完整藏文原文 · 德格版页 当前仅加载第 79 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་ཛྙཱ་ན་རཱ་ཛ་ཏནྟྲ་རཱ་ཛ། བོད་སྐད་དུ། དཔལ་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །ཀྱེ་མ་སངས་རྒྱས་ཀྱེ་སངས་རྒྱས། །
D398.079.0229a02.01ཀྱེ་མ་སངས་རྒྱས་མཛད་པ་ལེགས། །གང་ཕྱིར་སེམས་ཅན་ཐམས་ཅད་ཀྱིས། །མྱ་ངན་འདས་པ་ཐོབ་བྱའི་ཕྱིར། །དད་དང་བརྩོན་འགྲུས་རྫོགས་བྱས་ཏེ། །བླ་མའི་རྗེས་སུ་འཇུག་པར་བྱ། །རང་རིག་གཉིས་སུ་མེད་པ་ལ། །གཞན་རིག་གཉིས་སུ་འཛིན་པས་འཁྲུལ། །གཟོད་ནས་
D398.079.0229a03.01མ་སྐྱེས་མ་གྲུབ་ལ། །སྐྱེ་དང་གྲུབ་པར་འཛིན་པས་འཁྲུལ། །དངོས་པོ་རོ་མཉམ་གྱུར་པ་ལ། །དམན་དང་གྱ་ནོམ་འཛིན་པས་འཁྲུལ། །འཁོར་བ་ཡོངས་སུ་ཤེས་པ་ཉིད། །མྱ་ངན་འདས་པར་བརྗོད་པ་ལ། །སངས་རྒྱས་སེམས་ཅན་རྟོག་པས་འཁྲུལ། །རང་བཞིན་ལྷུན་གྱིས་གྲུབ་
D398.079.0229a04.01པ་ལ། །རྒྱུ་དང་རྐྱེན་གྱིས་སྐྱེ་བས་འཁྲུལ། །བརྡ་དང་ཐ་སྙད་བྲལ་བ་ལ། །བློ་ཡི་སྤྱོད་ཡུལ་བྱེད་པས་འཁྲུལ། །མཐའ་བྲལ་དབུ་མར་གནས་པ་ལ། །རྟག་དང་ཆད་པར་འཛིན་པས་འཁྲུལ། །ཤེས་བརྗོད་ཡུལ་ལས་འདས་པ་ལ། །བདག་དང་བདག་གིར་འཛིན་པས་འཁྲུལ། །
D398.079.0229a05.01དངོས་པོ་མཚན་མ་ལ་སོགས་པའི། །རྣམ་རྟོག་ཀུན་གྱིས་སྟོང་པ་ལ། །དངོས་པོར་རྗེས་སུ་འཛིན་པས་འཁྲུལ། །རང་ཉིད་གཉིས་སུ་མེད་པ་ལ། །བདེན་པ་གཉིས་སུ་འཛིན་པས་འཁྲུལ། །གདུལ་བྱ་སྣ་ཚོགས་འདུལ་བ་ཡི། །ཐེག་པ་དུ་མའི་གོང་འོག་ལ། །སྒྲོ་དང་སྐུར་པ་འདེབས་པས་
D398.079.0229a06.01འཁྲུལ། །སེམས་ཅན་འཁྲུལ་པ་སྣ་ཚོགས་ཀྱིས། །ལས་ཀྱི་རྣམ་སྨིན་ལ་སོགས་ལ། །ལྟ་བས་སྐུར་པ་འདེབས་པས་འཁྲུལ། །རང་རིག་གཟོད་ནས་འོད་གསལ་ལ། །སྐུ་མདོག་ཕྱག་མཚན་ལ་སོགས་པ། །རྡོ་རྗེ་འཛིན་པར་འདོད་པས་འཁྲུལ། །འཁྲུལ་བ་དང་ནི་འཁྲུལ་
D398.079.0229a07.01