完整藏文原文 · 德格版页 当前仅加载第 79 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
དག་དང་འདྲ། །ལུས་ཀྱི་དྲི་མ་ཆུ་དང་འདྲ། །ཐིག་ལེའི་དེ་ཉིད་མ་ཤེས་ན། །ཙནྡན་ཤིང་གི་འཛེར་པར་འདྲ། །འཁོར་ལོའི་དེ་ཉིད་མ་ཤེས་ན། །བརྒྱ་བྱིན་ལག་ན་འཁོར་ལོ་འདྲ། །དེ་བཞིན་སྲིད་པའི་འཁོར་ལོ་འདྲ། །པདྨའི་དེ་ཉིད་མ་ཤེས་ན། །འདམ་བུ་ཚལ་གྱི་པདྨ་
D392.079.0220a01.01འདྲ། །སྟུག་པོའི་དེ་ཉིད་མ་ཤེས་ན། །མཆོད་རྟེན་གྱི་ནི་འཁོར་ལོ་འདྲ། །ཁ་སྦྱོར་དེ་ཉིད་མ་ཤེས་ན། །ཐལ་མོ་གཡས་གཡོན་སྦྱར་བ་འདྲ། །གནས་ཀྱི་དེ་ཉིད་མ་ཤེས་ན། །འཁོར་ལོ་སྒྱུར་རྒྱལ་ཕོ་བྲང་འདྲ། །བྱང་སེམས་དེ་ཉིད་མ་ཤེས་ན། མི་གཙང་སྒོ་ཡི་ལུད་པ་འདྲ། །སིཧླའི་
D392.079.0220a02.01དེ་ཉིད་མ་ཤེས་ན། །མཚོན་སོགས་ལས་བྱུང་ཁྲག་དང་འདྲ། །དགའ་བའི་དེ་ཉིད་མ་ཤེས་ན། །སྨད་འཚོང་མ་ཡི་འདོད་ཆགས་འདྲ། །སྤང་བྱའི་དེ་ཉིད་མ་ཤེས་ན། །གྲོང་ཁྱེར་མེད་པའི་རྒྱལ་པོ་འདྲ། །གཉེན་པོའི་དེ་ཉིད་མ་ཤེས་ན། །རྒྱལ་པོ་མེད་པའི་གྲོང་ཁྱེར་འདྲ། །རང་རིག་དེ་ཉིད་མ་ཤེས་
D392.079.0220a03.01ན། །འདུས་བྱས་ནམ་མཁའ་སྟོང་པ་འདྲ། །གཞན་ཡང་དེ་ཉིད་{བཅྭ་,བཅོ་}བརྒྱད་ནི། །བླ་མའི་ཞལ་ནས་ཤེས་པར་བྱ། །ཐམས་ཅད་སྒྱུ་མའི་ཚུལ་དང་ནི། །རྨི་ལམ་གློག་དང་སྤྲིན་ལྟ་བུ། །དེ་ཉིད་ཤེས་ན་གྲོལ་བར་འགྱུར། །ཀྱེ་ཧོ་མགོན་པོ་ཐུགས་རྗེ་ཆེ། །རང་རིག་ཡེ་ཤེས་ཚོལ་བ་ལ། །རང་དང་གཞན་
D392.079.0220a04.01གྱི་སྡེ་པ་ལ། །འདི་ལ་ཁྱད་པར་མེད་དམ་ཅི། །བཅོམ་ལྡན་འདས་ཀྱིས་བཀའ་སྩལ་པ། །ཁྱད་པར་ཆེན་པོ་དེ་ཉིད་དེ། །གཞན་ནི་ཁྱད་པར་དབང་བཞི་དང་། །དེ་ཡི་ལམ་གྱི་དེ་ཉིད་བརྟགས། །ཆད་པ་བདག་དང་དབང་ཕྱུག་དང་། །ཕྱ་དང་བྱེད་པ་པོ་ཉིད་ལས། །རྒྱུ་སོགས་རྒྱུད་ལས་ཁྱད་པར་འཕགས། །
D392.079.0220a05.01གང་ཟག་བདག་དང་བྲལ་བའི་ཕྱིར། །ཉན་ཐོས་རང་རྒྱལ་ཐེག་ཆེན་དང་། །རླུང་སོགས་ཆོས་ཀྱི་བདག་གིས་བཅིངས། །དམན་པ་རྣམས་ཀྱི་སྣང་བས་ཁྱབ། །ཐེག་ཆེན་རང་བཞིན་ལྷ་ཡིས་ཁྱད། །རྣལ་འབྱོར་རྣལ་འབྱོར་ཆེན་པོ་སོགས། །དེ་ཉིད་ཀྱི་ནི་ཁྱད་པར་ཆེ། །ལེགས་པར་བསྟན་གྱིས་ལེགས་པར་
D392.079.0220a06.01བཟུང་། །དེ་ནས་འཁོར་ཐམས་ཅད་དགའ་ཞིང་ཡིད་རངས་པར་གྱུར་ཏོ། །དཔལ་རྡོ་རྗེ་སེམས་དཔའ་ཡེ་ཤེས་གསང་བའི་དེ་ཁོ་ན་ཉིད་ཀྱི་རྒྱུད་ཀྱི་རྒྱལ་པོ་རྫོགས་སོ།། །།རྣལ་འབྱོར་མ་ཙནྡྲ་མཱ་ལ་དང་། ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །།
D392.079.0220a07.01