完整藏文原文 · 德格版页 当前仅加载第 68 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
པས། །གླགས་ནི་རྙེད་པར་ཡོང་མི་འགྱུར། །ཞིང་རྣམས་བྱེ་བ་བསམ་ཡས་སུ། །དེ་ནི་མཁའ་ལས་འགྲོ་འགྱུར་ཏེ། །ཕུན་སུམ་ཚོགས་པའི་ཞིང་དེར་ནི། །འཇིག་རྟེན་མགོན་པོ་རྣམས་ལ་བལྟ། །བརྟན་པ་སངས་རྒྱས་རྣམས་མཐོང་ནས། །དད་པ་བརྟན་པོ་ཐོབ་པར་
D277.068.0052b01.01འགྱུར། །དེ་ཡི་བསམ་པ་མཁྱེན་ནས་སུ། །མི་མཆོག་རྣམས་ནི་ལུང་སྟོན་ཏོ། །ཐུབ་པ་རྣམས་ལས་མངོན་སུམ་བདག །བྱང་ཆུབ་ལུང་བསྟན་ཐོས་ནས་སུ། །རྟག་ཏུ་དགའ་དང་ལྡན་འགྱུར་ཞིང་། །དེ་ནི་དོགས་པ་མེད་པར་འགྱུར། །མཁས་པ་གང་ཞིག་མཚན་
D277.068.0052b02.01འདི་དག །ཐོས་ནས་རབ་ཏུ་འཛིན་བྱེད་པ། །དེ་ནི་ཡོན་ཏན་འདི་དག་དང་། །རྒྱ་ཆེན་གཞན་ཡང་ལོས་ཀྱང་འཐོབ། །ཐུབ་པ་དྲང་སྲོང་ཆེ་གྱུར་པ། །འདི་དག་རྣམས་ཀྱི་མཚན་ཐོས་ནས། །མི་གང་མཚན་རྣམས་འཛིན་བྱེད་པ། །རྫུ་འཕྲུལ་ཆེ་མཁས་བསོད་ནམས་འདོད། །
D277.068.0052b03.01དེ་ལྟ་བས་ན་བདག་ཉིད་ཆེ། །དེ་དག་རྣམས་ཀྱི་མཚན་ཐོས་ན། །སྐྱེས་བུ་མཁས་པས་གཟུང་བྱ་ཞིང་། །གཞན་དག་ལ་ཡང་བ་ཤད་པར་བྱ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་དང་། དགེ་སློང་དེ་དག་དང་། བྱང་ཆུབ་
D277.068.0052b04.01སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།
D277.068.0052b05.01རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། །
D277.068.0052b06.01