完整藏文原文 · 德格版页 当前仅加载第 79 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི། །དེ་ཡི་དབྱེ་བ་བཤད་དུ་གསོལ། །ཞེས་ཞུས་སོ། །དེ་ནས་སྟོན་པས་བཀའ་སྩལ་པ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །དེ་ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །
D378.079.0066a01.01ལམ་ལོག་མུ་སྟེགས་བྱེད་རྣམས་ལ། །དེ་ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །དམན་པ་ཉན་ཐོས་རང་རྒྱལ་ལ། །དེ་ཉིད་ཡོད་དེ་སྨིན་ལམ་མེད། །དེ་ཕྱིར་བསྐལ་པ་གྲངས་མེད་དུ། །དཀའ་ཐུབ་སྤྱོད་པ་ཉོན་རེ་མོངས། །མ་སྨིན་མདོ་
D378.079.0066a02.01སྡེར་ཞུགས་རྣམས་ལ། །དེ་ཉིད་ཡོད་དེ་སྨིན་ལམ་མེད། །དེས་ན་ཚེ་གཅིག་སངས་རྒྱས་དཀའ། །ཞེས་སོ། །དེ་ནས་དུར་ཁྲོད་བདག་མོ་དེས་ཡང་ཞུས་པ། སྨིན་ཞེས་བྱ་བ་གང་ལ་བགྱི། །ལམ་ཞེས་བྱ་བ་ཇི་ལྟར་ལགས། །དཔའ་བོ་ཆེན་པོས་བཤད་དུ་
D378.079.0066a03.01གསོལ། །ཉོན་ཅིག་དུར་ཁྲོད་བདག་མོ་ཁྱོད། །སྨིན་ཞེས་བྱ་བ་ནི་སང་དྷའི་སྒྲ་ལས་ཤེས་པར་བྱའོ། །ལམ་ཞེས་བྱ་བའི་སྒྲ་ནི་ཨ་ཐ་མི་ཐའི་སྒྲ་ལས་ཤེས་པར་བྱ། འཇིག་རྟེན་པའི་ལམ་དང་སྦྱར་རོ། །ལུས་དང་ངག་དང་སེམས་དང་གསུམ། །མ་སྨིན་སྨིན་པར་
D378.079.0066a04.01བྱེད་པའི་ཐབས། །དབང་བསྐུར་ཆོ་ག་ཇི་སྙེད་བསྟན། །དང་པོ་བསྙེན་པ་བྱ་བ་གཅེས། །གྲངས་དང་དུས་དང་མཚན་མ་ཡི། །བསྙེན་པ་རྣམ་གསུམ་རྫོགས་བྱས་ནས། །ས་ཆོག་སྟ་གོན་ཚུལ་བཞིན་བྱ། །དང་པོ་ས་གཞི་ཡོངས་སུ་གཟུང་། །གཉིས་པ་སྟ་གོན་
D378.079.0066a05.01གནས་པ་སྟེ། །ནུབ་གསུམ་པ་ལ་འཇུག་པར་བྱ། །རྒྱུད་རྣམས་གཞན་དུ་ཤེས་པར་བྱ། །དེ་ནས་དཀྱིལ་འཁོར་ཤར་གྱི་སྒོར། །བ་ཡི་རྣམ་ལྔའི་མཎྜལ་བྲི། །སྐལ་ལྡན་སློབ་མ་དེར་བཞག་ལ། །བུམ་པའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་
D378.079.0066a06.01ཡི་ལྷོའི་སྒོ་རུ། །བདུད་རྩི་ལྔ་ཡི་མཎྜལ་བྱ། །སྐལ་ལྡན་སློབ་མ་དེར་བཞག་ལ། །གསང་བའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་ནུབ་སྒོ་རུ། །དལ་གྱི་ཆོས་འབྱུང་ཨེ་དབྱིབས་བྲི། །སྐལ་ལྡན་སློབ་མ་དེར་བཞག་ལ། །ཤེས་རབ་ཡེ་ཤེས་
D378.079.0066a07.01