完整藏文原文 · 德格版页 当前仅加载第 66 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་གང་ཞེ་ན། ལྷའི་བུ་འདི་ལ་བྱང་ཆུབ་སེམས་དཔའ་སེམས་ཅན་དཔག་ཏུ་མེད་པ་བསྡུ་བའི་ཕྱིར་སེམས་བསྐྱེད་པ་དང་། སེམས་ཅན་དཔག་ཏུ་མེད་པ་ཡོངས་སུ་སྨིན་པར་བྱ་བའི་ཕྱིར་སེམས་བསྐྱེད་པ་དང་། དགེ་བའི་རྩ་བ་དཔག་ཏུ་མེད་པ་བསགས་པའི་ཕྱིར་
D252.066.0062a01.01སེམས་བསྐྱེད་པ་དང་། སངས་རྒྱས་ཀྱི་ཆོས་དཔག་ཏུ་མེད་པ་མངོན་པར་རྫོགས་པར་རྟོགས་པར་བྱ་བའི་ཕྱིར་སེམས་བསྐྱེད་པ་སྟེ། ལྷའི་བུ་བཞི་པོ་དེ་དག་ནི་བྱང་ཆུབ་སེམས་དཔའི་ལྷག་པའི་བསམ་པའི་སེམས་བསྐྱེད་པར་རིག་པར་བྱའོ། །ལྷའི་བུ་བཞི་པོ་འདི་དག་ནི་
D252.066.0062a02.01བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བྲག་ལྟ་བུ་ཡིན་ནོ། །བཞི་གང་ཞེ་ན། སློང་བ་རྣམས་ལ་ཁོང་ཁྲོ་བ་མེད་པའི་སེམས་དང་། ལོག་པར་ཞུགས་པ་རྣམས་ལ་སྙིང་རྗེ་བའི་སེམས་དང་། ཤེས་རབ་ལས་མ་ཉམས་པའི་སེམས་དང་། རྩོམ་པ་ཉམས་འོག་ཏུ་ཆུད་པར་བྱེད་པའི་
D252.066.0062a03.01སེམས་ཏེ། ལྷའི་བུ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བྲག་ལྟ་བུ་ཡིན་ནོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་མངོན་པར་འཕགས་པ་ཡིན་ནོ། །བཞི་གང་ཞེ་ན། ཚུལ་ཁྲིམས་མངོན་པར་འཕགས་
D252.066.0062a04.01པ་དང་། ཐོས་པ་མངོན་པར་འཕགས་པ་དང་། བྱམས་པ་ཆེན་པོ་མངོན་པར་འཕགས་པ་དང་། སྙིང་རྗེ་ཆེན་པོ་མངོན་པར་འཕགས་པ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བརྟན་པ། སྙིང་པོ་ཅན། མི་ཕྱེད་
D252.066.0062a05.01པ། རྡོ་རྗེ་ལྟ་བུའོ། །བཞི་གང་ཞེ་ན། བསམ་པ་ལས་མི་ཕྱེད་པ་དང་། མཛའ་བ་ལས་མི་ཕྱེད་པ་དང་། ནན་ཏན་ལས་མི་ཕྱེད་པ་དང་། ཐེག་པ་ཆེན་པོ་ལས་མི་ཕྱེད་པ་སྟེ། བཞི་པོ་དེ་དག་གོ། །ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་བསྙེན་
D252.066.0062a06.01དཀའ་བ་ཡིན་ནོ། །བཞི་གང་ཞེ་ན། ཉོན་མོངས་པ་དང་མ་འདྲེས་པ་དང་། རྙེད་པ་དང་། བཀུར་སྟི་དང་། ཚིགས་སུ་བཅད་པ་ཐམས་ཅད་དང་མ་འདྲེས་པ་དང་། ཐེག་པ་དམན་པ་དང་མ་འདྲེས་པ་དང་། སྐྱེ་བོ་མི་བགྲུངས་པ་ཐམས་ཅད་དང་མ་འདྲེས་པ་སྟེ། བཞི་པོ་དེ་
D252.066.0062a07.01