lha'i mdo nyung ngu/
当前为德格木刻版 259a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 259a
- 可引用原文
- 7 行
- 全文规模
- 全经 11 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 72 函 · 德格 259a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་ལྷ་ཞིག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ལྷ་དེས་བཅོམ་ལྡན་འདས་ལ་ཞུ་བ་ཞུས་པ། ཚུལ་ཁྲིམས་གང་ལགས་སྤྱོད་པ་གང་། །ཡོན་ཏན་གང་ལགས་ལས་གང་གིས། །གནས་པ་ཇི་ལྟར་ཤེས་རབ་གང་། །སྐྱེ་བོ་གང་དག་མཐོ་རིས་མཆི། །ལྷ་ལ་ཐུགས་བརྩེ་ཉེར་བཟུང་ནས། །སྟོན་པས་དེ་ལ་ལུང་བསྟན་
པ། །སྐྱེ་བོ་མཐོ་རིས་གང་འགྲོ་བ། །ལྷ་ཁྱོད་ང་ལ་རབ་ཏུ་ཉོན། །སྲོག་གཅོད་པ་ལས་ཕྱིར་ལྡོག་ཅིང་། །ཁྲིམས་བཟུང་ཡང་དག་སྡོམ་ལ་དགའ། །གང་དག་འབྱུང་པོ་མི་འཚེ་བ། །སྐྱེ་བོ་དེ་དག་མཐོ་རིས་འགྲོ། །གང་དག་མ་བྱིན་ལེན་སྤོང་ཞིང་། །སྦྱིན་པ་གཏོང་ལ་རྟག་དགའ་སྟེ། །རྐུ་བ་སྤོང་ཞིང་མི་རྐུ་བ། །སྐྱེ་བོ་དེ་དག་མཐོ་རིས་འགྲོ། །གཞན་གྱི་ཆུང་མའི་ཐད་མི་འགྲོ། །ལོག་པར་གཡེམ་པ་རྣམ་པར་སྤོང་། །བདག་གི་ཆུང་མས་ཆོག་སེམས་པ། །སྐྱེ་བོ་དེ་དག་མཐོ་རིས་འགྲོ། །གཞན་གྱི་དོན་ལ་རྐུ་བྱེད་དང་། །བདག་གི་
ཕྱིར་དང་འཇིགས་པའི་ཕྱིར། །{བརྫུན་,རྫུན་}གྱི་ཚིག་རྣམས་མི་སྨྲ་བ། །སྐྱེ་བོ་དེ་དག་མཐོ་རིས་འགྲོ། །གྲོགས་པོ་རྟག་པར་འབྱེད་བྱེད་པ། །ཕྲ་མའི་ཚིག་རྣམས་རབ་སྤོང་ཞིང་། །གང་དག་འདུན་པར་རབ་དགའ་བ། །སྐྱེ་བོ་དེ་དག་མཐོ་རིས་འགྲོ། །རྒྱགས་ལ་རྟེན་ཅིང་ཞེ་གཅོད་པ། །ཚིག་རྩུབ་དག་ནི་རྣམ་སྦྱོང་ཞིང་། །འཇམ་པོའི་ཚིག་ཏུ་གང་སྨྲ་བ། །སྐྱེ་བོ་དེ་དག་མཐོ་རིས་འགྲོ། །དོན་མེད་གནས་དང་ལྡན་པ་ཡི། །ཀྱལ་པའི་ཚིག་རྣམས་རབ་སྤོང་ཞིང་། །གང་ཡང་དུས་སུ་ཆོས་སྨྲ་བ། །སྐྱེ་བོ་དེ་དག་མཐོ་རིས་འགྲོ། །གྲོང་ངམ་
འོན་ཏེ་དགོན་པ་ན། །གཞན་གྱིས་བདག་གིར་བྱས་པ་ལ། །དེ་ལ་ཆགས་སེམས་གང་མེད་པ། །སྐྱེ་བོ་དེ་དག་མཐོ་རིས་འགྲོ། །བྱམས་པའི་སེམས་ཀྱིས་མི་འཚེ་ཞིང་། །གནོད་པར་སེམས་པ་མེད་པ་ཡིས། །སྐྱེ་བོ་ཀུན་ལ་མི་གནོད་པ། །སྐྱེ་བོ་དེ་དག་མཐོ་རིས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D330
- 德格版页
- 259a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0330 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。