完整藏文原文 · 德格版页 当前仅加载第 79 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྐྱེ། །ཤེས་རབ་ཀྱིས་ཀྱང་ཐབས་ལ་སྟེ། །སྦྱོར་ཐབས་མཁས་པའི་ཤེས་རབ་མ། །ཐབས་ཀྱིས་རྟག་ཏུ་བསྟེན་པར་བྱ། །སྦྱོར་ཐབས་མཁས་པའི་རྣལ་འབྱོར་པས། །རྣལ་འབྱོར་མ་ཡི་གསང་ལ་བསྟེན། །ལྷ་མོས་གསོལ་བ་བཅོམ་ལྡན་འདས། །
D383.079.0186a01.01གསང་ལ་བསྟེན་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །མིང་སྲིང་ཚུལ་ལམ་རྗེ་འབངས་ཚུལ། །ཕ་སྤད་ཚུལ་ལམ་མཁན་སློབ་ཚུལ། །གཞན་གྱིས་མི་རིག་ངོ་ཚ་བསྲུང་། །དབེན་པའི་གནས་སུ་སྦྱོར་བ་བྱ། །གལ་ཏེ་མ་བསྟེན་དམ་ཚིག་
D383.079.0186a02.01ཉམས། །ཚེ་འདི་ཉིད་ལ་དམྱལ་བར་ལྟུང་། །ལྷ་མོས་གསོལ་པ་བཅོམ་ལྡན་འདས། །ཐབས་མེད་རྣལ་འབྱོར་ཇི་ལྟར་ལགས། །བདེ་བ་ཁྱད་མེད་ཇི་ལྟར་ལགས། །ཕྱག་རྒྱ་མ་བསྟེན་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །བདེ་བ་ལ་
D383.079.0186a03.01གནས་གསང་བའི་དོན། །ཁྱོད་ཀྱི་ངོར་མཛད་ང་ཡིས་བཤད། །སྦྱོར་ཐབས་མི་ཤེས་རྣལ་འབྱོར་དང་། །སྟན་ཡང་གཅིག་ལ་མི་འདུག་སྟེ། །འདོད་ཆགས་བསམ་པ་ཡང་མི་བྱ། །གལ་ཏེ་དེ་འདྲ་བསྟེན་གྱུར་ན། །འཇིག་རྟེན་ཕལ་པའི་འདོད་ཆགས་ཏེ། །
D383.079.0186a04.01ཤི་ནས་མནར་མེད་དམྱལ་བར་སྐྱེ། །འདོད་ཆགས་སྤྱོད་པ་ཤལ་མ་རི། །ལྕགས་ཀྱི་སོར་ནི་བཅུ་དྲུག་པ། །ཡར་ལ་འཛེག་ཅིང་མར་ལ་འབབ། །ཐབས་མེད་རྣལ་འབྱོར་འདྲ་བ་འབོད། །དེ་ཕྱིར་སྦྱོར་ཐབས་མཁས་པས་བསྟེན། །སྦྱོར་ཐབས་ལས་ནི་བདེ་བ་སྐྱེ། །དེ་
D383.079.0186a05.01ཕྱིར་བདེ་བ་ཁྱད་པར་འཕགས། །བདེ་བ་ཐབས་མེད་ལུས་ཟུངས་ཉམས། །རླུང་མཁྲིས་བད་ཀན་ཀུན་ནས་སྐྱེ། །ལས་ཀྱི་ཕྱག་རྒྱ་རྟག་ཏུ་བསྟེན། །ཕྱག་རྒྱ་མ་བསྟེན་དམ་ཚིག་ཉམས། །ཕྱག་རྒྱ་བསྟེན་པའི་དུས་སུ་ཡང་། །རྣལ་འབྱོར་མིང་སྲིང་བརྡ་ཡིས་མཚོན། །
D383.079.0186a06.01གང་ཞིག་འཛུབ་མོ་སྟོན་པ་ན། །འོངས་སམ་ཞེས་ནི་འདྲི་བ་ཡིན། །སོར་མོ་གཉིས་ནི་སྟོན་པ་དང་། །མཐེ་བོ་དྲང་པོར་སྟོན་པ་དང་། །དེ་བཞིན་སྲིན་ལག་དྲང་པོར་སྟོན། རྡོ་རྗེ་བོ་ལ་ཞེས་བྱ་སྟེ། །པདྨ་ཀཀྐོ་ལ་ཞེས་བྱ། །དེ་ལྟར་མ་བྱས་དམ་ཚིག་ཉམས། །བརྡ་ཡི་བྱེ་
D383.079.0186a07.01