完整藏文原文 · 德格版页 当前仅加载第 78 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་ཁམས་ནི་ཐམས་ཅད་གཡོས། །དེ་བཞིན་གཤེགས་པ་ཀུན་ཀྱང་སྐྲག །སླར་ཡང་དེ་བཞིན་གཤེགས་པ་ཀུན། །མངོན་པར་བྱང་ཆུབ་རྫོགས་སངས་རྒྱས། །རི་བོ་ཀུན་ཡང་གཡོ་ཞིང་འགས། །གདུག་པ་ཀུན་འདུལ་དུལ་ཞིང་ཞི། །དཀྱིལ་འཁོར་དུ་
D371.078.0130a01.01ནི་བཀུག་ནས་བཅུག །དམ་ཚིག་གིས་བཅིངས་དབང་དུ་འདུས། །མ་མོའི་ཚོགས་དང་འབྱུང་པོའི་ཚོགས། །གཟའ་དང་རིམས་ནད་ཐམས་ཅད་དང་། །གནོད་སྦྱིན་སྲིན་པོ་ལོག་འདྲེན་དང་། །སྡིག་པ་ཅན་དང་དམྱལ་བ་ཀུན། །བཀས་ཤིང་བསྒྱེལ་ཏེ་རྣམ་པར་བཤིག །བཅོམ་
D371.078.0130a02.01ལྡན་འདས་རྡོ་རྗེ་འཛིན་པ་རྡོ་རྗེ་སེམས་དཔའ་དེ་བཞིན་གཤེགས་པ་མཁའ་འགྲོ་མ་ཐམས་ཅད་མཉམ་པར་སྦྱོར་བའི་རྡོ་རྗེ་མཁའ་འགྲོ་བདེ་བའི་མཆོག་གིས་དེ་སྐད་ཅེས་བཀའ་སྩལ་ཏོ། །གྲུ་བཞི་པ་ལ་སྒོ་བཞི་པ། །སྒོ་སྐྱོང་རྣམས་དང་ཡང་དག་ལྡན། །དེ་ཡི་དབུས་སུ་རྡོ་རྗེ་བྲི། །
D371.078.0130a03.01ཁ་དོག་དམར་པོ་འོད་ཆེན་པོ། །ཕྱི་རོལ་རི་མོ་ཟླུམ་པོས་བསྐོར། །དེ་ཡི་དབུས་སུ་བཅོམ་ལྡན་འདས། །ཁྲོ་བོ་ཆེན་པོ་ཞལ་བཞེས་མཛེས། །ཅུང་ཟད་མཆེ་གཙིགས་འཇིགས་བག་ཅན། །ཅུང་ཟད་འཛུམ་ཞིང་བཞད་པའི་ཞལ། །གཡས་པ་དཀར་པོ་ཞི་བ་སྟེ། །གཡོན་པ་
D371.078.0130a04.01དམར་པོ་འཇིགས་པ་ཆེ། །ནུབ་ཀྱི་ཞལ་ནི་མདངས་སེར་པོ། །ལྷ་མོ་བཞི་དང་མཉམ་ལྡན་ཞིང་། །ཕྱག་བཞི་ཡིས་ནི་རྣམ་པར་མཛེས། །འཇིགས་པའི་བདུད་བཞི་མནན་པ་པོ། །སངས་རྒྱས་གཟུགས་ཀྱིས་ཉེ་བར་མཛེས། །དཔའ་བོ་གཡས་ན་ཁ་ཊྭཱཾ་ག །ཐོད་པ་ཡང་ནི་གཡོན་
D371.078.0130a05.01ནའོ། །གཡས་ན་རྡོ་རྗེ་འབར་བ་བྲི། །ཐོད་པ་ཡི་ནི་ཁྱད་པར་རོ། །དཔའ་བོ་གཞུ་དང་མདའ་འཛིན་ཅིང་། །ཤེས་རབ་དགའ་མས་རབ་ཏུ་མཛེས། །འབར་བ་དམར་པོའི་དཀྱིལ་འཁོར་གསལ། །སེམས་དཔའ་འབར་བ་འཁྱིལ་པར་ལྡན། །འཇིགས་པ་ཆེན་པོའི་དུས་དང་
D371.078.0130a06.01ནི། །དུར་ཁྲོད་ཀྱི་ནི་མེ་བཞིན་འབར། །དབུ་སྐྲ་འབར་བ་ཆེན་པོ་གསལ། །དབུ་རྒྱན་ཐོད་པས་རྣམ་པར་ཕྱེ། །རོལ་པ་ཐམས་ཅད་འཚོགས་པ་ན། །ཧེ་རུ་ཀ་ནི་གར་ལ་སྤྱོད། །མ་མོའི་འཁོར་ལོའི་གནས་མཆོག་ཏུ། །ས་རྣམས་ཀྱི་ནི་དབང་ཕྱུག་ཉིད། །ཀུན་ནས་ཀུན་ཏུ་ཐམས་
D371.078.0130a07.01