完整藏文原文 · 德格版页 当前仅加载第 76 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་མཆོད་གནས་སུ་བྱེད་པ་དེ་སྲིད་དུ་ཡུལ་འདི་བརླག་པར་མི་འགྱུར་རོ། །ཡུལ་འདི་ནས་སྐྱེས་པའི་མིའམ། ཡུལ་གཞན་ནས་སྐྱེས་པའི་མི་ལ་ལ་ཞིག་དེ་བཞིན་གཤེགས་པའི་གཟུགས་བརྙན་དེ་དག་ལ་སྙིང་ཐག་པ་ནས་དད་པ་དང་གུས་པ་དང་རབ་ཏུ་དང་བར་བྱེད་ཅིང་། འདི་
D357.076.0227b01.01སྙམ་དུ་བདེ་བར་གཤེགས་པའི་གཟུགས་བརྙན་འདི་དག་ནི་ཡུལ་འདི་བསྲུང་བའི་སླད་དུ་གཤེགས་སོ་སྙམ་དུ་ཡང་སེམས་ན། གཟུགས་བརྙན་དེ་དག་ཀྱང་སངས་རྒྱས་བཞུགས་པ་བཞིན་དུ་དོན་མཛད་པར་འགྱུར་རོ། །དེ་ཅིའི་ཕྱིར་ཞེ་ན། གཟུགས་བརྙན་དེ་དག་ང་དང་དུས་
D357.076.0227b02.01གསུམ་དུ་གཏོགས་པའི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པའི་ཕྱིར་རོ། །གཞན་ཡང་ཡུལ་འདིར་ངའི་གཟུགས་བརྙན་ཆེན་པོ་ཤིང་རྟས་འདྲེན་པ་བྱས་ཏེ། མཁར་དགེ་བ་ཅན་ཞེས་བྱ་བའི་ནང་དུ་བཞག་ནས་མཆོད་གནས་ཆེན་པོར་བྱེད་པར་འགྱུར་རོ། །དེས་ན་
D357.076.0227b03.01ཡུལ་འདིར་ཕྱོགས་དང་ཕྱོགས་མཚམས་ནས་ཚོང་དཔོན་ཆེན་པོ་རྣམས་འོང་བར་འགྱུར་ཞིང་གནོད་པ་རྣམས་ཀྱང་ཞི་བར་འགྱུར་རོ། །གཞན་ཡང་ཡུལ་འདིར་དེ་བཞིན་གཤེགས་པའི་གཟུགས་བརྙན་ཉིས་བརྒྱ་རྩ་བརྒྱད་འོད་སྲུང་གི་མཆོད་རྟེན་དང་བཅས་པར་འབྱུང་བར་འགྱུར་ཏེ། དེ་དག་
D357.076.0227b04.01ཐམས་ཅད་ཀྱང་ཆོ་འཕྲུལ་ཆེན་པོ་སྟོན་ཅིང་སེམས་ཅན་རྣམས་ཀྱི་སྡིག་པ་ཆེན་པོ་ཡོངས་སུ་སྦྱོང་བ་དང་། གནོད་པ་སེལ་བར་མཛད་པར་འགྱུར་རོ། །ཡུལ་འདིར་གནོད་པ་དང་། འཇིགས་པ་དང་། སྐྲག་པ་འགའ་ཞིག་བྱུང་ན་ཡུལ་འདིའི་ཆེད་དུ་ཕྱོགས་ལྔར་སྦྱོར་བ་བྱས་ཏེ། རྒྱལ་པོ་དང་
D357.076.0227b05.01བློན་པོ་རྣམས་ཡུལ་འཛིན་པ་གང་ཞིག་འཇིགས་པ་དང་བྲལ་བར་བྱ་བའི་ཕྱིར་བདེ་བར་གཤེགས་པའི་བསྟན་པ་ལས་བསོད་ནམས་བསྐྱེད་པར་འདོད་ན་གཙུག་ལག་ཁང་ཚར་མ་ཞེས་བྱ་བར་བསོད་ནམས་བྱའོ། །དེ་ཅིའི་ཕྱིར་ཞེ་ན། ཡུལ་འདིའི་མི་རྣམས་ཀྱི་དད་པ་དང་། ཡང་དག་པའི་
D357.076.0227b06.01ལྟ་བ་ནི་དང་པོའི་གཙུག་ལག་ཁང་དེ་ནས་སྐྱེ་བར་འགྱུར་རོ། །ནམ་ཞིག་ལིའི་རྒྱལ་པོ་དང་། བློན་པོ་དང་། ཡུལ་འཛིན་པ་རྣམས་ལ་གནོད་པ་རྣམ་པ་སྣ་ཚོགས་ཤིག་བྱུང་ན། རི་གླང་རུ་ལ་སྔོན་ཡང་དག་པར་རྫོགས་པའི་སངས་རྒྱས་གང་ན་བཞུགས་བཞུགས་པའི་གཞི་དེ་ལ་བསྐོར་
D357.076.0227b07.01