完整藏文原文 · 德格版页 当前仅加载第 79 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དག་ཏུ་ཤེས་པར་བྱ། །ལུས་ལ་སྤྱི་དང་བྱེ་བྲག་གཉིས། །སྒུན་རླུང་གི་རང་བཞིན་ཏེ། །ཡན་ལག་ཐུང་བ་ཆུ་ཡི་ཁམས། །ཡན་ལག་རྒྱས་པ་ས་ཡི་ཁམས། །སྨད་ཞེང་ཆེ་བ་མེ་ཡི་ཁམས། །སྣ་ཚོགས་དུ་མ་ནམ་མཁའི་ཁམས། །སྤྱི་རུ་
D389.079.0212a01.01དཀར་བ་ཆུ་ཡི་ཁམས། །དམར་བ་མེ་རུ་ཤེས་པར་བྱ། །སེར་ན་དེ་བཞིན་ས་ཡི་ཁམས། །སྔོ་ན་རླུང་དུ་ཤེས་པར་བྱ། །ཡང་ན་རླུང་གི་ཁམས་ཡིན་ཏེ། །དྲོད་རྣམས་ཆེ་ན་མེ་ཡི་ཁམས། །བརྟན་ན་ས་ཡི་ཁམས་སུ་གསུངས། །ཆུ་ཁམས་ཆེ་ན་ཆུ་ཡི་ཁམས། །དེ་རྣམས་
D389.079.0212a02.01ཀུན་ལྡན་ནམ་མཁའི་ཁམས། །འཇུག་པ་བདེ་ཆེན་ས་ཡིན་ཏེ། །ལྡོག་པ་སྤྲུལ་པ་ཆུ་རུ་གསུངས། །རྣལ་འབྱོར་རྒྱུད་ནི་བྱེ་བྲག་གིས། །སེམས་ཀྱི་གནས་སུ་ཤེས་པར་བྱ། །ཤུ་ཀྲ་རླུང་ལ་སིཧླ་མེ། །སྦྲུལ་དང་ཆོས་སུ་ཁ་སྦྱར་ཡིན། །གཞན་ཡང་མཁས་པས་ཤེས་པར་
D389.079.0212a03.01བྱ། །དེ་ནས་བྱེ་བྲག་གསུངས་པ་ཡི། །དབྱིབས་དང་ཁ་དོག་མཚན་མ་གསུམ། །ཀུན་ལ་མཁས་པས་ཤེས་པར་བྱ། །དང་པོར་དབྱིབས་ཀྱི་བརྟག་པ་ཡང་། །དབྲལ་བའི་དབྱིབས་ལ་རྣམ་པ་བཞི། །གྲུ་བཞི་ཟླུམ་པོ་ཟླ་གམ་དང་། །གྲུ་གསུམ་དུ་ཡང་ཤེས་པར་བྱ། །
D389.079.0212a04.01དཀར་པོ་ལ་སོགས་དེ་དང་འདྲ། །རྣ་བ་ནས་གཟུང་རྐང་པའི་བར། །ཀུན་ལ་བརྟག་ཅིང་ཤེས་པར་བྱ། །སྐད་ནི་ཕྲ་དང་སྦོམ་པ་དང་། །རིང་དུ་འདོན་དང་ཐུང་བ་དང་། །འདར་བ་ལ་སོགས་བྱེ་བྲག་རྣམས། །མཁས་པས་བརྟག་ཅིང་ཤེས་པར་བྱ། །རྟགས་དེས་བརྟག་པའི་
D389.079.0212a05.01མཚན་མ་ནི། །རྣམ་པ་གསུམ་དུ་ཤེས་པར་བྱ། །འདོད་ཆགས་སྐུ་དང་ཞེ་སྡང་ཐུགས། །མུན་པ་གསུང་དུ་ཤེས་པར་བྱ། །དང་པོ་འདོད་ཆགས་དབྱེ་བ་ཡང་། །ཡར་ངོ་མར་ངོ་མཚམས་དང་གསུམ། །དབྱིབས་དང་ཁ་དོག་སྐད་གསུམ་ལ། །མཁས་པ་འདོད་པ་སྐྱེ་བ་བརྟག །
D389.079.0212a06.01ཉིན་བར་བཞི་དང་མཚན་བར་བཞི། །དེ་བཞིན་སྐད་ཅིག་(ཐང་,ཐེངས་)(ཅིག་,ཤིག་)རྣམས། །མཁས་པས་བརྟག་ཅིང་ཤེས་པར་བྱ། །མིག་འཛུམས་པ་སྦུ་ལྡང་ལ་སོགས། །དབྱིབས་ཀྱི་འདོད་པ་སྐྱེ་བའི་རྟགས། །འདོད་པའི་གཟུགས་ལྡན་ཅུང་ཞིག་དམར། །སྣ་བུག་དཀར་ལ་སོགས་པ་དང་། །
D389.079.0212a07.01