完整藏文原文 · 德格版页 当前仅加载第 72 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྟོབས་བཅུའི་སྟོབས་དང་ལྡན་པ། མི་འཇིགས་པ་བཞིས་བསྙེངས་པ་མི་མངའ་བ། ཁྱུ་མཆོག་གི་གནས་སུ་ཞལ་གྱིས་འཆེ་བ། སྐུ་ལ་སྲེད་མེད་ཀྱི་སྟོབས་བརྟན་པ་འདུས་པ། སེང་གེའི་
D310.072.0157a01.01སྒྲ་ཡང་དག་པར་སྒྲོགས་པ་དེ་རྣམས་ཀྱང་ཡིད་དུ་འོང་བའི་སྐུ་སྤོང་བར་མཛད་པའི་ཆོས་ཅན་ནོ། །དགེ་སློང་དག་འདི་ལྟ་སྟེ། རྫ་མཁན་གྱིས་སྣོད་རྣམས་བྱས་པ་ནི་སོ་བཏང་བའམ། སོ་མ་བཏང་བ་དེ་དག་ཐམས་ཅད་ཀྱང་འཇིག་པ་དང་། མཐར་ཟད་པར་འགྱུར་རོ། །དགེ་སློང་དག་
D310.072.0157a02.01དེ་བཞིན་དུ་སེམས་ཅན་ཐམས་ཅད་དང་། འབྱུང་པོ་ཐམས་ཅད་དང་། སྲོག་ཆགས་ཐམས་ཅད་ཀྱི་གསོན་པའི་མཐའ་ནི་འཆི་བ་ཡིན་ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། །བདེ་བར་
D310.072.0157a03.01གཤེགས་པས་དེ་སྐད་གསུངས་ནས། སྟོན་པ་གཞན་ཡང་འདི་སྐད་བཀའ་སྩལ་ཏོ། །ཀྱེ་མ་འདུ་བྱེད་རྣམས་མི་རྟག །སྐྱེ་ཞིང་འཇིག་པའི་ཆོས་ཅན་ཡིན། །སྐྱེ་ནས་འཇིག་པར་འགྱུར་བ་སྟེ། །དེ་བས་ཉེ་བར་ཞི་བ་བདེ། །དེ་ལྟར་རབ་ཏུ་འབར་བ་ལ། །དགར་བྱར་ཅི་ཡོད་མགུར་
D310.072.0157a04.01ཅི་ཡོད། །མུན་པའི་ནང་དུ་ཞུགས་གནས་པ། །ཅི་ཕྱིར་སྒྲོན་མ་ཚོལ་མི་བྱེད། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །མི་རྟག་པ་ཉིད་ཀྱི་མདོ་རྫོགས་སོ།། །།
D310.072.0157a05.01