完整藏文原文 · 德格版页 当前仅加载第 79 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་བཛྲ་ཌཱ་ཀི་གུ་ཧྱ་ཏནྟྲ་རཱ་ཛ། བོད་སྐད་དུ། དཔལ་རྡོ་རྗེ་མཁའ་འགྲོ་གསང་བའི་རྒྱུད་ཀྱི་རྒྱལ་པོ། དཔལ་ཧེ་རུ་ཀ་ལ་ཕྱག་འཚལ་ལོ། །ཀྱེ་ཧོ་མངོན་རྫོགས་མགོན་པོ་ཀྱེ། །
D399.079.0230a02.01དབང་རྣམས་དམ་པ་ཡོད་དམ་ཅི། །གཙོ་འཁོར་ཁྱད་པར་མེད་དམ་ཅི། །སེམས་ཅན་དང་ནི་སངས་རྒྱས་ལ། །བྱེ་བྲག་ཐ་དད་མེད་དམ་ཅི། །དམ་ཚིག་ཆེ་ཆུང་ཇི་ལྟར་མཆིས། །དེ་ཉམས་བཤགས་ཐབས་ཡོད་དམ་ཅི། །བཅོམ་ལྡན་འདས་ཀྱིས་བཀའ་སྩལ་པ། །རྣམ་རྟོག་གཟུང་འཛིན་
D399.079.0230a03.01དགག་པ་དང་། །རང་རིག་ཡེ་ཤེས་བླུགས་པའི་ཕྱིར། །དབང་རྣམས་སྒྱུ་མ་ཙམ་དུ་ཡོད། །རྣལ་འབྱོར་སེམས་ཀྱི་ངོ་བོ་རུ། །དབང་ནི་ངེས་པ་ཁོ་ན་སྟེ། །ལུས་ངག་ཀུན་ནས་བཟང་བ་ལ། །དེ་ཕྱིར་སེམས་ཀྱི་དྲི་མ་ནི། །འཁྲུད་དང་གཏོར་དང་སྲེག་པ་དང་། །མཁྱེན་པའི་རྟེན་དང་གོ་
D399.079.0230a04.01འབྱེད་པས། །ས་དང་ཆུ་དང་མེ་དང་རླུང་། །ནམ་མཁའ་ལྟ་བུར་གསུངས་པ་སྟེ། །དང་པོ་གཉིས་པ་གསུམ་པ་དག །རིམ་གྱིས་མ་བགྲོད་དབང་མི་ཐོབ། །བསྐྱེད་པའི་རིམ་ལ་ལེགས་གནས་ཤིང་། །རྫོགས་པའི་རིམ་པ་འདོད་རྣམས་ལ། །ཐབས་འདི་རྫོགས་པའི་སངས་རྒྱས་ཀྱིས། །
D399.079.0230a05.01སྐས་ཀྱི་རིམ་པ་ལྟ་བུར་གསུང་། །གང་ཟག་མཆོག་དང་ལས་དང་པོ། །མངོན་པར་རྟོགས་པའི་རིམ་པ་དང་། །མངོན་པར་རྟོགས་པའི་ཡན་ལག་གོ། །འདི་ཡིས་ངན་འགྲོ་སྲིད་ལས་གྲོལ། །དབང་དང་མན་ངག་འབྲེལ་པས་སོ། །དེ་ནས་བཞི་པ་ཞལ་གྱི་དབང་། །སྔོན་དུ་འགྲོ་དང་མི་
D399.079.0230a06.01འགྲོ་མེད། །འདི་ནི་དབང་གི་རྒྱལ་པོ་སྟེ། །སློབ་དཔོན་སེམས་ཀྱི་རྒྱལ་པོ་ཡིན། །འདི་ནི་རང་རིག་བཞི་པའི་དབང་། །འདི་ཡིས་ཐམས་ཅད་གྲོལ་བར་འགྱུར། །འདི་ལ་རྟག་ཏུ་ཕྱག་སོགས་བྱ། །རྡོ་ཤིང་འདྲ་འབག་ལ་སོགས་པའི། །གཟུགས་བརྙན་ཡོངས་སུ་རྫོགས་པ་དང་། །
D399.079.0230a07.01