完整藏文原文 · 德格版页 当前仅加载第 79 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
རླུང་། །གཞན་ཡང་ལམ་བརྒྱད་རླུང་རྣམས་དག །དང་པོ་ཉིད་དུ་བསྡམས་བྱས་ན། །ཟིན་པར་འདི་ལ་ཐེ་ཙོམ་མེད། །དབྱེ་བ་བསྡམ་པའི་མན་ངག་གོ། །བྱེད་པ་སྤེལ་མར་སོང་གྱུར་ན། །མི་ཟིན་པ་ལ་ཐེ་ཙོམ་མེད། །གནས་གསུམ་དག་ཏུ་ཀྵ་བསམས་ཏེ། །
D394.079.0223a01.01དབུགས་གསུམ་པ་ཡིས་ཡར་དྲངས་ཏེ། །ལྟེ་བའི་གྱེན་ལ་དྲངས་ཀྱང་ཟིན། །འདི་ནི་གང་ཟག་མཆོག་གིས་ཡིན། །མཛེས་པའི་སྤྱི་བོ་དེ་ཉིད་ལ། །གྱེན་དུ་བཀན་དང་ཐུར་དུ་བཀན། །དྲང་པོར་གཡས་གཡོན་བཙན་ཐབས་ལ། །ཀ་ཏིའི་གཟེར་ནི་བཙན་ཐབས་གཅིག །སྦོམ་
D394.079.0223a02.01པོ་ཁྲོ་མོས་མནན་པ་སྟེ། །བླ་མའི་ཞལ་ནས་མ་བླངས་ན། །ལུས་ཀྱི་ནད་བཞི་ཀུན་ནས་སྐྱེ། །ཆུ་འགགས་ཆུ་སོ་སྐྲངས་ལ་སོགས། །ལུས་སྨད་ནད་སྣ་ཉི་ཤུ་འབྱུང་། །གཞན་ཡང་བཙན་ཐབས་བཅུ་གཉིས་ནི། །བླ་མའི་ཞལ་ནས་ཤེས་པར་བྱ། །བླ་མ་མཉེས་
D394.079.0223a03.01པར་བྱ་བའི་ཕྱིར། །ལུས་སྲོག་ལོངས་སྤྱོད་ཐམས་ཅད་ཀྱིས། །དུས་གསུམ་མཎྜལ་དང་བཅས་མཆོད། །ལུས་སྲོག་བཏང་བར་ཕངས་པ་བས། །མན་ངག་དམ་པ་དེ་བས་ཕངས། །དེ་བས་བཙན་ཐབས་ལེགས་པར་སྦ། །མན་ངག་ཆུ་བོའི་རྒྱུན་འདྲ་བས། །དེ་ཉིད་རྒྱུད་དུ་ཤེས་
D394.079.0223a04.01པར་བྱ། །ཟབ་མོའི་དོན་སྟོན་རྒྱལ་པོར་གསུངས། །རྡོ་རྗེ་ཕག་མོ་ལ་སོགས་རྣམས། །གསང་བའི་གསང་བ་རྨད་བྱུང་འདི། །ཁྱོད་ལ་གཏད་དོ་དམ་དུ་སྔོས། །ཀུན་ལ་སྤེལ་ན་དམ་ཚིག་ཉམས། །ཀྱེ་མ་རྒྱུད་ཀྱི་དོན་འདི་ལ། །ཕྱོགས་བཅུའི་འཇིག་རྟེན་ཁམས་བཞུགས་པའི། །
D394.079.0223a05.01དཔའ་བོ་མཁའ་འགྲོ་མ་ཡི་ཚོགས། །ཐམས་ཅད་ངོ་མཚར་ཆེར་སྐྱེས་ཏེ། །དགའ་ཞིང་མགུ་ནས་ཡི་རང་ངོ་། །དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་མཁའ་འགྲོ་མའི་གསང་བ་ལས་ཀྱང་ཆེར་གསང་བ་རྨད་དུ་བྱུང་བ་རྫོགས་སོ།། །།སིང་གྷ་ལའི་གླིང་གི་རྣལ་འབྱོར་
D394.079.0223a06.01མ་ཙནྡ་མཱ་ལ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
D394.079.0223a07.01