完整藏文原文 · 德格版页 当前仅加载第 66 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་དགེ་མང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་སེམས་ནི་ལྷའི་བུ་མོ་སྟོང་ཕྲག་དུ་མ་དག་དང་ལྷན་ཅིག་ཅིང་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་དང་། བྱང་ཆུབ་
D259.066.0261a01.01སེམས་དཔའ་སེམས་དཔའ་ཆེན་པོ་སྨན་ཡང་དག་བྱུང་དང་། ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་ན་ཟླ་བ་དང་ཉི་མ་རང་གི་གཟི་བརྗིད་སྙེམས་པ་ཇི་སྙེད་པ་དེ་དག་ཐམས་ཅད་བཅོམ་ལྡན་འདས་ག་ལ་བ་དེར་དོང་སྟེ། གང་གི་ཚེ་བཅོམ་ལྡན་
D259.066.0261a02.01འདས་ཀྱི་སྤྱན་སྔར་འཁོད་པ་དེའི་ཚེ་འཛམ་བུའི་ཆུ་བོའི་གསེར་གྱི་མདུན་དུ་སྣག་ཚའི་ཡུག་བཞག་པ་དེ་བཞིན་དུ། ཟླ་བ་དང་ཉི་མ་དེ་དག་བཅོམ་ལྡན་འདས་ཀྱི་སྤྱན་སྔར་ཕྱིར་ཞིང་མི་མཛེས། ཕྱིར་ཞིང་མི་འབར། ཕྱིར་ཞིང་ལམ་མེ་མ་ཡིན། ཕྱིར་ཞིང་ལྷན་ནེ་མ་ཡིན། ཕྱིར་
D259.066.0261a03.01ཞིང་ལྷང་ངེ་མ་ཡིན་ནོ། །སྲེད་མེད་ཀྱི་བུ་ལ་སོགས་པ་ལྷའི་ཚོགས་ཇི་སྙེད་པ་དང་། ཀླུའི་རྒྱལ་པོ་ཆུ་ལྷ་དང་། འཇོག་པོ་དང་། མ་དྲོས་པ་ལ་སོགས་པ་ཀླུའི་རྒྱལ་པོ་འཁོར་དང་བཅས་པ་ཐམས་ཅད་དང་། དྲི་ཟའི་བདག་པོ་ཤིན་ཏུ་ཡིད་དུ་འོང་བ་ནི་དྲི་ཟ་བྱེ་བ་ཕྲག་དུ་མ་དང་ལྷན་
D259.066.0261a04.01ཅིག་ནམ་མཁའ་ལྡིང་གི་རྒྱལ་པོ་དྲི་མ་མེད་པ་ཆེན་པོ་ནི་ནམ་མཁའ་ལྡིང་བྱེ་བ་ཕྲག་བདུན་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་ངོ་། །ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་ན་བྱང་ཆུབ་སེམས་དཔའ་ཇི་སྙེད་འཁོད་པ་དེ་དག་རང་རང་གི་
D259.066.0261a05.01དེ་བཞིན་གཤེགས་པ་ལས་གནང་བ་མནོས་ཏེ། འཁོར་བཞི་དག་དང་ལྷན་ཅིག་དོང་ནས། བཅོམ་ལྡན་འདས་དང་བྱང་ཆུབ་སེམས་དཔའ་དེ་དག་ལ་ཡང་འཇིག་རྟེན་ལས་འདས་པའི་མཆོད་པ་བྱས་ནས་རང་རང་གི་པད་མའི་སྟན་ལ་འཁོད་དོ། །དེ་ནས་བཅོམ་ལྡན་
D259.066.0261a06.01འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ། །གལ་ཏེ་བདག་ལ་བཅོམ་ལྡན་འདས་ཀྱིས་གནང་ན་བཅོམ་ལྡན་འདས་ལ་ཡི་གེ་གཉིས་ཤིག་ཞུ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ངས་གནང་
D259.066.0261a07.01