yang dag par sbyor ba zhes bya ba'i rgyud chen po/
当前为德格木刻版 154a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 154a
- 可引用原文
- 7 行
- 全文规模
- 全经 1197 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 79 函 · 德格 154a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文འདོད། །སྣོད་གཅིག་ཏུ་ནི་ཟས་ཉིད་ནི། །གཙང་སྦྲ་གསུམ་པ་ཉིད་དུ་གསུངས། །ཕྱི་རོལ་རྣལ་འབྱོར་ལ་དགའ་བས། །གཙང་སྦྲ་འདི་དག་ཡང་དག་བརྩམ། །རང་སེམས་དྲི་མ་ཅན་གྱུར་ལ། །གནས་ནི་འདི་ཡིས་ཅི་ཞིག་དགོས། །གང་ཡང་ལོག་པའི་ཆོས་གནས་པ། །འདོད་པའི་དོན་ཀུན་འདོད་པ་ནི། །ཁྱི་ཡི་སྐྱེ་གནས་བརྒྱར་འགྲོ་སྟེ། །སྨེ་ཤ་ཅན་དུ་སྐྱེ་བར་འགྱུར། །དཔེར་ན་ཁ་ཅིག་མར་དོན་གཉེར། །དད་པས་ཆུ་ནི་བསྲུབ་གྱུར་ཀྱང་། །མར་སར་ཐོབ་པར་མི་འགྱུར་ཏེ། །ལུས་ཉོན་མོངས་པ་ཁོ་
ནར་ཟད། །འཛིན་དང་མཆོད་པ་མ་གཏོགས་པར། །གཞན་དུ་བཟང་མོ་དོན་མེད་འགྱུར། །འཚོ་བའི་ཐབས་ཀྱི་རྒྱུ་ཡི་ཕྱིར། །རྣལ་འབྱོར་གཞན་ལ་བརྟེན་པ་ཉིད། །དུང་དང་ཉ་ཕྱིས་མུ་ཏིག་རྣམས། །གསུམ་ཆར་རྒྱུ་ལས་བྱུང་བ་ཉིད། །ཆོས་ཀྱི་སྐུ་ཡི་ལུས་ཅན་གྱི། །ཐོད་པ་ལ་ནི་སུ་ཞིག་སྨོད། །མཆོད་ཕྱིར་ཐོགས་པ་དག་བྱེད་ཀྱང་། །དམ་པའི་ཆོས་ཀྱི་རིམ་པར་གསུངས། །གཙང་སྦྲ་ཧེ་རུ་ཀ་དཔལ་གནས། །དེ་ཕྱིར་ཀུན་དུ་རབ་འབད་པས། །ཕྱག་རྒྱ་ལྷན་ཅིག་སྒྲུབ་པས་མཆོད། །ཤིན་ཏུ་བཞིན་མཛེས་སྙིང་རྗེ་
ཅན། གཟུགས་དང་ལང་ཚོ་སྐལ་བཟང་མ། །གཟུགས་བཟང་སྒྲུབ་པ་པོ་ལ་དགའ། །རང་གི་ཕྱག་རྒྱ་གཡོན་དུ་གཞག །པིར་ལ་བྱིན་བརླབས་འདྲི་མཁན་ལ། །བྱིན་ཏེ་བྲིས་སྐུ་འཇིགས་པ་ནི། །དངོས་གྲུབ་ཐམས་ཅད་རབ་སྟེར་བ། །དེ་ནས་ཡང་དག་བྲི་བར་བྱ། །འཇིག་རྟེན་གཞན་ལ་མི་བསྟན་ཞིང་། །རི་མོ་མཁན་དང་སྒྲུབ་པོས་བལྟ། །གླེགས་བམ་ཁྱོད་ལ་བཤད་བྱ་ཡིས། །ལྷ་མོ་སྐལ་བ་ཆེན་མོ་ཉོན། །གྲོ་གའམ་ཏ་ལའི་འདབ་མ་ལ། །གླེགས་བམ་སོར་ནི་བཅུ་གཉིས་པ། །སྦྲང་ཚན་སྣག་ཚ་བྱས་ནས་ནི། །མི་ཡི་རུས་
པའི་སྨྱུ་གུ་ཡིས། །དམ་ཚིག་ཅན་གྱིས་བྲི་བར་བྱ། །གླེགས་བམ་དང་ནི་བྲིས་སྐུ་ཉིད། །གལ་ཏེ་སྐལ་བ་མེད་མཐོང་ན། །སྐྱེ་བ་འདིར་ནི་འགྲུབ་མི་འགྱུར། །འཇིག་རྟེན་ཕ་རོལ་སྤྱོད་ཡུལ་མིན། །དམ་ཚིག་སེམས་དཔའ་སྦྱིན་པར་བྱ། །རེས་འགའ་ཙམ་ཞིག་བསྟན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D381
- 德格版页
- 154a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0381 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。