完整藏文原文 · 德格版页 当前仅加载第 67 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
མཱང་ག་ལྱ། ཧིར་ཎྱ་གར་བྷེ་གྷེ་རཏྣ་གར་བྷེ། སརྦ་ཨརྠ་ས་དྷཱ་དྷ་ནི་པ་ར་མ་ར་ཐ་སཱ་དྷ་ནི། མ་ན་སེ། མ་ཧཱ་མ་ན་སེ། ཨད་བྷུ་ཏེ། ཨ་ཏྱད་བྷུ་བྷུ་ཏེ། བཱི་ཏ་བྷ་ཡེ། སུ་བརྞེ་པྲཧྨ་གྷོ་ཥེ། པྲ་ཧྨ་ཨདྷུ་ཥེ་ཏེ། སརྦ་ཨ་རྠེ། ཥུད་ཨ་པརཱ་ཛི་ཏེ། སརྦ་ཏྲ་ཨ་པྲ་ཏི་ཧ་ཏེ། ཙ་ཏུ་
D262.067.0033a01.01ཤིཥྛ་བུདྡྷ་ཀོ་ཊྭི་བྷ་ཥྭཏེ། ནམཿ སརྦ་སིད་དྷི་ནཱ་མ་ཏ་ཐཱ་ག་ཏཱ་ནཱ་ན་སྭཱ་ཧཱ། གཟུངས་འདི་བརྗོད་པའི་ཚེ་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་ལེགས་སོ། །ཞེས་བྱ་བ་བྱིན་ཏེ། ལེགས་སོ། །སྐྱེས་བུ་དམ་པ་ཁྱོད་ཀྱིས་དེ་ལྟར་འདི་འདྲ་བའི་གཟུངས་སྔགས་ཟབ་མོ་
D262.067.0033a02.01བརྗོད་པ་ནི་ལེགས་སོ། །གང་གིས་གཟུངས་སྔགས་འདི་འཛིན་ཏམ། ཀློག་གམ། རྟག་ཏུ་རྒྱུན་མི་འཆད་པར་རྒྱས་པར་ཡིད་ལ་བྱེད་ན། རིགས་ཀྱི་བུ་ཕོ་དེ་ལ་སངས་རྒྱས་བཅོམ་ལྡན་འདས་དེ་དག་གིས་བསམ་པ་ཐམས་ཅད་ཡོངས་སུ་རྫོགས་པར་མཛད་དོ། །དེ་ནས་དེ་བཞིན་
D262.067.0033a03.01གཤེགས་པ་དྲི་མེད་འོད་གསལ་གྱིས་ལྗགས་ཀྱི་དབང་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོག་པར་མཛད་ནས་བྱང་ཆུབ་སེམས་དཔའ་དུང་ཕྱུར་ཕྲག་བདུན་ཅུ་པོ་རྣམས་ལ་བཀའ་སྩལ་པ། རིགས་ཀྱི་བུ་ཕོའམ། རིགས་ཀྱི་བུ་མོ་གང་གིས་གཟུངས་སྔགས་ཀྱི་ཚིག་
D262.067.0033a04.01འདི་འཆང་བ་དང་། ཀློག་པ་དང་། ཅི་ནུས་སུ་མཆོད་པར་བྱེད་པ་དེ་དག་ལ་སངས་རྒྱས་བཅོམ་ལྡན་འདས་དེ་དག་གིས་ཇི་ལྟར་བསམས་པ་ཐམས་ཅད་ཡོངས་སུ་རྫོགས་པར་མཛད་དོ། །དེ་ནས་དེ་བཞིན་གཤེགས་པ་དྲི་མེད་འོད་གསལ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་
D262.067.0033a05.01ཀུན་ཏུ་གླེང་བ་ཞེས་བྱ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟ་བུར་ན་དེ་བཞིན་གཤེགས་པ་དེ་དག་ལ་མཆོད་པ་བགྱིས་པར་འགྱུར། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཀུན་ཏུ་གླེང་བའི་བྱང་ཆུབ་སེམས་དཔའ་ལ་འདི་སྐད་ཅེས་བཀའ་སྩལ་ཏོ། །
D262.067.0033a06.01རིགས་ཀྱི་བུ་གང་སུ་ཡང་རུང་སྟེ། ལས་དང་པོ་པའི་བྱང་ཆུབ་སེམས་དཔའ་བསམ་པ་ཐམས་ཅད་ཡོངས་སུ་རྫོགས་པར་འདོད་ན། ནང་པར་སྔར་ལངས་ཏེ་བ་ལང་གི་ལྕི་བས་དཀྱིལ་འཁོར་བྱས་ལ། མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པས་ཅི་ནུས་
D262.067.0033a07.01