完整藏文原文 · 德格版页 当前仅加载第 72 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལས་འབྱུང་བས་རྒྱུ་མེད་པ་ལས་འབྱུང་བ་མ་ཡིན་པའི་དཔེ་དང་། ཆད་པ་འགག་པ་མ་ཡིན་པའི་དཔེའོ། །ཀྱེ་རྒྱལ་པོ་ཆེན་པོ་གཞན་ཡང་དཔེ་འདི་དག་ནི་རྐྱེན་གསུམ་གསུམ་ཚོགས་པ་ལས་འབྱུང་སྟེ། བླ་མ་དང་སློབ་མ་དེ་གཉིས་དབང་པོ་རྣམས་
D308.072.0153a01.01ཚང་བ་ལས་ཁ་ཏོན་འབྱུང་ཞིང་སྨྲ་ཤེས་པའོ། །མར་དང་སྡོང་བུ་དང་སྣོད་ཚོགས་པ་ལས་མར་མེ་འབྱུང་ངོ་། །ནམ་མཁའ་དང་བ་དང་། གདོང་དང་མེ་ལོང་ཚོགས་པ་ལས་གཟུགས་བརྙན་འབྱུང་ངོ་། །རྒྱ་དང་འཇིམ་པའི་གོང་བུ་དང་སྐྱེས་བུའི་ལག་པའི་རྩོལ་བ་
D308.072.0153a02.01རྣམས་ཚོགས་པ་ལས་འབུར་དང་རི་མོ་འབྱུང་ངོ་། །ཤེལ་དང་ཉི་མའི་འོད་དང་རྩྭ་ཤིང་ཚོགས་པ་ལས་མེ་འབྱུང་ངོ་། །ས་བོན་དང་ས་གཞི་དང་རླན་པ་རྣམས་ཚོགས་པ་ལས་མྱུ་གུ་འབྱུང་ངོ་། །ཚྭ་དང་ཚྭ་ཆུ་འཐུང་མྱོང་བ་དང་། སྐྱུར་ཞེས་བརྗོད་པ་ཚོགས་པ་ལས་འགྲམ་
D308.072.0153a03.01ཆུ་ལྡང་ངོ་། །མིས་བརྗོད་པའི་སྒྲ་དང་སྒྲ་དྲག་པོ་གཞན་མེད་པ་དང་། རི་བྲག་རྣམས་ཚོགས་པ་ལས་བྲག་ཅ་འབྱུང་སྟེ། དེ་དག་ནི་སེམས་ཅན་སྐྱེ་བ་ནི་བྱེད་པ་པོས་མ་བྱས་ཏེ། ལས་དང་ཉོན་མོངས་པའི་རྒྱུ་རྐྱེན་གྱིས་བསྐྱེད་པའི་དཔེའོ། །ཀྱེ་རྒྱལ་པོ་ཆེན་པོ་གཞན་
D308.072.0153a04.01ཡང་བླ་མ་ནི་ཚེ་འདིའི་དཔེའོ། །སློབ་མ་ནི་ཚེ་ཕ་རོལ་གྱི་དཔེའོ། །ཁ་ཏོན་ནི་རྣམ་པར་ཤེས་པ་ཉིང་མཚམས་སྦྱོར་བའི་དཔེའོ། །མར་མེ་སྔ་མ་ནི་ཚེ་འདིའི་དཔེའོ། །ཕྱི་མ་ནི་ཕ་རོལ་གྱི་དཔེའོ། །མར་མེ་སྔ་མ་ལས་ཕྱི་མ་བྱུང་བ་ཡང་སྔ་མ་ཡོད་པ་ནི་རྟག་པ་འཕོ་བ་མ་ཡིན་
D308.072.0153a05.01པའི་དཔེའོ། །ཕྱི་མ་དེ་སྔ་མ་ལས་བྱུང་བ་རྒྱུ་མེད་པ་ལས་མ་བྱུང་བའི་དཔེའོ། །མེ་ལོང་ནི་ཚེ་འདི་ཡོད་པའི་སྒོ་ནས་ཕྱི་མ་ཡང་ཡོད་ལ། དངོས་པོ་ཡང་མི་འཕོ་ཞིང་ཕ་རོལ་ཡང་ཡོད་ངེས་པའི་དཔེའོ། །རྒྱ་ནི་འདིར་ལས་ཅི་སྤྱད་པ་འཐུན་པར་ཕ་རོལ་ཏུ་ཡང་སྐྱེ་བ་ལེན་
D308.072.0153a06.01པའི་དཔེའོ། །མེ་ཤེལ་ནི་འགྲོ་བ་རིས་མི་འདྲ་བ་ནས་མི་འདྲ་བར་སྐྱེ་བའི་དཔེའོ། །ས་བོན་ནི་འགགས་ནས་མེད་པར་མི་འགྱུར་བའི་དཔེའོ། །སྐྱུར་ནི་མྱོང་བའི་ལས་ཀྱིས་སྐྱེ་བ་ལེན་པའི་དཔེའོ། །སྒྲ་ནི་རྒྱུ་རྐྱེན་ཚོགས་ནས་གནོད་པའི་རྐྱེན་གཞན་མེད་ན་སྐྱེ་བ་ལེན་ཏེ།
D308.072.0153a07.01