完整藏文原文 · 德格版页 当前仅加载第 79 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་བོ་མཁའ་འགྲོ་མས་ཞུས་ནས། །སྐུ་ཡི་མཁའ་འགྲོ་བརྒྱད་ལ་གཏད། །དེ་རྗེས་ར་ལས་གསུང་གི་རྒྱུད། །གསུང་གི་མཁའ་འགྲོ་བརྒྱད་ལ་གཏད། །ཕྱི་ནས་ཨ་ལས་ཐུགས་ཀྱི་རྒྱུད། །ཐུགས་ཀྱི་མཁའ་འགྲོ་བརྒྱད་ལ་གཏད། །གཉིས་མེད་ཡེ་ཤེས་བདུད་རྩིའི་རོ། །ལུས་ལས་
D396.079.0225b01.01ལུས་གསལ་མིག་གི་ལུས། །གསལ་བའི་ཕྱིར་ན་སྒྲོན་མ་སྟེ། །སེང་གེའི་གཟུགས་འདྲ་བདུད་རྩིའི་རོ། །ཉི་མའི་འོད་འདྲ་ཟླ་བའི་ཟེར། །འབྲུག་གི་སྒྲ་འདྲ་རྒྱ་མཚོའི་གཏིང་། །ཆུ་བོའི་རྒྱུན་འདྲ་རི་རབ་ལྷུན། །ཨུ་དུམ་བཱར་འདྲའི་ཞིང་གི་རྡུལ། །འདི་ལ་འདོད་འདོད་ཚོལ་བ་དང་། །རྟོག་
D396.079.0225b02.01གེ་བ་ཡིས་དཔྱད་དུ་མེད། །གལ་ཏེ་རང་འདོད་དཔྱད་གྱུར་ན། །དཔའ་བོ་མཁའ་འགྲོ་ཁྲོས་གྱུར་ཏེ། །མགོ་ལུས་ཚལ་པ་བརྒྱ་རུ་འགས། །དེ་བས་རང་གི་ཆུང་མ་དང་། །བུ་དང་ཡུལ་འཁོར་ལུས་ངག་གིས། །བླ་མ་དམ་པ་མཉེས་བྱ་སྟེ། །ཆུ་བོའི་རྒྱུན་འདྲའི་མན་ངག་བླང་། །ཀྱེ་
D396.079.0225b03.01མའོ་མགོན་པོ་སྙིང་རྗེ་ཅན། །ར་ལིའི་དབྱེ་བ་དེ་ལྟར་ན། །དེ་ཡི་ཆེན་པོ་ཇི་ལྟར་ལགས། །ནང་དུ་ཉི་ཤུ་རྩ་བཞི་ཡི། །ངེས་པ་སླར་ཡང་བདག་ལ་གསུངས། །རྡོ་རྗེ་ཅན་གྱིས་བཀའ་སྩལ་པ། །མ་སྤངས་ཉི་ཤུ་རྩ་བརྒྱད་ཀྱིས། །ར་ལི་འདི་ནི་ཆེན་པོར་ངེས། །རེ་རེ་ལ་ཡང་ཆེན་པོ་བདུན། །གང་
D396.079.0225b04.01ཞིག་འབྲས་བུ་འདོད་པ་ལ། །རྒྱུ་ཉིད་གཙོ་བོར་གྱུར་པ་སྟེ། །སཱ་ལུ་ལས་ནི་མྱུ་གུ་བཞིན། །དེ་ཕྱིར་དང་པོ་རྒྱུ་མི་སྤང་། །ལྷན་ཅིག་སྐྱེས་གཉིས་རྒྱུ་ཡིན་ཏེ། །རང་བཞིན་ལྷན་ཅིག་སྐྱེས་པ་དང་། །ལྷན་ཅིག་ལྷན་ཅིག་སྐྱེས་པའོ། །ཐུན་མོང་དང་ནི་ཐུན་མོང་མིན། །བླ་མའི་ཞལ་ནས་ཤེས་བྱའི་
D396.079.0225b05.01ཕྱིར། །དཔའ་བོ་མཁའ་འགྲོའི་ཞལ་ཡིན་ཏེ། །དེ་ཉིད་སྟོན་པའི་བཀའ་ལས་འདས། །དེ་ལས་འཁྲུལ་པ་སྙིང་རེ་རྗེ། །ཕུང་སོངས་རྩ་དང་ཤུ་ཀྲ་ནི། །ལྷན་ཅིག་སྐྱེས་པའི་རྒྱུ་ཡིན་ཏེ། །ལོག་རྟོག་འཁྲུལ་པ་རྒྱུར་འདོད་དང་། །ངོ་བོ་མ་གྲུབ་རྒྱུར་འདོད་དང་། །ཀུན་རྫོབ་བྱང་སེམས་
D396.079.0225b06.01རྒྱུར་འདོད་པ། །འདི་ནི་རྨོངས་པ་མ་རུངས་པ། །ཕུང་པོ་འབྱུང་བ་དབང་པོ་དང་། །ཕྱི་ཡི་སྐྱེ་མཆེད་དམན་པོའི་རྒྱུ། །བརྟགས་པ་རྒྱུར་འདོད་སྙིང་རེ་རྗེ། །ནམ་མཁའི་མེ་ཏོག་གི་དྲི་གང་། །རང་བཞིན་གནས་པའི་རྩ་རླུང་སོགས། །ཁྱད་པར་ལམ་གྱི་རྒྱུ་ཡིན་ཏེ། །རང་བཞིན་གནས་པ་མ་ཤེས་
D396.079.0225b07.01