完整藏文原文 · 德格版页 当前仅加载第 66 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བ་མེད་པའོ། །སྙིང་བརྩེ་བ་མེད་པ་ནི་ཕྱི་རོལ་གྱི་དངོས་པོ་རྣམས་ཡོངས་སུ་བཏང་བ་ལའོ། །སྙིང་རྗེ་བ་མེད་པ་ནི་ནང་གི་དངོས་པོ་མགོ་ལ་སོགས་པ་ཡོངས་སུ་བཏང་བ་ལ་སྟེ། དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་བདེན་པ་ཡང་ཁོང་དུ་ཆུད་པར་གྱིས་ཤིག །
D244.066.0017b01.01{བརྫུན་,རྫུན་}དུ་སྨྲ་བ་ཡང་མ་སྤང་ཞིག །གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་བདེན་པ་ཁོང་དུ་ཆུད་པར་བགྱི་བ་ལགས། ཇི་ལྟར་ན་{བརྫུན་,རྫུན་}དུ་སྨྲ་བ་ནི་མི་སྤོང་བ་ལགས། བཀའ་སྩལ་པ། བདེན་པ་ཁོང་དུ་ཆུད་པར་བྱ་བ་ནི་ཉན་ཐོས་དང་རང་སངས་
D244.066.0017b02.01རྒྱས་འདུལ་བའི་ཕྱིར་རོ། །{བརྫུན་,རྫུན་}དུ་སྨྲ་བ་མི་སྤང་བ་ནི་འདུས་བྱས་ལ་ཉེ་བར་སྤྱོད་པའི་ཕྱིར་ཏེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་ཕ་རོལ་ཏུ་ཕྱིན་པར་བགྱིས་ཏེ། ཚུ་རོལ་གྱི་ངོགས་ལ་བལྟ་བར་གྱིས་ཤིག །ཕ་རོལ་ཏུ་ཕྱིན་པར་མ་བྱེད་པར་ཕ་རོལ་གྱི་ངོགས་ལ་
D244.066.0017b03.01བལྟ་བར་གྱིས་ཤིག །གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ཕ་རོལ་ཏུ་ཕྱིན་ཅིང་ཚུ་རོལ་གྱི་ངོགས་ལ་བལྟ་བ་ལགས། ཇི་ལྟར་ན་ཕ་རོལ་ཏུ་ཕྱིན་པར་མི་བགྱིད་ཅིང་ཕ་རོལ་གྱི་ངོགས་ལ་བལྟ་བ་ལགས། བཀའ་སྩལ་པ། ཕ་རོལ་ཏུ་ཕྱིན་པ་ནི་
D244.066.0017b04.01སེམས་ཅན་ཐམས་ཅད་ཀྱི་སེམས་དང་། སྤྱོད་པ་དང་། བསམ་པ་ལའོ། །ཚུ་རོལ་གྱི་ངོགས་ལ་བལྟ་བ་ནི་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་རོ། །ཕ་རོལ་ཏུ་ཕྱིན་པར་མི་བྱ་བ་ནི་ཕ་རོལ་བསྒྲལ་བའི་ཕྱིར་རོ། །ཕ་རོལ་གྱི་ངོགས་ལ་ལྟ་བ་ནི་རྟག་ཏུ་མྱ་ངན་
D244.066.0017b05.01ལས་འདའ་བ་ལ་གཞོལ་བར་བྱ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་རྟག་ཏུ་མི་འཐུན་པར་ཡང་གྱིས་ལ་རྩོད་པ་མེད་པ་མཆོག་ཏུ་ཡང་གྱིས་ཤིག །བྱམས་པ་ལ་ཡང་གནས་ལ་སྐྱོན་ཡང་མཐོང་བར་གྱིས་ཤིག །གསོལ་པ། བཅོམ་ལྡན་འདས་ཇི་ལྟར་ན་བྱང་
D244.066.0017b06.01ཆུབ་སེམས་དཔའ་རྣམས་རྟག་ཏུ་མི་འཐུན་པར་བགྱིད་པ་དང་། རྩོད་པ་མ་མཆིས་པ་མཆོག་ཏུ་བགྱིད་པ་ལགས། ཇི་ལྟར་ན་བྱམས་པ་ལ་གནས་ཤིང་སྐྱོན་ཡང་མཐོང་བ་ལགས། བཀའ་སྩལ་པ། རྟག་ཏུ་མི་འཐུན་པར་བྱེད་པ་ནི་དམ་པའི་ཆོས་ཡོངས་སུ་གཟུང་བའི་ཕྱིར་རོ། །
D244.066.0017b07.01