完整藏文原文 · 德格版页 当前仅加载第 65 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཚོལ་བ་ཡང་མ་ལགས། མི་ཚོལ་བ་ཡང་མ་ལགས་སོ། །དེ་ནི་བདེན་པ་ཚོལ་བ་ཡང་མ་ལགས། {བརྫུན་,རྫུན་}པ་ཚོལ་བ་ཡང་མ་ལགས་སོ། །དེ་ནི་ཡུལ་ཚོལ་བ་ཡང་མ་ལགས། ཡུལ་རྣམས་ལས་འབྱུང་བ་ཚོལ་བ་ཡང་མ་ལགས་སོ། །དེ་ནི་འདོད་ཆགས་
D238.065.0066a01.01དང་། ཞེ་སྡང་དང་། གཏི་མུག་ཚོལ་བ་ཡང་མ་ལགས། འདོད་ཆགས་དང་། ཞེ་སྡང་དང་། གཏི་མུག་སྤོང་བ་ཚོལ་བ་ཡང་མ་ལགས་སོ། །དེ་ནི་འཁོར་བ་ཚོལ་བ་ཡང་མ་ལགས། མྱ་ངན་ལས་འདས་པ་ཚོལ་བ་ཡང་མ་ལགས་སོ། །དེ་ནི་འཐབ་པ་དང་རྩོད་པ་དང་འགྱེད་པ་ཚོལ་
D238.065.0066a02.01བ་ཡང་མ་ལགས། ཅང་མི་སྨྲ་བ་ཚོལ་བ་ཡང་མ་ལགས་སོ། །སྟོང་པ་ཉིད་ཚོལ་བ་ཡང་མ་ལགས། ལྟ་བར་གྱུར་པ་རྣམས་ཚོལ་བ་ཡང་མ་ལགས་སོ། །མཚན་མ་མ་མཆིས་པ་ཚོལ་བ་ཡང་མ་ལགས། རྣམ་པར་རྟོག་པ་ཚོལ་བ་ཡང་མ་ལགས་སོ། །སྨོན་པ་ཚོལ་བ་ཡང་མ་
D238.065.0066a03.01ལགས། སྨོན་པ་མ་མཆིས་པ་ཚོལ་བ་ཡང་མ་ལགས་སོ། །སངས་རྒྱས་ཀྱི་ཆོས་རྣམས་ཚོལ་བ་ཡང་མ་ལགས། སོ་སོའི་སྐྱེ་བོའི་ཆོས་རྣམས་ཚོལ་བ་ཡང་མ་ལགས་སོ། །ཆོས་ཚོལ་བ་ཡང་མ་ལགས། ཆོས་མ་ལགས་པ་ཚོལ་བ་ཡང་མ་ལགས་སོ། །འཕགས་པའི་
D238.065.0066a04.01དགེ་འདུན་ཚོལ་བ་ཡང་མ་ལགས། མུ་སྟེགས་ཅན་གྱི་དགེ་འདུན་ཚོལ་བ་ཡང་མ་ལགས་སོ། །བཅོམ་ལྡན་འདས་ཆོས་ཡོངས་སུ་འཚལ་བ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། འབྱུང་བ་ཀུན་དུ་མི་ཚོལ་ཏེ། ཆོས་ཐམས་ཅད་དེའི་འབྱུང་བ་ལགས་སོ། །
D238.065.0066a05.01ཐར་པ་ཡང་ཀུན་དུ་མི་ཚོལ་ཏེ། ཆོས་ཐམས་ཅད་དེའི་ཤིན་ཏུ་རྣམ་པར་གྲོལ་བ་ལགས་སོ། །གང་དུ་ཡང་དག་པར་རྗེས་སུ་ཆགས་པ་ཡང་མ་མཆིས། ཁོང་ཁྲོ་བ་ཡང་མ་མཆིས་ཏེ། ཆོས་ཐམས་ཅད་བདག་གིའམ། གཞན་གྱི་ཡང་མ་ལགས་སོ། །ཆོས་གང་ཡང་ཡོངས་སུ་
D238.065.0066a06.01འཛིན་པ་ཡང་མ་མཆིས། འདོར་བ་ཡང་མ་མཆིས་ཏེ། ཡོངས་སུ་འཛིན་པ་དང་། འདོར་བ་དེ་གཉི་ག་སྐྱོན་ཆགས་པ་ལགས་སོ། །འཇུག་པ་ཡང་མ་མཆིས། ལྡོག་པ་ཡང་མ་མཆིས་ཏེ། འཇུག་པ་དང་ལྡོག་པ་དེ་གཉི་ག་སྐྱོན་ཆགས་པ་ལགས་སོ། །གང་དུ་ཡང་དགའ་བ་
D238.065.0066a07.01