完整藏文原文 · 德格版页 当前仅加载第 63 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
ལོག་པར་ཞུགས་པ་ཞེས་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་མོ་ཤམ་ཞིག་ཡོད་ལ་དེ་དྲན་པ་ཉམས་པས་འདི་ལྟར་བདག་ནི་བུ་མི་འདོད་པར་བྱའོ་ཞེས་དམ་འཆའ་བར་བྱེད་པ་དེ་ལ། བུད་མེད་ལ་ལ་ཞིག་གིས་ཡིད་བསྲུང་བའི་ཕྱིར་ཤེས་ཤིང་རྟོགས་བཞིན་དུ་འདི་སྐད་ཅེས། ཁྱོད་
D224.063.0168b01.01ཀྱི་བུ་གཟུགས་བཟང་ཞིང་མཛེས་ལ་བལྟ་ན་སྡུག་པ་ཞིག་ཡོད་པར་འགྱུར་གྱིས། འདི་ལྟར་དམ་མི་བཅའ་བར་གསོལ་ཞེས་ཟེར་ལ། དེ་ནས་མོ་ཤམ་དེས་བུད་མེད་དེའི་ཚིག་མཉན་ནས་དྲན་པ་ཉམས་པས་བདག་གི་བུ་གཟུགས་བཟང་ཞིང་མཛེས་ལ་བལྟ་ན་སྡུག་པ་ཞིག་ཡོད་
D224.063.0168b02.01པར་འགྱུར་རོ་སྙམ་དུ་རེ་བའི་སེམས་སྐྱེད་པར་བྱེད་དེ། སེམས་འཁྲུལ་པ་དེས་འདུ་ཤེས་ཀྱི་རྣམ་པ་དེས་སེམས་ཡོངས་སུ་མགུ་བར་བྱེད་ལ། བུ་ནི་སྐྱེས་ཀྱང་མ་སྐྱེས་སྐྱེ་བར་ཡང་མི་འགྱུར་བ་དེ་བཞིན་དུ་རིགས་ཀྱི་བུ་དེ་བཞིན་གཤེགས་པ་ནི་ཆོས་ཐམས་ཅད། མོ་ཤམ་གྱི་བུ་དང་
D224.063.0168b03.01འདྲ་བར་མཁྱེན་ཅིང་གཟིགས་བཞིན་དུ་འཇིག་རྟེན་གྱི་རྗེས་སུ་འཐུན་པར་བྱ་བའི་ཕྱིར་གཉིས་སུ་སྟོན་ཏེ། འདས་པའི་དུས་ན་ཁྱོད་མིང་འདི་ཞེས་བྱ་བར་གྱུར། རིགས་ནི་འདི་ཞེས་བྱ། རུས་ནི་འདི་ཞེས་བྱ། ཁ་དོག་ནི་འདི་འདྲ་བར་གྱུར། ཟས་ནི་འདི་ལྟ་བུ་ཞིག་ཟ་ཟ། ཡུན་
D224.063.0168b04.01ནི་འདི་སྲིད་ཅིག་ཏུ་གནས་གནས། བདེ་བ་དང་སྡུག་བསྔལ་ནི་འདི་ལྟ་བུ་ཞིག་ཉམས་སུ་མྱོང་། ཚེའི་མཐའ་ནི་འདི་སྲིད་ཅིག་ཏུ་གྱུར་ཏོ། །མ་འོངས་པའི་དུས་ན་ནི་འདི་ལྟ་བུ་ཞིག་ཏུ་འགྱུར་ཏེ། མིང་ནི་འདི་སྐད་ཅེས་བྱ་བར་འགྱུར། རིགས་ནི་འདི་ཞེས་བྱ། རུས་ནི་འདི་
D224.063.0168b05.01ཞེས་བྱ། ཁ་དོག་ནི་འདི་འདྲ་བར་འགྱུར། ཟས་ནི་འདི་ལྟ་བུ་ཞིག་ཟ་བར་འགྱུར། ཡུན་ནི་འདི་སྲིད་ཅིག་ཏུ་གནས་པར་འགྱུར། བདེ་བ་དང་སྡུག་བསྔལ་ནི་འདི་ལྟ་བུ་ཞིག་ཉམས་སུ་མྱོང་བར་འགྱུར། ཚེའི་མཐའ་ནི་འདི་སྲིད་ཅིག་ཏུ་འགྱུར་རོ། །དེ་བཞིན་དུ་ད་ལྟར་བྱུང་
D224.063.0168b06.01བའི་དུས་ན་མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ། ཁ་དོག་ནི་འདི་འདྲ་བ་ཞིག །ཟས་ནི་འདི་ལྟ་བུ་ཞིག་ཟ། ཡུན་ནི་འདི་སྲིད་ཅིག་གནས། བདེ་བ་དང་སྡུག་བསྔལ་བ་ནི་འདི་ལྟ་བུ་ཞིག་ཉམས་སུ་མྱོང་། ཚེའི་མཐའ་ནི་འདི་སྲིད་ཅིག་ཐུབ་པོ་ཞེས་
D224.063.0168b07.01