dge ba dang mi dge ba'i las kyi rnam par smin pa bstan pa'i mdo/
当前为德格木刻版 211a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 211a
- 可引用原文
- 7 行
- 全文规模
- 全经 102 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 76 函 · 德格 211a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཐོགས་པ་དང་རྟ་ཞོན་པ་ལ་དགའ་བ་ནི་ཚེ་ཕྱི་མ་ལ་འཕར་བ་དང་སྤྱང་ཀིར་སྐྱེའོ། །སྐྲ་ཐུང་བ་དང་མགོ་རྒྱན་བཏགས་པ་ལ་དགའ་བ་ནི་ཚེ་ཕྱི་མ་ལ་སྲིན་བུ་མཆུ་{རིངས་སུ་,རིང་དུ་}སྐྱེའོ། །ཉལ་ཞིང་ཟ་བ་ལ་དགའ་བ་ནི་ཚེ་ཕྱི་མ་ལ་ཕག་ཏུ་སྐྱེའོ། །དར་ཚོན་གྱི་གོས་ལ་དགའ་བ་ནི་བྱེའུ་ཁྲེའུར་སྐྱེའོ། །མི་སྙན་པ་ཟློས་ཤིང་ཀུ་རེ་ལ་དགའ་བ་ནི་བྱ་ནེ་ཙོ་རུ་སྐྱེའོ། །ཕྲ་མ་བྱེད་པ་ལ་དགའ་བ་ནི་ཚེ་ཕྱི་མ་ལ་ལྟོ་འཕྱེ་མགོ་དྲུག་པར་སྐྱེའོ། །མ་འོས་པར་ཀུ་རེ་བྱེད་པ་ལ་དགའ་བ་ནི་ཚེ་ཕྱི་མ་ལ་སྲིན་བུ་རྨོངས་པར་སྐྱེའོ། །གཏམ་ངན་སྐྱེལ་བ་ལ་དགའ་བ་ནི་ཚེ་ཕྱི་མ་ལ་
སྲིན་བྱར་སྐྱེའོ། །མི་ལ་གནོད་པ་དང་ངན་དུ་དགའ་ཞིང་གཏམ་ལ་སྲེད་པ་ནི་ཚེ་ཕྱི་མ་ལ་ཝར་སྐྱེའོ། །མི་དངངས་པ་ལ་དགའ་བ་ནི་ཚེ་ཕྱི་མ་ལ་སྲིན་བུ་དོ་ལོག་ཏུ་སྐྱེའོ། །ཚེ་སྔ་མ་ལ་ཤིང་ལྷམ་གྱོན་ཞིང་ལྷ་ཁང་དུ་འགྲོ་བ་ནི་ཚེ་ཕྱི་མ་ལ་རྟར་སྐྱེའོ། །ཚེ་སྔ་མ་ལ་འཕྱེན་བག་མེད་པར་བཏང་བས་ནི་ཚེ་འདི་ལ་སྦུར་བར་སྐྱེའོ། །ཚེ་སྔ་མ་ལ་དགེ་འདུན་གྱི་རང་འཐག་དང་གཏུན་ལ་སྤྱད་པ་ནི་ཚེ་འདི་ལ་སྲིན་བུ་མགོ་རྡེབས་སུ་སྐྱེའོ། །སེམས་ཅན་གྱི་ཟས་ལ་གེགས་བྱས་པས་ནི་བྱ་ཤིང་རྟ་མོར་སྐྱེའོ། །ཚེ་སྔ་མ་ལ་དགེ་འདུན་གྱི་ཆུ་བརྐུས་པས་ནི་ཉ་དང་རུས་སྦལ་ལ་སོགས་པ་
ཆུའི་ནང་ན་གནས་པའི་སེམས་ཅན་དུ་སྐྱེའོ། །ཚེ་སྔ་མ་ལ་དགེ་འདུན་སྨེ་བར་བྱས་པས་ནི་གཙང་སྦྲའི་སྲིན་བུར་སྐྱེའོ། །དགེ་འདུན་གྱི་ཤིང་ཏོག་བརྐུས་པས་ནི་མཆིས་པ་ཟ་བའི་སྲིན་བུར་སྐྱེའོ། །དགེ་འདུན་གྱི་ནོར་བརྐུས་པས་ནི་རང་འཐག་སྐོར་བའི་བོང་བུ་དང་གླང་དུ་སྐྱེའོ། །དགེ་འདུན་གྱི་ནོར་ནན་གྱིས་བསྐྱི་བརྙ་བྱས་པས་ནི་བྱ་ཕུག་རོན་དུ་སྐྱེའོ། །དགེ་འདུན་ལ་སྤྱོ་བ་བྱས་པས་ནི་གླང་གི་གཉའ་བའི་སྲིན་བུར་སྐྱེའོ། །དགེ་འདུན་གྱི་ལྡུམ་སྐྱུར་ཟོས་པས་ནི་ལྡུམ་བུར་རྩ་བ་གང་གི་སྲིན་བུར་སྐྱེའོ། །དགེ་འདུན་གྱི་ཁྲི་སྟན་ལ་འདུག་པས་ནི་སྲིན་བུ་མགོ་དམར་དུ་སྐྱེའོ། །
དགེ་འདུན་གྱི་ནོར་སྣ་ཚོགས་ལ་སྤྱད་པས་ནི་སྲིན་བུ་འཕྱེ་བོར་སྐྱེའོ། །མགོ་ལ་རུས་པའི་ཐུར་མ་བཏུར་ནས་ལྷ་ཁང་དུ་འགྲོ་ན་བྱ་མཆུ་{རིངས་སུ་,རིང་དུ་}སྐྱེའོ། །དཀར་རྩི་དང་དམར་རྩིས་བྱུགས་ཏེ་ལྷ་ཁང་དུ་འགྲོ་ན་བྱ་སྐྱུང་ཀར་སྐྱེའོ། །དར་ཚོན་གྱི་གོས་གྱོན་ཏེ་ལྷ་ཁང་དུ་འགྲོ་ན་བྱེའུ་སེ་རུར་སྐྱེའོ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D355
- 德格版页
- 211a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0355 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。