完整藏文原文 · 德格版页 当前仅加载第 72 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་ལས་རབ་ཏུ་འདའ་བྱའི་ཕྱིར། །མཁས་པས་དེ་ལ་བསླབ་པར་གྱིས། །ཉེས་པར་སྤྱད་པ་བྱས་པས་གདུང་འགྱུར་ཞིང་། །ངན་འགྲོར་སོང་བའི་འོག་ཏུའང་གདུང་བར་འགྱུར། །ལེགས་པར་སྤྱད་པ་བྱས་པས་དགའ་འགྱུར་ཞིང་། །བདེ་འགྲོར་སོང་བའི་
D326.072.0240a01.01འོག་ཏུའང་དགའ་བར་འགྱུར། །ཕྱི་ནས་གདུང་འགྱུར་དེ་བྱེད་པས། །གཉིས་ན་ཉེས་སྤྱད་མ་བྱས་བླ། །གདུང་བར་མི་འགྱུར་དེ་བྱ་སྟེ། །ལེགས་པར་སྤྱད་པ་བྱས་ན་རུང་། །མཁས་དང་བྱིས་པ་འདྲེས་པ་ལས། །མ་སྨྲས་ཤེས་པར་མི་འགྱུར་བས། །ཞི་བའི་གོ་འཕང་
D326.072.0240a02.01སྨྲོས་ཤིག་དང་། །སྨྲས་པ་ཡིས་ནི་ཤེས་པར་འགྱུར། །ལེགས་བཤད་དྲང་སྲོང་རྒྱལ་མཚན་ཏེ། །དྲང་སྲོང་རྒྱལ་མཚན་ཆོས་ཡིན་པས། །ཆོས་ནི་བཤད་པས་གསལ་བྱ་ཞིང་། །དྲང་སྲོང་རྒྱལ་མཚན་བསྒྲེང་བར་གྱིས། །མ་སྨྲས་ན་ཡང་སྨོད་བྱེད་ཅིང་། །མང་དུ་
D326.072.0240a03.01སྨྲས་ན་སྨོད་པར་བྱེད། །དལ་བུས་སྨྲས་ཀྱང་སྨོད་བྱེད་དེ། །འཇིག་རྟེན་ན་ནི་མི་སྨད་མེད། །གཅིག་ཏུ་སྨད་པར་བྱ་བ་དང་། །གཅིག་ཏུ་བསྟོད་པར་བྱ་བའི་མི། །ད་ལྟར་ཡོད་པ་མ་ཡིན་ཏེ། །བྱུང་བར་མ་གྱུར་འབྱུང་མི་འགྱུར། །གང་དག་ལ་ནི་གནས་པའི་སྤྲོས་མེད་
D326.072.0240a04.01ཅིང་། །གང་དག་ཀུན་སྦྱོར་གདུང་ལས་རབ་ལོག་པ། །ཐུབ་པ་སྲེད་བྲལ་དེ་དག་རྒྱུ་མཛད་ཀྱང་། །ལྷར་བཅས་འཇིག་རྟེན་རྣམས་ཀྱིས་མི་ཤེས་སོ། །གང་གིས་དད་དང་ཚུལ་ཁྲིམས་དང་། །བློ་ལ་ཕན་ནི་མ་བྱུང་བར། །ཇི་ལྟ་ཇི་ལྟར་རྟོགས་གྱུར་པའི། །ཤེས་པ་ཅན་
D326.072.0240a05.01དག་སྟོད་བྱེད་དེ། །དེ་དག་སུས་ཀྱང་སྨད་འོས་མིན། །འཛམ་བུའི་གླིང་གི་གསེར་རྒྱན་བཞིན། །ཇི་ལྟར་རི་དང་བྲག་དག་ནི། །རླུང་གིས་གཡོས་པར་མི་འགྱུར་ལྟར། །དེ་བཞིན་བསྟོད་དང་སྨད་པ་ཡིས། །མཁས་པ་རབ་ཏུ་གཡོ་བ་མེད། །ས་ལ་གང་གི་རྩྭ་མེད་པ། །
D326.072.0240a06.01ལོ་མེད་ལྕུག་ཕྲན་ག་ལ་ཡོད། །འཆིང་བ་ལས་གྲོལ་བརྟན་པ་དེའི། །ཇི་ག་སུས་ཀྱང་སྨད་འོས་མིན། །གང་ཞིག་རྒྱལ་ལས་མི་ཉམས་ཤིང་། །འཇིག་རྟེན་མ་རྒྱལ་{ཆུང་ཟད་,ཅུང་ཟད་}མེད། །སངས་རྒྱས་སྤྱོད་ཡུལ་མཐའ་ཡས་དེ། །འགྲོ་མེད་གོམ་པ་གང་གིས་བཀྲི། །གང་ཞིག་
D326.072.0240a07.01