完整藏文原文 · 德格版页 当前仅加载第 62 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ནས་མེ་བྱུང་སྟེ་ཚིག་ནས་ཚིག་གོ་ཞེས་སྨྲས་ཏེ་སེམས་ཅན་དམྱལ་བ་ཆེན་པོར་ལྟུང་ངོ་། །དེ་ལ་བྲམ་ཟེའི་ཁྱེའུ་ཆོས་འདོད་ཀྱིས་འདི་སྐད་ཅེས་སྨྲས་སོ། །སློབ་དཔོན་མ་བསྙེངས་ཤིག །བདག་གིས་ཁྱོད་བསྐྱབ་པར་བགྱིའོ། །དེ་ནས་བྲམ་ཟེའི་ཁྱེའུ་ཆོས་འདོད་ཀྱིས་དེའི་ཚེ་འདི་ལྟ་བུའི་བདེན་
D217.062.0283b01.01པའི་ཚིག་འདི་བྱས་ཏེ། བདེན་པ་དང་བདེན་པའི་ཚིག་གང་གིས་བདག་སེམས་ཅན་རྣམས་ཀྱི་དོན་དུ་བྱང་ཆུབ་ལ་སྤྱོད་པའི་བདེན་པ་དང་། བདེན་པའི་ཚིག་དེས་བྲམ་ཟེ་འདིའི་ལུས་ཚིག་པ་རབ་ཏུ་ཞི་བར་གྱུར་ཅིག །སེམས་ཅན་དམྱལ་བ་ལས་ཀྱང་ལོག་པར་གྱུར་ཅིག་ཅེས་བྱས་སོ། །བྲམ་ཟེའི་ཁྱེའུ་
D217.062.0283b02.01ཆོས་འདོད་ཀྱིས་བདེན་པ་དང་བདེན་པའི་ཚིག་བྱས་མ་ཐག་ཏུ་བྲམ་ཟེ་དེ་སེམས་ཅན་དམྱལ་བ་དེ་ནས་ཐར་བར་གྱུར་ཏོ། །དགེ་སློང་དག་དེའི་ཚེ་དེའི་དུས་ན་བྲམ་ཟེའི་ཁྱེའུ་ཆོས་འདོད་ཅེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་དོགས་ཤིང་ཐེ་ཙོམ་ཟ་ན་དེ་ལྟར་མི་བལྟ་སྟེ། དགེ་སློང་དག་
D217.062.0283b03.01ང་དེའི་ཚེ་དེའི་དུས་ན་བྲམ་ཟེའི་ཁྱེའུ་ཆོས་འདོད་ཅེས་བྱ་བར་གྱུར་ཏོ། །དགེ་སློང་དག་དེའི་ཚེ་དེའི་དུས་ན་བྲམ་ཟེར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་དོགས་ཤིང་ཐེ་ཙོམ་ཟ་ན་དེ་ལྟར་མི་བལྟ་སྟེ། ཁྱིམ་བདག་དཔལ་སྦས་དེའི་ཚེ་དེའི་དུས་ན་བྲམ་ཟེར་གྱུར་ཏོ། །དགེ་སློང་དག་དེའི་ཚེ་ཡང་ཁྱིམ་
D217.062.0283b04.01བདག་དཔལ་སྦས་ང་མེ་དོང་དུ་བསྲེགས་ལ་སེམས་ཅན་དམྱལ་བ་ཆེན་པོར་ལྟུང་བར་འདོད་པ་ལས། ངས་དེ་སེམས་ཅན་དམྱལ་བ་ཆེན་པོ་དེ་ནས་བཟློག་ཅིང་། འཕགས་པའི་ཆོས་འདུལ་བ་ལ་བཞག་སྟེ་འདི་དང་དེ་ཡང་དེ་བཞིན་དུ་ཟུང་ཤིག །དགེ་སློང་དག་ད་ལྟར་ཡང་དཔལ་སྦས་ང་མེ་དོང་དུ་
D217.062.0283b05.01བསྲེགས་ལ་སེམས་ཅན་དམྱལ་བ་ཆེན་པོར་ལྟུང་བར་འདོད་པ་ལས། ངས་དེ་སེམས་ཅན་དམྱལ་བ་ཆེན་པོ་དེ་ལས་བཟློག་ཅིང་འཕགས་པའི་ཆོས་འདུལ་བ་ལ་བཞག་སྟེ། དེ་དང་འདི་ཡང་དེ་བཞིན་དུ་ཟུང་ཤིག །དགེ་དང་མི་དགེ་སྔོན་བྱས་ཆུད་མི་ཟ། །མཁས་པ་རྣམས་ལ་བསྟེན་པ་ཆུད་མི་ཟ། །
D217.062.0283b06.01འཕགས་པའི་ཚོགས་ཀྱིས་ལེགས་བཤད་ཆུད་མི་ཟ། །བྱས་ལ་བྱས་གཟོ་ནམ་ཡང་ཆུད་མི་ཟ། །ལེགས་པར་བྱས་པ་དགེ་བའི་ལས། །ཉེས་པར་བྱས་པ་མི་དགེ་ཡིན། །དེ་ལའང་རྣམ་པར་སྨིན་ཡོད་དེ། །གདོན་མི་ཟ་བར་འབྲས་བུ་སྨིན། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་
D217.062.0283b07.01