完整藏文原文 · 德格版页 当前仅加载第 66 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་ལ་དྲང་སྲོང་ཆེན་པོ་མེ་སྒྲོན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེང་སླན་ཆད་དྲང་སྲོང་ཆེན་པོ་མེ་སྒྲོན་བདག་ཐམས་ཅད་མཁྱེན་པ་ཉིད་དུ་སྨོན་པར་བགྱིད་དོ། །བཅོམ་ལྡན་འདས་གལ་ཏེ་བདག་བསྐལ་པ་དཔག་ཏུ་མ་མཆིས་པར་སེམས་ཅན་
D246.066.0039b01.01དམྱལ་བའི་ཞུགས་ཀྱི་འོབས་སུ་གནས་པར་འགྱུར་བའམ། རི་རབ་འོག་མིན་གྱི་གནས་ཙམ་དུ་གྱུར་པ་མཐོན་པོའི་ཁ་དེ་ནས་བདག་གིས་བདག་འདོར་བར་འགྱུར་བའམ། གདུང་བ་ལྔ་བསྐལ་པས་བསྲེག་པ་ལྟ་བུར་འགྱུར་བའམ། ཉི་མ་བསྐལ་པར་གནས་པར་འགྱུར་བའམ།
D246.066.0039b02.01བསྐལ་པ་སུམ་ཅུའི་ཟླ་བ་གཅིག་ཏུ་སྨྱུང་བར་འགྱུར་བ་དེ་ལྟ་བུའི་དཀའ་བ་སྤྱད་པར་ནི་བཅོམ་ལྡན་འདས་བདག་སྤྲོ་སྟེ་འདུན་གྱི། ཐམས་ཅད་མཁྱེན་པ་ཉིད་ཀྱི་སླད་དུ་ནི་བརྩོན་འགྲུས་ཉམས་པར་མི་བགྱིའོ། །དྲང་སྲོང་ཆེན་པོ་མངོན་པར་ཤེས་པ་ལྔ་དང་ལྡན་པ་ཇི་སྙེད་བཅོམ་ལྡན་
D246.066.0039b03.01འདས་ཀྱི་གན་དུ་ལྷགས་པ་དེ་དག་ཀྱང་སྟན་ལས་ལངས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཀྱང་དེང་སླད་ཆད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་པར་བགྱིའོ། །རྔོ་ཅི་ཐོགས་ཀྱིས་བརྩོན་འགྲུས་བརྩམ་པར་
D246.066.0039b04.01བགྱིའོ། །དྲང་སྲོང་རྣམས་ཀྱིས་ཚིག་དེ་དག་སྨྲས་མ་ཐག་ཏུ། བཅོམ་ལྡན་འདས་ཀྱི་སྨིན་མཚམས་ནས་འདུལ་བ་ཅན་ཞེས་བྱ་བའི་འོད་ཟེར་ཕྱུང་། ཕྱོགས་བཅུའི་སངས་རྒྱས་ཐམས་ཅད་ཀྱིས་ཀྱང་སྨིན་མཚམས་ནས་འདུལ་བ་ཅན་ཞེས་བྱ་བའི་འོད་ཟེར་ཕྱུང་སྟེ། འོད་ཟེར་དེ་དག་
D246.066.0039b05.01གི་མཐུས་ས་ཆེན་པོ་འདི་རྣམ་པ་དྲུག་ཏུ་གཡོས། རབ་ཏུ་གཡོས། འགུལ། རབ་ཏུ་འགུལ། ལྡེག་རབ་ཏུ་ལྡེག་སྟེ། ཤར་ཕྱོགས་མཐོ་ན་ལྷོ་ཕྱོགས་དམའ། ནུབ་ཕྱོགས་དམའ་ན་བྱང་ཕྱོགས་མཐོ། ཤར་ཕྱོགས་དམའ་ན་ལྷོ་ཕྱོགས་མཐོ། ནུབ་ཕྱོགས་མཐོ་ན་བྱང་
D246.066.0039b06.01ཕྱོགས་དམའོ། །ཕྱོགས་བཅུའི་སངས་རྒྱས་ཐམས་ཅད་ཀྱིས་ཀྱང་དེ་བཞིན་གཤེགས་པའི་སྟེང་དུ་མེ་ཏོག་གི་ཆར་ཕབ། རྔ་བོ་ཆེ་རྣམས་བརྡུངས་སོ། །དྲི་ཟའི་བདག་པོ་ཡིད་དུ་འོང་བ་རྣམས་ཀྱིས་ཀྱང་ཡན་ལག་ལྔ་པའི་སིལ་སྙན་གྱིས་བཅོམ་ལྡན་འདས་ལ་མངོན་པར་བསྟོད་
D246.066.0039b07.01