完整藏文原文 · 德格版页 当前仅加载第 79 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་ཕྱག་ནི་བཅུ་གཉིས་ཏེ། །སྤྱན་གསུམ་ཤིན་ཏུ་ཆགས་པའོ། །གདན་ལ་ཕྱེད་སྐྱིལ་གྱིས་བཞུགས་ཏེ། །ཤིན་ཏུ་མཛེས་པས་གར་བྱེད་པའོ། །ཕྱོགས་ཀྱི་གོས་ཅན་སྐྲ་གྲོལ་བ། །ཕྱེད་ནི་དབུས་མ་དབང་ཕྱུག་ཞལ། །དཀར་དང་དམར་དང་འདི་
D377.079.0055a01.01འདྲའི་གཟུགས། །ཐོད་པ་ཡི་ནི་དབུ་རྒྱན་མཛེས། །རྡོ་རྗེ་དྲིལ་བུ་ཕྱག་རྒྱ་བསྣམས། །པདྨ་བསྐོར་ཅིང་འཁོར་བར་ལྡན། །དཔྲལ་བར་ཕྱག་རྒྱ་འབར་བ་དང་། །མི་ཡི་པགས་པའི་བླ་གོས་དང་། །ཐོད་པ་ཁ་ཊྭཱཾ་ག་འཛིན་ཅིང་། །ཞགས་པ་ལྕགས་ཀྱུ་འཛིན་པ་གཞག། །ཅང་
D377.079.0055a02.01ཏེའུ་གྲི་གུག་མགོ་བོ་ཡང་། །ཞལ་བཞི་པ་ནི་ཚངས་པ་ཡི། །སྔོ་དང་སེར་དང་ལྗང་གུ་ཡི། །བཟང་པོའི་ཞལ་གྱིས་ཉེ་བར་མཛེས། །ཞལ་ནི་མཆེ་བ་གཙིགས་པ་སྟེ། །ཟླ་བ་ཕྱེད་པས་སྟེང་དུ་བརྒྱན། །སྣ་ཚོགས་རྡོ་རྗེ་དབུ་རྒྱན་མཚན། །དངོས་གྲུབ་ཐམས་ཅད་རབ་སྦྱིན་བྱེད། །
D377.079.0055a03.01ལྷ་མོ་ཕྱག་རྒྱ་དྲུག་གིས་བརྒྱན། །དུམ་བུ་བརྒྱད་པས་སྐ་རགས་ནི། །སྐ་རགས་སིལ་སིལ་སྒྲ་སྒྲོགས་པ། །རྐང་པའི་གདུབ་ཀྱིས་ཉེ་བར་མཛེས། །དཔུང་རྒྱན་མཛེས་པར་བྱེད་པ་དང་། །དཔྲལ་བར་རྡོ་རྗེ་ཕྲེང་བ་དང་། །ཕྱག་རྒྱ་རྡོ་རྗེས་མཚན་པས་སོ། །ཤིན་ཏུ་གཟུགས་
D377.079.0055a04.01བཟང་ཡིད་དུ་འོང་། །ཤར་གྱི་འདབ་མར་མཁའ་འགྲོ་མ། །སེང་གདོང་མ་སྟེ་འཇིགས་པར་བྱེད། །བྱང་གི་ཕྱོགས་སུ་ཕག་གདོང་མ། །ལྷ་མོ་ལ་མ་འཇིགས་བྱེད་མ། །ནུབ་ཏུ་ལྷ་མོ་གླང་པོའི་གདོང་། །དུམ་སྐྱེས་མ་སྟེ་དྲག་མོའོ། །ལྷོ་རུ་ལྷ་མོ་གཟུགས་ཅན་མ། །རྟ་ཡི་གདོང་
D377.079.0055a05.01པ་ལྷག་པའི་གཟུགས། །སྤྱན་གསུམ་སྣ་ཚོགས་གཟུགས་ཅན་མའོ། །ཐོད་པ་ཁ་ཊྭཱཾ་ག་འཛིན་ཅིང་། །མགོ་བོ་གྲི་གུག་འཛིན་པ་ཅན། །གཅེར་བུ་སྐྲ་ནི་གྲོལ་བ་སྟེ། །གར་བྱེད་པ་ཡིས་ཤིན་ཏུ་མཛེས། །{ཡི་དགས་,ཡི་དྭགས་}གདན་ལ་ཕྱེད་སྐྱིལ་གྱིས། །དྲག་ཅིང་གཏུམ་པ་འཇིགས་
D377.079.0055a06.01བའོ། །འཇིགས་བྱེད་དང་ནི་དུས་མཚན་མ། །ལྷ་མོའི་ཞབས་ཀྱི་འོག་ཏུ་མནན། །མེ་ལ་སོགས་པ་མཚམས་བཞི་རུ། །བྱང་ཆུབ་སེམས་ལ་སོགས་པའི་སྣོད། །བུམ་པའི་སྟེང་དུ་རྣམ་པར་དགོད། །དུང་དང་ཀུན་ད་ཟླ་འདྲ་བའི། །བྱང་ཤར་ལ་སོགས་ཕྱོགས་
D377.079.0055a07.01