完整藏文原文 · 德格版页 当前仅加载第 71 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་དག་ཡིན་ཞིང་། གང་དག་འདས་པ་དག་དང་། གང་དག་མ་བྱོན་པ་དག་དང་། གང་ཡང་ང་ད་ལྟར་བྱུང་བའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་པའི་སངས་རྒྱས་ཐམས་ཅད་མཉམ་པ་དང་མཉམ་པ་སྟེ། མཚན་
D295.071.0285a01.01མཉམ་པ་ཡོན་ཏན་མཚུངས་པ་མཉམ་པ། བསོད་ནམས་ཀྱི་འབྲས་བུ་རྣམ་པར་སྨིན་པ་མཉམ་པ་དག་ཡིན་གྱི། རྒྱུ་གསུམ་པོ་རིགས་དང་། སྐུ་ཚེ་དང་། སྐུ་ལུས་ཀྱིས་མཉམ་པ་དག་ནི་མ་ཡིན་ནོ། །བཙུན་པ་བདག་ཅག་གིས་དེ་བཞིན་གཤེགས་པ་ལས་དེ་བཞིན་གཤེགས་པ་དགྲ་བཅོམ་པ་ཡང་དག་
D295.071.0285a02.01པར་རྫོགས་པའི་སངས་རྒྱས་རྣམས་ཀྱི་ཡབ་ཡུམ་ལས་བྱུང་བའི་སྟོབས་ཀྱང་ཐོས་ལགས། བསོད་ནམས་ཀྱི་སྟོབས་ཀྱང་ཐོས་ལགས། ཤེས་རབ་ཀྱི་སྟོབས་ཀྱང་ཐོས་ལགས་ན་བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་རྫུ་འཕྲུལ་གྱི་སྟོབས་ཇི་
D295.071.0285a03.01ལྟ་བུ་དང་ལྡན་པ་ལགས། གནས་འཇོག་གི་རྒྱུད་དག་ཁྱེད་དེ་བཞིན་གཤེགས་པ་ལས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་རྫུ་འཕྲུལ་གྱི་སྟོབས་ཉན་པར་འདོད་དམ། བཙུན་པ་བཅོམ་ལྡན་འདས་མཆོག་ཏུ་འཚལ་ལགས་སོ། །བདེ་བར་
D295.071.0285a04.01གཤེགས་པ་མཆོག་ཏུ་འཚལ་ལགས་སོ། །གནས་འཇོག་གི་རྒྱུད་དག་དེའི་ཕྱིར་ཁྱེད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །གནས་འཇོག་གི་རྒྱུད་དག་དུས་འདི་ནི་དུས་གཅིག་སྟེ། རྩྭ་བི་ར་ན་དང་ལྡན་པར་གནོད་སྦྱིན་འདམ་བུ་དང་འདྲ་བར་རྩུབ་པའི་དོང་ཀའི་ཤིང་དྲུང་
D295.071.0285a05.01ན་བཞུགས་སོ། །ཡང་དེའི་ཚེ་རྩྭ་བི་ར་ན་དང་ལྡན་པ་ན་དཀའ་བ་འབྲོག་དགོན་པ་སློངས་མོ་པས་བསོད་སྙོམས་རྙེད་པར་དཀའ་བའི་མུ་གེ་བྱུང་སྟེ། དགེ་སློང་དག་ཀྱང་ཟས་ངན་པས་ཡོངས་སུ་དུབ་པ་ཡིན་ནོ། །དེ་ནས་དགེ་སློང་མཽད་གལ་གྱི་བུ་ང་ག་ལ་བ་དེར་སོང་སྟེ་ཕྱིན་ནས་ང་ལ་འདི་སྐད་ཅེས་
D295.071.0285a06.01གསོལ་ཏོ། །བཙུན་པ་ད་ལྟར་ན་རྩྭ་བི་ར་ན་དང་ལྡན་པར་དཀའ་བ་འབྲོག་དགོན་པ་སློངས་མོ་པས་བསོད་སྙོམས་རྙེད་པར་དཀའ་བའི་མུ་གེ་བྱུང་ལགས་ཏེ། དགེ་སློང་དག་ཀྱང་དབྱར་ཟས་ངན་པས་ཡོངས་སུ་དུབ་ལགས་སོ། །བཙུན་པ་བཅོམ་ལྡན་འདས་ལས་བདག་གིས་མངོན་དུ་ཐོས་
D295.071.0285a07.01