完整藏文原文 · 德格版页 当前仅加载第 77 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུ་རྩ་གཅིག་རྣམས་སུ་དགེ་དང་མི་དགེའི་དབང་གིས་གཅིག་པུ་ཁོ་ནར་འགྲོ། །གཅིག་མིན་རྣམ་པ་ལྔ་བོ་ཡུལ་དང་བྲལ་བ་ནང་གི་བདག་དང་མཆོག་གི་བདག་ཉིད་ནི། །ནམ་མཁའ་ལས་འདས་མི་གསལ་མིན་ཞིང་མི་གསལ་འབྲས་བུ་མེད་མིན་ནུས་པ་དམན་པ་
D363.077.0136a01.01མིན། །སེམས་ལས་འདོད་པས་རང་བཞིན་སྐྱེས་བུ་འབྱུང་བ་མིན་ཞིང་སྲོག་རླུང་མེད་ན་སེམས་མེད་ལ། །སྲོག་ཆགས་སེམས་དང་ལྷན་ཅིག་བདེ་འགྲོ་ངན་འགྲོ་དག་ཏུ་ལས་ཀྱི་འབྲེལ་པས་འཇུག །ཕན་ཚུན་ལྟོས་ཕྱིར་རིག་པ་དང་ནི་བེམས་པོ་དག་དང་རྒྱུ་དང་འབྲས་བུ་ཉིད་དག་
D363.077.0136a02.01དང་། །ཕན་ཚུན་ལྟོས་ཕྱིར་གང་ཚེ་འབྱུང་བའི་ཚོགས་རྣམས་ཡོངས་སུ་གྱུར་པར་རབ་ཏུ་འབྱུང་བ་ནས། །ཐེར་ཟུག་པ་ཡང་འགྱུར་བ་ཉིད་པས་དེ་ཚེ་འབྱུང་བའི་ཚོགས་རྣམས་འགྱུར་བར་ངེས་པ་ཡིན། །ཐམས་ཅད་འགྱུར་མེད་རྟག་པའི་རང་བཞིན་འགྱུར་ཡང་གང་ཞིག་རྟག་
D363.077.0136a03.01པ་ཉིད་ནི་འགྱུར་བ་མེད། །ཐེར་ཟུག་པ་དང་ཐེར་ཟུག་དམན་པའི་སྐྱེས་བུ་ཁྱབ་བདག་གིས་ནི་སྲིད་སྒྲུབ་ལ་བཤད་དེ། །ཕན་ཚུན་ལྟོས་ཕྱིར་རིགས་པ་དང་ནི་རིགས་དག་ཀྱང་ནི་རྒྱུ་དང་འབྲས་བུ་ཉིད་དུ་འགྱུར། །ཕན་ཚུན་ལྟོས་ཕྱིར་བྱས་པ་མིན་དང་བྱས་པ་དག་ཀྱང་རྒྱུ་དང་འབྲས་
D363.077.0136a04.01བུ་ཉིད་དུ་འགྱུར། །ཕན་ཚུན་ལྟོས་ཕྱིར་བྱས་པ་དག་དང་བྱས་པ་ཡང་ནི་རྒྱུ་དང་འབྲས་བུ་ཉིད་དུ་འགྱུར། །ཐམས་ཅད་རྣམ་པར་རིག་པ་ཙམ་སྟེ་ས་དང་ཆུ་དང་མེ་དང་རླུང་དང་ནམ་མཁའི་ཁམས། །གཟུགས་དང་རེག་བྱ་དྲི་དང་སྒྲ་དང་བཅས་པའི་བདེ་བ་རྡུལ་ཕྲན་ཕུང་པོར་གྱུར་པ་
D363.077.0136a05.01མིན། །རྣམ་པར་ཤེས་ལས་འབྲས་བུའི་དངོས་པོ་རང་འབྱུང་བ་ལས་མིན་ཞིང་མེད་དང་འདྲེན་མས་མིན། །ས་བོན་ལས་ནི་མྱུ་གུ་ལ་སོགས་བཞིན་དུ་འགྱུར་གྱི་རང་ལས་མིན་ཞིང་རྒྱུ་མེད་མིན། །རྐང་དང་རུས་པ་ཆུ་བ་ཤ་དང་ཁུ་ཁྲག་ཚིལ་བུ་པགས་པ་རྡུལ་ཕྲན་ཕུང་པོ་མིན། །
D363.077.0136a06.01རྣམ་པར་རིག་པ་ཙམ་ཞིག་སྤངས་ནས་སླར་ཡང་སྲིད་པ་གཞན་དུ་རྣམ་རིག་ཙམ་ཞིག་འགྲོ། །དེར་ནི་ལུས་ལེན་སླར་ཡང་སྲིད་པ་གཞན་དུ་དེ་ཡང་རྣམ་རིག་ཙམ་པོ་དེ་ཉིད་དེ། །འདོད་ཆགས་གཉིད་ལོག་གྱུར་ན་རང་གཞན་བྲལ་བ་རྣམ་རིག་ཙམ་པོ་རྣམ་པར་ཉམས། །གལ་
D363.077.0136a07.01