完整藏文原文 · 德格版页 当前仅加载第 79 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་འཁོར་ལོའི་ལེའུ་སྟེ་གསུམ་པའོ།། །།མགོན་པོ་ཐུགས་རྗེ་ཆེ་ལྡན་པ། །དེ་ཉིད་ལ་ནི་ཕྱག་འཚལ་ཏེ། །རྡོ་རྗེ་སྙིང་པོས་ཡང་ཞུས་པ། །བསྲུང་བའི་འཁོར་ལོ་དེ་ལྟར་ན། །ཡེ་ཤེས་བྱེ་བྲག་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཡེ་ཤེས་ཀྱིས་ནི་
D391.079.0218b01.01དེ་ཉིད་ཀྱི། །རྟོག་པ་རབ་ཏུ་བཤད་པར་བྱ། །དེ་ལ་ཡེ་ཤེས་ཀྱི་ནི་གནས། །རྣམ་པ་ལྔ་རུ་ཤེས་བྱ་སྟེ། །ཕྱི་དང་ནང་དང་གསང་བ་དང་། །རབ་ཏུ་གསང་དང་གསང་བ་ཆེ། །ང་ཡིས་བཤད་ཀྱིས་ལེགས་པར་ཉོན། །དེ་ལ་ཕྱི་ཡི་ཡེ་ཤེས་ནི། །སྐུ་མདོག་ཕྱག་མཚན་དང་འབྲེལ་པའོ། །
D391.079.0218b02.01དེ་ལྟར་རྟོགས་པ་ཕྱིའི་ཡེ་ཤེས། །ནང་གི་ཕུང་སོགས་ལྷ་རུ་རྟོགས། །དེ་ཉིད་དང་བྲལ་ཡེ་ཤེས་སོ། །དེ་ནས་གསང་བའི་ཡེ་ཤེས་ནི། །རྩ་དང་རླུང་དང་ཐིག་ལེར་རྟོགས། །རྟོག་པ་དེ་དང་བྲལ་བ་ནི། །གསང་བའི་ཡེ་ཤེས་ཡིན་པར་བཤད། །དགའ་བ་མཆོག་དང་བྲལ་བའི་དགའ། །
D391.079.0218b03.01ལྷན་ཅིག་སྐྱེས་དགའ་གང་ཡིན་པ། །བདེ་བར་རྟོག་པ་རྣམ་རྟོག་སྟེ། །དེ་སྤོང་རབ་གསང་ཡེ་ཤེས་སོ། །དེ་ནས་ཡེ་ཤེས་ཆེན་པོ་བཞི། །དང་པོ་རོ་མཉམ་མཐའ་སྤངས་པའི། །ཡེ་ཤེས་དེ་ཉིད་ཡོད་པ་ལ། །རྣམ་རྟོག་སྤོང་སྟེ་དེ་བཞིན་འཇོག །དེ་ཉིད་རང་རིག་ཆེན་པོ་སྟེ། །དེ་
D391.079.0218b04.01ཉིད་ཡེ་ཤེས་ཆེན་པོའོ། །དེ་ལྟར་ཤེས་ན་རྡོར་འཛིན་གྱི། །ས་ནི་ངེས་པར་ཐོབ་པའོ། །དཔལ་སྟོབས་པོ་ཆེའི་རྒྱུད་ལས་ཡེ་ཤེས་བརྟག་པའི་ལེའུ་སྟེ་བཞི་པའོ།། །།དེ་ནས་ཡེ་ཤེས་ཆེན་པོ་ཡི། །བརྟག་པ་དེ་ཉིད་བཤད་པར་བྱ། །དང་པོར་རོ་མཉམ་གྱུར་པའོ། །སྟོང་
D391.079.0218b05.01པ་ཉིད་ཀྱི་རོ་མཉམ་ལ། །སྐུ་མདོག་ཕྱག་མཚན་ལ་སོགས་པ། །ཕུང་པོ་ཁམས་དང་སྐྱེ་མཆེད་སོགས། །རྩ་དང་རླུང་དང་ཐིག་ལེ་དང་། །དགའ་དང་མཆོག་དགའ་བྲལ་བ་དང་། །དེ་ལ་སོགས་པ་ཐམས་ཅད་ཀུན། །སྒྱུ་མ་ཙམ་དུ་ཤེས་པར་བྱ། །དེ་ཉིད་གཞན་རིག་ཅེས་བྱ་སྟེ། །
D391.079.0218b06.01རང་རིག་སེམས་ཀྱི་དེ་ཉིད་ལ། །གཉིས་སུ་མེད་པར་བསྒོམ་པ་ནི། །དེ་ཉིད་ཡེ་ཤེས་ཆེན་པོ་སྟེ། །མཐར་ཕྱིན་བརྟག་པ་རྫོགས་པའོ། །དཔལ་སྟོབས་པོ་ཆེའི་རྒྱུད་ལས་ཡེ་ཤེས་ཆེན་པོ་བརྟག་པའི་ལེའུ་སྟེ་ལྔ་པའོ།། །།དེ་ལྟར་བཅོམ་ལྡན་འདས་ཀྱིས་བཀའ་སྩལ་པ་དང་། །
D391.079.0218b07.01