完整藏文原文 · 德格版页 当前仅加载第 77 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དབུས་ལས་དབུ་མ་ཡང་། །ཨི་ཡིག་མེ་མཚམས་དང་ལྡན་པའི། །ལྷོ་ལས་དབུ་མ་པ་འགྱུར་རོ། །ཞེས་བཅོམ་ལྡན་འདས་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །དང་པོ་སངས་རྒྱས་དབྱངས་མ་དང་། །དབང་ལྡན་ཕྱི་རོལ་ཅན་ཉིད་ལ། །སྒྲ་ཡིག་ཨུ་དང་སྦྱོར་བར་བྱ། །
D367.077.0203a01.01བདེན་བྲལ་འདབ་མར་གནས་པ་ཡང་། །སྒྲ་ཡིག་ཨ་ནི་སྦྱོར་བར་བྱ། །ཤར་ལས་གསུམ་པ་གང་ཡིན་པ། །ཨེ་ཡིག་མེ་མཚམས་པ་དང་ལྡན། །དབུས་ལས་བཞི་པ་གང་ཡིན་པ། །ཐིག་ལེ་ཨི་ཡིག་ལྡན་པར་བྱ། །བྱང་ལས་དབུ་མ་ཕུལ་ནས་སུ། །དེ་ནས་དབུས་ནས་ཐ་མ་སྟེ། །ནུབ་
D367.077.0203a02.01ཀྱི་དང་པོ་རྟག་ཏུ་ནི། །ཨ་ཡིག་མེད་པར་བརྗོད་པར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་དབུ་མ་དེ་བཞིན་དུ། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མ་
D367.077.0203a03.01འགྱུར་བར་བྱ། །ཤར་ལས་དང་པོ་གང་ཡིན་པ། །སྒྲ་ཡིག་ཨེ་ཡིས་བརྒྱན་པ་སྟེ། །དབང་ལྡན་ཕྱི་རོལ་གང་ཡིན་པ། །སྒྲ་ཡིག་ཨེ་ནི་སྦྱོར་བར་བྱ། །ལྷོ་ལས་དང་པོ་གང་ཡིན་པ། །གཉིས་པ་རུ་ནི་སྦྱོར་བྱས་ལ། །ཐིག་ལེ་ཨེ་ཡིག་ལྡན་པར་བྱ། །དེ་ཡང་དྲུག་པར་འགྱུར་བ་སྟེ། །བྱང་
D367.077.0203a04.01ལས་དབུ་མ་དེ་བཞིན་དུ། །དབུ་མའི་ཐ་མ་ཡང་ཡིན་ཏེ། །ནུབ་ལས་དང་པོ་རྟག་ཏུ་ནི། །ཨ་ཡིག་མེད་པར་འགྱུར་བའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨེ་ཡིག་ལྡན་པར་བྱ། །དབུས་ལས་དབུ་མ་བཟུང་
D367.077.0203a05.01བ་དང་། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མ་འགྱུར་བྱས་ཏེ། །ཡི་གེ་ཨ་དང་ལྡན་པར་བྱ། །དབུས་ལས་ཐ་མ་བཟུང་ནས་སུ། །བདེན་བྲལ་འདབ་མར་གནས་པ་ཡང་། །དབུས་ལས་དང་པོ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །དབང་ལྡན་ཕྱི་རོལ་པ་ཉིད་ལ། །སྒྲ་ཡིག་ཨེ་
D367.077.0203a06.01དང་སྦྱོར་བར་བྱ། །དབུས་ལས་ཐ་མ་བཟུང་ནས་སུ། །ནུབ་ལས་དང་པོ་ཡང་བཟུང་སྟེ། །ཨ་ཡིག་མེད་པར་བྱས་པ་ནི། །མཁའ་འགྲོ་མ་ཡི་གྲགས་པའོ། །གཽ་རཱི་ཙཽ་རཱི་པྲ་མོ་ཧ། །བཻ་ཏཱ་ལཱི་ཞེས་བྱ་བ་བཞི། །རྡོ་རྗེ་རྣལ་འབྱོར་མ་དག་ཡིན། །པུཀྐ་སཱི་དང་ཙཎྜ་ལཱི། །གྷསྨ་ཁྲག་འཐུང་འདྲ་བ་བཞི། །
D367.077.0203a07.01