དང་པོ་དགའ་དང་མཆོག་དགའ་དང་། །དགའ་བྲལ་དེ་བཞིན་ལྷན་སྐྱེས་དགའ། །བདེ་
D403.079.0238b05.01བའི་ཁྱད་པར་དེ་ཉིད་ཀྱིས། །རང་བཞིན་དགའ་སོགས་ཐམས་ཅད་མཆོད། །དེ་ནས་བླ་མེད་མཆོད་པས་ནི། །རང་རིག་སྟོང་པར་རྟོགས་པ་ཡིས། །འོད་གསལ་དེ་ཉིད་ཆོས་ཀྱི་སྐུ། །དེ་ཉིད་བླ་མེད་མཆོད་པ་མཆོག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། རྡོ་རྗེ་སྙིང་པོ་ལ་སོགས་
D403.079.0238b06.01པའི་འཁོར་རྣམས་དགའ་ཞིང་མགུ་ནས་རྗེས་སུ་ཡི་རངས་པར་གྱུར་ཏེ། གཡོན་ཕྱོགས་ནས་བསྐོར་བ་བྱས་ནས་སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ། །དཔལ་འཁོར་ལོ་སྡོམ་པ་རྡོ་རྗེ་རྒྱལ་པོའི་རྒྱུད་རྫོགས་སོ།། །།རྣལ་འབྱོར་མ་ཙནྡྲ་མཱ་ལ་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།
D403.079.0238b07.01