完整藏文原文 · 德格版页 当前仅加载第 65 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ནོར་བུ་རིན་པོ་ཆེ་རྡོ་རྗེའི་རིའི་ཟོམ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་མང་པོ་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྡོ་རྗེ་རིན་པོ་ཆེ་ལ་བཀའ་
D242.065.0303b01.01སྩལ་པ། རིགས་ཀྱི་བུ་གང་བྱང་ཆུབ་སེམས་དཔའ་བྱང་ཆུབ་ཆེན་པོ་དོན་དུ་གཉེར་བར་འདོད་པ་དང་། སེམས་ཅན་ཐམས་ཅད་སྒྲོལ་བར་འདོད་ཅིང་བྱང་ཆུབ་སེམས་དཔའི་སྡོམ་པ་འཛིན་པར་འདོད་པ་དང་། བྱང་ཆུབ་ཆེན་པོར་སེམས་བསྐྱེད་ཅིང་སྙིང་རྗེ་ཆེན་པོ་དང་ལྡན་པས་དེ་བཞིན་གཤེགས་པ་ཐམས་ཅད་
D242.065.0303b02.01ལ་རིམ་གྲོ་དང་བཀུར་སྟི་བྱ་བར་འདོད་པ་དང་། བྱང་ཆུབ་སེམས་དཔའ་རྣམས་ཀྱི་བསོད་ནམས་ཀྱི་ཚོགས་ཡངས་ཤིང་རྒྱ་ཆེ་བ་སོགས་པར་འདོད་པ་དང་། སངས་རྒྱས་ཀྱི་ཡེ་ཤེས་བསྒྲུབ་པར་འདོད་པ་དང་། ཐོགས་པ་མེད་པའི་གཟུངས་དང་། ཏིང་ངེ་འཛིན་དང་། རྣམ་པར་ཐར་པའི་སྒོ་དང་། རྫུ་འཕྲུལ་དང་།
D242.065.0303b03.01མངོན་པར་ཤེས་པས་རྣམ་པར་རོལ་པར་འདོད་པ་དང་། ནམ་མཁའ་ལ་བང་བ་དང་མཛོད་ཆེན་པོ་བསྒྲུབ་པར་འདོད་པ་དང་། རང་གི་ལག་ནས་ཡིད་བཞིན་གྱི་ནོར་བུ་བཞིན་དུ་གཏོང་ཞིང་འབུལ་བར་འདོད་པས་འདི་སྐད་ཅེས་བརྗོད་པར་བྱ་སྟེ། ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་
D242.065.0303b04.01འདས་ཐམས་ཅད་དང་། ས་བཅུ་ལ་རབ་ཏུ་གནས་པའི་བྱང་ཆུབ་སེམས་དཔའ་ཆེན་པོ་རྣམས་དང་། རྡོ་རྗེ་འཛིན་པ་རྣམས་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་ཡང་དག་པའི་ལམ་ལ་བདེ་བར་གནས་པ་མ་ཐོབ་པས་དེང་བྱང་ཆུབ་ཏུ་སེམས་བསྐྱེད་དེ། བདག་གི་ལུས་དང་སེམས་འདི་དུས་
D242.065.0303b05.01ཐམས་ཅད་དང་། རྣམ་པ་ཐམས་ཅད་དུ་དུས་གསུམ་གྱི་དེ་བཞིན་གཤེགས་པ་དང་། བྱང་ཆུབ་སེམས་དཔའ་ཐམས་ཅད་ལ་བདག་ལུས་འབུལ་གྱིས། མཐུ་ཆེན་པོ་མངའ་བའི་དེ་བཞིན་གཤེགས་པ་རྣམས་དང་། ས་ཆེན་པོ་ལ་རབ་ཏུ་གནས་པའི་བྱང་ཆུབ་སེམས་དཔའ་ཐམས་ཅད་ཀྱིས་བདག་བཞེས་སུ་
D242.065.0303b06.01གསོལ། བདག་གི་བསོད་ནམས་དང་ཡེ་ཤེས་ཀྱི་ཚོགས་ཆེན་པོ་དང་། བརྩོན་འགྲུས་བརྩམས་པ་དང་། སེམས་ཀྱི་རྒྱ་བསྐྱེད་པ་དང་། རབ་ཏུ་ཞི་ཞིང་དུལ་བ་དང་། དབང་དང་། མངོན་པར་ཤེས་པ་དང་། ཕ་རོལ་ཏུ་ཕྱིན་པ་ལ་སོགས་པ་མྱུར་དུ་ཡོངས་སུ་རྫོགས་པར་གྱུར་ཅིག །ཡང་བཅོམ་ལྡན་འདས་
D242.065.0303b07.01