完整藏文原文 · 德格版页 当前仅加载第 79 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
དུར་ཁྲོད་བདག་མོས་གསོལ་པ། ལྷ་མོ་རྣམས་ཀྱི་སྐུ་མདོག་ནི། །ཇི་ལྟར་ཤེས་ན་གྲོལ་བར་འགྱུར། །ཕག་མོ་ཞེས་བྱ་གང་ལ་བྱ། །ཡི་གེའི་དོན་ནི་གང་ལ་བསྐྱལ། །བསྐྱེད་རྫོགས་ངོ་བོ་གང་ལ་བྱ། །དཔའ་བོ་ཧེ་རུ་ཀས་
D379.079.0071a03.01བཀའ་སྩལ་པ། ཉོན་ཅིག་དུར་ཁྲོད་ཕག་མོ་ཁྱོད། །ཉེས་པའི་སྐྱོན་གྱིས་མ་གོས་པ། །དཀར་ཞིང་སྤྲོས་བྲལ་ཞི་བར་བྱེད། །མ་ཆགས་སྐྱོན་གྱིས་མ་གོས་པ། །དམར་ལ་གདང་བ་སྒྲ་སྒྲོགས་ཡུམ། །སྐྱོན་མེད་སེམས་ཉིད་རང་དབང་འདུས། །གཉེན་པོ་གཅིག་ཀྱང་མི་
D379.079.0071a04.01འགྱུར་བས། །ཁྲོས་མ་ནམ་མཁའི་ཁ་དོག་བཞིན། །མི་འགྱུར་རང་སེམས་དབྱིངས་སུ་གྲོལ། །ཆེ་བ་ཡེ་ཤེས་ལྔ་རྒྱས་པ། །སེར་མོ་སྐྱོན་མེད་དོན་གྲུབ་མ། །ངོ་བོ་རྒྱལ་ལ་གཡོ་དང་བྲལ། །སྣ་ཚོགས་སྐྱོན་གྱིས་མ་གོས་པས། །ཨིནྡྲ་ནཱི་ལའི་མཐར་བྱིན་མ། །སྣ་ཚོགས་
D379.079.0071a05.01ངོ་བོ་གཅིག་ཏུ་འདུས། །རྣམ་པ་གང་ཡང་འགྱུར་བ་མེད། །ཆོས་ཀྱི་དབྱིངས་ལས་འགྱུར་བ་མེད། །རྣམ་རྟོག་ཅིས་ཀྱང་མ་གོས་པས། །ཕག་ཅེས་བྱ་བ་རྟོག་མེད་ཡིན། །དབྱིངས་ཉིད་རྟོག་པ་སྤྲོས་བྲལ་བས། །མོ་ཞེས་བྱ་བ་དབྱིངས་སུ་ཐིམ། །དེ་ལ་ཕྱེ་ན་རྣམ་པ་
D379.079.0071a06.01གསུམ། །དམ་ཆོས་སྐྱེ་མེད་ཕག་མོ་ནི། །སྐྱེ་འགག་མེད་པས་ཆོས་སྐུ་ཡིན། །བརྗོད་པ་སྒྲ་ཡི་ཕག་མོ་ནི། །ཕག་ནི་ཀ་ལི་ཐབས་ཡིན་ལ། །མོ་ནི་ཨཱ་ལི་ལོངས་སྐུར་འདོད། །མཚོན་པ་དབྱིངས་ཀྱི་ཕག་མོ་ནི། །སྟོང་ཉིད་མཚོན་པའི་སྐུ་མདོག་ལ། །རྟོག་མེད་སྙིང་རྗེ་ཕག་
D379.079.0071a07.01