完整藏文原文 · 德格版页 当前仅加载第 79 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་པར་ཤེས་པར་བྱ། །དེ་རྣམས་སྤྱི་ཡི་དམ་ཚིག་སྟེ། །བྱེ་བྲག་དམ་ཚིག་བསྲུང་བར་བྱ། །ཕུང་པོ་ལྔ་ནི་རིགས་ལྔ་སྟེ། །འབྱུང་བ་ལྔ་ནི་ཡུམ་ལྔའོ། །སྐྱེ་མཆེད་སེམས་དཔའ་སེམས་མ་ཡིན། །གཟུགས་ཕུང་རྣམ་པར་སྣང་མཛད་ལ། །བརྗེད་དང་བརྙས་
D390.079.0214a01.01པ་ལ་སོགས་སྤང་། །དེ་ལ་མཆོད་དང་བསྟོད་སོགས་བྱ། །དོན་དམ་པར་ནི་རང་རིག་སྟེ། །ཚོགས་བསགས་ཕྱིར་ན་ང་ཡིས་གསུངས། །ཚོར་བ་ལ་སོགས་དེ་དང་འདྲ། །ས་ནི་སངས་རྒྱས་སྤྱན་ཡིན་ཏེ། །སྤྱོད་ལམ་གསུམ་དུ་མ་ཡེངས་ཤིག །གང་དུ་གསུངས་པའི་ཚུལ་བཞིན་བསྲུང་། །
D390.079.0214a02.01ཆུ་ལ་སོགས་པ་དེ་བཞིན་ནོ། །མིག་ལ་སོགས་པ་དེ་བཞིན་ནོ། །གཟུགས་ལ་སོགས་པ་དེ་བཞིན་བསྲུང་། །དཀྱིལ་འཁོར་དུ་ཞུགས་རྣལ་འབྱོར་པ། །རྡོ་རྗེ་འཛིན་པ་བཞིན་དུ་མཆོད། །བརྙས་ཤིང་གཤེ་བ་ལ་སོགས་སྤང་། །སེམས་ཅན་ཕོ་དང་མོ་ཀུན་ལ། །དཔའ་བོ་དཔའ་
D390.079.0214a03.01མོ་དམ་ཚིག་བསྲུང་། །བཟའ་བ་ལ་སོགས་དུས་སུ་ཡང་། །བདུད་རྩི་སྦྱོར་བས་དམ་ཚིག་བསྲུང་། །ཤ་ལྔ་བདུད་རྩི་ལྔ་རྣམས་ལ། །རང་གི་སྤྱོད་དང་གཞན་སྤྱོད་ལ། །རྗེས་སུ་ཡི་རང་དམ་ཚིག་ཡིན། །མདོར་ན་སྣང་ཞིང་སྲིད་པའི་རྫས། །དམ་ཚིག་བསྲུང་ཞིང་མཆོད་པའི་ཕྱིར། །
D390.079.0214a04.01ལུས་ཀྱི་ཉེས་སྡོམ་སྐུ་ཡིན་ཏེ། །ངག་གི་ཉེས་སྡོམ་གསུང་དུ་གསུངས། །ཡིད་ཀྱི་ཉེས་སྡོམ་ཐུགས་སུ་གསུངས། །ཨོྃ་གྱི་འོད་ཟེར་དཀར་པོ་ཡིས། །འདོད་ཁམས་དག་པར་གྱུར་པ་ནི། །སྐུ་ཡི་དམ་ཚིག་བསྲུང་བའོ། །དེ་ལ་མཆོད་དང་བསྟོད་སོགས་བྱ། །བསྡུ་བའང་ཨོྃ་དུ་ཤེས་པར་
D390.079.0214a05.01བྱ། །ཨཱཿནི་ཁ་དོག་དམར་པོ་ཡིས། །གཟུགས་ཁམས་དག་པའི་གསུང་དམ་ཚིག །ཧཱུྃ་གི་ཁ་དོག་ནག་པོ་ཡིས། །གཟུགས་མེད་དག་པའི་དམ་ཚིག་གོ། །ཨོྃ་ནི་སྤྱི་བོར་ཡང་དག་གནས། །ཨཱཿནི་དེ་བཞིན་མགྲིན་པར་གནས། །ཧཱུྃ་ནི་སྙིང་གར་སྤྲོ་དང་བསྡུ། །སྐུ་ཡི་མཁའ་འགྲོ་བཅུ་
D390.079.0214a06.01གཉིས་སུ། །འདོད་ཁམས་དག་པའི་དམ་ཚིག་གོ། །གསུང་གི་མཁའ་འགྲོ་བཅུ་གཉིས་སུ། །གཟུགས་ཁམས་དག་པའི་དམ་ཚིག་ཡིན། །ཐུགས་ཀྱི་མཁའ་འགྲོ་བཅུ་གཉིས་སུ། །གཟུགས་མེད་དག་པའི་དམ་ཚིག་སྟེ། །ཨོྃ་དང་ཨཱཿདང་ཧཱུྃ་ལ་བསྡུ། །ཨོྃ་ནི་རྒྱུ་ཡི་སྐུ་བཅུ་
D390.079.0214a07.01