完整藏文原文 · 德格版页 当前仅加载第 79 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
འཚོ་བ་ནི་འུག་གདོང་མའོ། །ཡང་དག་པའི་རྩོལ་བ་ནི་ཁྱི་གདོང་མའོ། །ཡང་དག་པའི་དྲན་པ་ནི་ཕག་གདོང་མའོ། །ཡང་དག་པའི་ཏིང་ངེ་འཛིན་ནི་བཅོམ་ལྡན་འདས་དཔལ་ཧེ་རུ་ཀའོ། །དགེ་བའི་ཆོས་མ་སྐྱེས་པ་རྣམས་བསྐྱེད་པ་ནི་གཤིན་རྗེ་བརྟན་མའོ། །
D375.079.0035b01.01དགེ་བའི་ཆོས་སྐྱེས་པ་རྣམས་ཡང་དག་པར་སྲུང་བ་ནི་གཤིན་རྗེ་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་སྤོང་བ་ནི་གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་སྐྱེད་པ་ནི་གཤིན་རྗེ་འཇོམས་མའོ། །རྣལ་འབྱོར་མའི་ཀུན་ཏུ་སྤྱོད་པ་ལས་བྱང་
D375.079.0035b02.01ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷ་རྣམས་ཀྱི་རྣམ་པར་དག་པ་བསྟན་པ་སྟེ་གསུམ་པའོ།། །།དེ་ནས་ཡང་དག་བཤང་བྱ་བ། །དཔའ་བོ་གཉིས་མེད་དམ་པ་སྟེ། །ཧེ་རུ་ཀ་དཔལ་སྐུའི་ཡན་ལག །ཡན་ལག་ཀུན་ནི་ཆ་ཤས་གནས། །སེན་མོ་དང་
D375.079.0035b03.01སོ་ལ་ནི་ཐོད་པ་ཕྱེད་པའོ། །སྐུ་དང་སྤུ་ལ་ནི་ཀེང་རུས་ཆེན་པོའོ། །པགས་པ་དང་དྲི་མ་ལ་ནི་ཀེང་རུས་སོ། །ཤ་ལ་ནི་མཆེ་བ་རྣམ་པར་གཙིགས་པའོ། །རྒྱུས་པ་ལ་ནི་ལྷ་དགྲའོ། །རུས་པ་ལ་ནི་འོད་དཔག་མེད་དོ། །མཁལ་མ་ལ་ནི་རྡོ་རྗེའི་འོད་དོ། །སྙིང་ལ་ནི་
D375.079.0035b04.01རྡོ་རྗེའི་སྐུའོ། །མིག་གཉིས་ལ་ནི་མྱུ་གུ་ཅན་ནོ། །མཁྲིས་པ་ལ་ནི་རྡོ་རྗེའི་རལ་པ་ཅན་ནོ། །གློ་བ་ལ་ནི་དཔའ་བོ་ཆེན་པོའོ། །རྒྱུ་མ་ལ་ནི་རྡོ་རྗེ་ཧ་མཛད་དོ། །གཉེ་མ་ལ་ནི་རབ་བཟང་ངོ་། །ལྟོ་བ་ལ་ནི་རྡོ་རྗེ་བཟང་པོའོ། །བཤང་བ་ལ་ནི་འཇིགས་བྱེད་ཆེན་པོའོ། །མཚོག་
D375.079.0035b05.01མའི་སྦུབས་ལ་ནི་མིག་མི་བཟང་ངོ་། །བད་ཀན་ལ་ནི་སྟོབས་པོ་ཆེའོ། །རྣག་ལ་ནི་རིན་ཆེན་རྡོ་རྗེའོ། །ཁྲག་ལ་ནི་རྟ་མགྲིན་ནོ། །རྡུལ་ལ་ནི་ནམ་མཁའི་སྙིང་པོའོ། །ཚིལ་ལ་ནི་དཔལ་ཧེ་རུ་ཀའོ། །མཆི་མ་ལ་ནི་པདྨ་གར་གྱི་དབང་ཕྱུག་གོ། །མཆིལ་མ་ལ་ནི་རྣམ་པར་སྣང་
D375.079.0035b06.01མཛད་དོ། །སྣབས་ལ་ནི་རྡོ་རྗེ་སེམས་དཔའོ། །རྣལ་འབྱོར་མའི་ཀུན་ཏུ་སྤྱོད་པ་ལས་དཔའ་བོའི་རྣམ་པར་དག་པ་བསྟན་པ་སྟེ་བཞི་པའོ།། །།དེ་ནས་གཞན་ཡང་བཤད་བྱ་བ། །དངོས་གྲུབ་ཐམས་ཅད་སྒྲུབ་བྱེད་པ། །གང་ཞིག་ཤེས་པ་ཙམ་གྱིས་ནི། །སྒྲུབ་པོས་དངོས་གྲུབ་
D375.079.0035b07.01