完整藏文原文 · 德格版页 当前仅加载第 79 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱིཛྙཱ་ན་མཱ་ལ་ཏནྟྲ་རཱ་ཛ། བོད་སྐད་དུ། དཔལ་ཡེ་ཤེས་ཕྲེང་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཀྱེ་ལགས་གསང་བདག་རྡོ་རྗེ་འཛིན། །གསང་བ་བླ་ན་མེད་པ་ཡི། །ལྟ་བ་ཞེས་པ་གང་གང་ལགས། །སྤྱོད་
D393.079.0220b01.01པ་གང་དང་གང་ལགས་པ། །གཙོ་བོས་བདག་ལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ལྟ་བ་ཤེས་རབ་ཕ་རོལ་ཕྱིན། །གདོད་ནས་སྤྲོས་བྲལ་ལྷུན་གྱིས་གྲུབ། །རང་རིག་ཡེ་ཤེས་དབྱིངས་ན་གསལ། །མ་རིག་མུན་པས་བསྒྲིབས་པ་མེད། །ཤེས་རབ་སྙིང་པོ་
D393.079.0220b02.01རྩེར་བྱུང་བ། །ལྟ་བ་ཀུན་གྱི་ཡང་རྩེ་ཡིན། །དོན་དམ་རང་རིག་ཡེ་ཤེས་ལ། །བླང་བ་མེད་ཅིང་དོར་བ་མེད། །དམན་དང་གྱ་ནོམ་གཉིས་ཀ་མེད། །བསྒོམ་པ་པོ་མེད་བསྒོམ་བྱ་མེད། །དམིགས་མེད་གནས་སུ་སྙིང་རྗེ་དང་། །དམིགས་མེད་གནས་སུ་ཤེས་རབ་གཉིས། །བློ་དང་ལྷན་ཅིག་
D393.079.0220b03.01གཅིག་གྱུར་པ། །ནམ་མཁར་ནམ་མཁའི་རང་བཞིན་ནོ། །རང་རིག་ཡེ་ཤེས་གང་འདོད་པས། །མཚན་མའི་རྣམ་རྟོག་བསྒོམ་པ་མིན། །དམན་པ་རྣམས་ལ་སྐུར་མི་གདབ། །དེ་ཉིད་ལ་ཡང་སྒྲོ་མི་གདགས། །དང་པོར་བསྐལ་པར་བསྒོམས་པ་དང་། །རང་རིག་སྐད་ཅིག་ཐོབ་པ་
D393.079.0220b04.01གཉིས། །བརྒྱ་སྟོང་ལ་སོགས་ཆར་མི་ཕོད། །དཔེ་དང་བགྲང་བར་མི་ནུས་ཏེ། །དཔེར་ན་མཚོ་དང་རླབས་རྗེས་བཞིན། །དངོས་པོ་སྒོམ་པ་བསྒོམ་པ་མིན། །དངོས་མེད་སྒོམ་པ་སྒོམ་པ་མིན། །དངོས་དང་དངོས་མེད་རོ་མཉམ་ན། །མ་བསྒོམས་ན་ཡང་བསྒོམས་པ་ཉིད། །བསྒོམ་
D393.079.0220b05.01དང་མི་བསྒོམ་གཉིས་ཀ་མེད། །འོད་གསལ་དེ་ལ་སེམས་ཟིན་ན། །གཟུང་འཛིན་དགྲ་ཡི་དཔུང་རྣམས་འཇོམས། །ཕྱོགས་བཅུ་འཇིག་རྟེན་ཁམས་བཅས་པའི། །དཔའ་བོ་མཁའ་འགྲོ་མཆོད་པའི་གནས། །རབ་ཀྱིས་མཉམ་གཞག་རྗེས་ཐོབ་སྤངས། །འབྲིང་གིས་རྗེས་ཐོབ་
D393.079.0220b06.01སྟོང་པར་ལྟ། །ཐ་མས་རྗེས་ཐོབ་སྒྱུ་མར་ལྟ། །སེང་གེ་ལྟ་བུའི་ལྟ་སྤྱོད་ནི། །བཞི་པ་ཡིན་པར་ང་ཡིས་གསུངས། །དེ་ནས་སྤྱོད་པའི་རྒྱལ་པོ་བཤད། །སྤྱོད་པ་རྣམ་པ་གསུམ་ཡིན་ཏེ། །ཀུན་ཏུ་བཟང་པོ་བྷུ་སུ་ཀུ། །ཨ་བ་དྷཱུ་ཏཱི་གསུམ་ཡིན་ནོ། །སྤྱོད་པའི་དུས་དང་གནས་དང་
D393.079.0220b07.01